Frjáls verslun - 01.02.1961, Side 19

Þær pakka iiski til frystingar
ur bæjarfélagsins. Ekki dugar annað en að tolla í
tízkunni — og helzt að verða á undan Reykjavík
að byggja ráðhús.
Við hinar fögru listir er fingrað lítillega. Ágætur
karlakór æfir og syngur, og lúðrasveit leikur á
tyllidögum. Fullsetinn tónlistarskóli er að störfum,
þar eru 53 listamannsefni í deiglunni. Kristinn
Reyr Pétursson er eina skáldið, sem gefur i'it ljóða-
bækur, þótt ýmsir aðrir yrki og skrifi. Leiklistin
er í lægðarmiðju, sem vonandi fer hratt yfir. Þrjú
bæjarblöð eru gefin út, en það er happa- og glappa-
útgáfa, sem fjörgast um kosningar hverjar. í blaða-
útgáfu er við ofurefli að etja, því að Morgunblaðið
er borið í húsin á hverjum morgni, hartnær 1000
eintök, og öll hin dagblöðin frá Reykjavík sam-
anlagt í nokkru minna upplagi. Nokkrir frístunda-
málarar bera liti á flöt, og er enginn þeirra ab-
strakt, enda gera þeir ekki kröfu til listamanna-
launa.
Tízkufyrirbærið íþróttir — þetta sem birtist í
metum og keppnissigrum — er með nokkrum blóma
í Keflavík. Gott íþróttahús er við skólana, og er
það notað af utanskólafólki á kvöldin. Verið er að
byggja stórt og fullkomið íþróttasvæði og þegar
lokið byggingu á vönduðu búnings- og baðhúsi fyrir
íþróttamenn. Talsvert gott knattspyrnulið er nú í
fullum gangi, en hlaupin, stökkin og köstin eru í
öldudal — en eiga sitt vor í vændum. Mikið er af
góðu sundfólki, því að sundhöll með heitum sjó
Iaðar íólkið til sín, og ekkert barn sleppur úr skóla
án sundkunnáttu. Sund er konungleg íþrótt.
íþróttir eru síður en svo hin eina tómstunda-
fylling unga fólksins, ekki frekar í Keflavík en
annars staðar. Tvö bíó eru í bænum, og rúma þau
til samans um 800 manns. Oftast eru bíóin vel sótt,
en smekkur manna er misjafn. Sumir fara bara til
að fara í bíó — aðrir velja „góðar“ myndir. Bezt
eru sóttar söngva-, gleði- og skammbyssumyndir —
þar hefur hver sinn smekk, eða er aðeins að láta
tímann líða með eitthvað fyrir augum. — Svo leik-
ur þessi eða hin hljómsveitin í Ungmennafélags-
húsinu, gömlu dansarnir eru í Aðalveri — og dansað
á Vík í kvöld . . . Það er rokkað og sambað — og
þambað, sítrón og kók — blandað og óblandað.
Polkinn og marsúrkinn komast bráðum aftur í
tízku, og „Kokkurinn" lifir enn.
Allir, sem syngja dægurlög, eru dægurlagasöngv-
arar og auðvitað á Keflavík tvo slíka — unga
og þybbna, með miklar og fallegar raddir. Svo eru
árshátíðir, afmæli og skemmtanir átthagafélaga. —
Samtals eru 60 félög í bænum, með öll möguleg
og ómöguleg sjónarmið og stefnuskrár. Þau eru
sérlega gróskumikil átthagafélögin, því að alltaf
er að flytjast fólk til Keflavíkur hvaðanæva af
landinu.
A sunnudögum er stundum farið í kii'kju —
FRJÁLS VERZIDN
19