Frjáls verslun - 01.02.1961, Page 13

Athafnamenn og
frjálst framtak
J
Ingvar Vilhjalmsson
útgerðarmaður
Ingvar Vilhjálmsson er fæddur
26. október 1899 í Dísukoti í
Þykkvabæ. Foreldrar hans voru
hjónin Vilhjálmur Hildibrandsson,
bóndi og járnsmiður, frá Vetleifs-
holti og Ingibjörg Ólafsdóttir. Ár-
ið 1907 fluttist Ingvar mcð for-
eldrum sínuni að Vetleifsholti í
Holtum. Þar vandist hann allri al-
gengri sveitavinnu.
Ingvar fór fyrst. til sjós 1917 —
til Þorlákshafnar — og reri þar hjá
Magnúsi Jónssyni frá Hrauni.
Næsta vetur fór hann til Vest-
mannaeyja og var þar tvær vertíð-
ir á mótorbátnum Franz, sem Sig-
urður Sverrisson stjórnaði, en
hann var eigandi bátsins ásamt
Ólafi Gunnarssyni.
Árið 1919 fluttist Ingvar með
foreldrum sínum til Reykjavíkur.
Snemma á næsta ári gerðist hann
háseti á togaranum Walpole, en
Iionum stjórnaði hinn kunni og
aflasæli skipstjóri Jón Oddsson.
Var Ingvar á því skipi til hausts-
ins 1925, en fór þá í Stýrimanna-
skólann í Reykjavík. Þaðan lauk
hann prófi vorið 1926.
Árið 1928 réðst Ingvar, sem
stýrimaður, til Jóhanns Péturs-
sonar skipstjóra á togaranum
Leikni, er gerður var út frá Pat-
reksfirði og var eign Ölafs Jóhann-
essonar og sona hans. Var Ingvar
síðan stýrimaður og skipstjóri á
togurum Vatneyringa til ársins
1934.
Ári síðar hóf hann útgerð og
keypti mótorbátinn Jón Þorláks-
son, ásamt hinum kunna afla-
manni Guðmundi Þorláki Guð-
mundssyni, sem jafnframt var
skipstjóri á bátnum. Samhliða
þessu hóf Ingvar fiskverkun og
fiskkaup, og skreiðarframleiðslu
hefur hann haft með höndum
óslitið frá 1936. Á stríðsárunum
var skreiðarsölunni beint til Am-
eríku.
Söltunarstöðina Sunnu á Siglu-
firði stofnaði Ingvar 1939, ásamt
Jóni Sveinssyni útgerðarmanni,
Ólafi Jónssyni og Sveini Jónssyni
og hafa þeir rekið hana síðan.
Síldarbræðsluna á Seyðisfirði
keypti Ingvar árið 1942, ásamt
fleirum og rak hana til ársins 1956.
Árið 1944 reisti Ingvar hrað-
frystihúsið tsbjörninn á Seltjarn-
arnesi í félagi við Þórð heitinn Ól-
afsson, Tryggva bróður hans og
Jón Sveinsson. Ilefur Ingvar verið
framkvæmdastjóri ísbjarnarins og
aðaleigandi frá upphafi. Fvrirtæk-
ið hefur vaxið ár frá ári. Það hefur
rekið vélbátaútgerð, og nú gerir
það einnig út nýjan togara af full-
komnustu gerð; er það Freyr RE 1.
Ingvar er einn aðaleigandi Síld-
ar- og fiskimjölsverksmiðjunnar á
Kletti, sem stofnuð var 1946 og
hefur undanfarin ár verið stjórn-
arformaður þess fyrirtækis. Það
gerir nú út 4 togara frá Reykja-
vík.
Ingvar Vilhjálmsson á sæti í
stjórnum margra annarra félaga
og samtaka. Hann er í stjórn
Skreiðarsamlagsins og nú formað-
ur þess, formaður í stjórn Inn-
kaupasambands L. í. Ú. og í stjórn
L. í. Ú. Ilann er í útgerðarráði
Reykjavíkurbæjar, varafulltrúi í
bæjarstjórn og í stjórnum Fiski-
félags íslands, Sjóvátryggingar-
félags íslands, Olíuverzlunar ís-
lands og fleiri félaga, sem eigi
verða talin hér.
Kona Ingvars er Áslaug Jóns-
dóttir frá Iljarðarholti í Stafholts-
tungum. Eiga þau þrjú börn: Vil-
hjálm, 20 ára, Jón, 18 ára og Sig-
ríði, 12 ára,
FRJÁLS VERZLUN
13