Frjáls verslun - 01.07.1961, Page 8

Sölufyrirkomulag hraðfrysfihúsanna
Umrœður um möguleika á þátttöku kaupsýslumanna í útflutningnum
A fumli Verzlunarráðs íslands, 29. apríl sl., fóru fram umræð-
ur um hvernig bezt væri að haga útflutningi á freðfiski. Margt
hefur vcrið rælt og ritað um þetta mál siðasta hálfan annan
áratug, enda er |iað hið mikilvægasta. Frjáls Verzlun vill kynna
sjónarmiðin viðvíkjandi þessu máli, eins og þau eru í dag, og
fékk því leyfi til að birta framsöguræður þeirra, sem tóku
þátt í umræðunum á fundi Verzlunarráðsins. F,n þeir voru:
Elías Þorsteinsson, formaður S. H., dr. Jakob Sigurðsson, fislri-
fræðingur, Guðmundur II. Garðarsson, viðskiptafræðingur og
Sigurður Helgason, framkvæmdastjóri Verzlanasambandsins. Eru
ræðurnar birtar í sömu röð og þær voru fluttar.
Það fundarefni, sem okk-
ur fjórmenningunum hefur
verið falið að ræða um, er
útflutningsverzlun og sölu-
fyrirkomulag í samhandi
við hana.
Ef urn er að ræða sölu-
fyrirkomulag á hraðfrystum
fiskafurðum, sem ætlaðar
eru til sölu á erlendum
mörkuðum, þá er ég ekki í
neinum vafa um, að hagkvæmasta fyrirkomulagið
er að hafa slíkar söluframkvæmdir á sem fæstra
höndum. Og fyrir smáþjóð, eins og okkar, tel ég afar
þýðingarmikið, að ekki fleiri en tveir aðilar liafi
aðstöðu til þess að hjóða og selja hraðfrystar vörur
á heimsmörkuðum og að þeir liafi gott samstarf
um tithoð og verð.
Það er óbifanleg sannfæring mín, að þeir aðilar,
sem fara út í að framleiða slíkar vörur, eigi að sain-
einast öðrum hvorum hópnum eft.ir eigin vali, svo
sem gerzt hefur hér á landi. Verulegur meirihluti
framleiðenda frystra afurða hefur sameinazt; frjáls-
um samtökum Sölumiðstöðvar hraðfrystihúsanna
og hinn hlutinn í Samhandi ísl. samvinnufélaga.
Frá upphafi hafa aðeins tvær undantekningar átt
sér stað frá þessari meginreglu. Onnur var sölu-
starfsemi Fiskiðjuvers ríkisins, en það fyrirtæki var
rekið fyrir reikning og á ábyrgð hins opinbera, hin
var útflutningur Ingólfs Esphólín. Eg tel að hvorugt
hafi fært neina gæfu, heldur öfugt. Ég mun hér á
eftir í stuttu máli geta nokkurra atriða, sem ég
tel renna stoðum undir hina ákveðnu stefnu mína
í þessum málum. Að sjálfsögðu er hér aðeins um
nokkur atriði af mörgum að ræða, því að það þyrfti
meiri tíma en hér er til umráða til þess að gera
máli þessu fullnægjandi skil.
I. Hagkvæmt samstarf
Með samstarfinu trvggjum við það að ekki sé
bari/.t innan frá um beztu markaðina. Það cr mjög
veigamikið atriði. Og einnig tryggjum við það, að
einn eða annar geti ekki boðið okkar vörur á verði,
sem er okkur óhagstætt, án okkar vitundar, eins
og oft hefur viljað eiga sér stað, þegar fjöldinn
hefur talið sig geta boðið og jafnvel selt, án þess
þó að eiga vöruna.
n. Betri markaðsnýting
Sameiginlegt átak framleiðendanna með sölusain-
tökum gerir það að verkum, að unnt er að nýt.a
með mun betri árangri fleiri markaði en ella. Þessi
samanlagða markaðsnýting gefur betri heildarnið-
urstöður heldur en ef einn okkar fengi svokallaða
toppsölu einstöku sinnum á takmörkuðu magni.
Á grundvelli slíkrar sameiginlegrar starfsemi voru
fulltrúar samtakanna, þ. e. a. s. framleiðendanna,
sendir út á markaðina til að hcfja áður óþekkta
starfsemi við erfið skilyrði. Síðan cru liðin um 20
ár. Á þeim tíma hefur geysileg þróun átt sér stað
í sölu frystra matvæla og hefur starfsemi samtaka
okkar tekið þátt í þeirri þróun og sannað ágæti
sitt. Sýna útflutningsskýrslur augljósan árangur,
svo og uppbygging hraðfrystiiðnaðarins á íslandi.
Elias Þorsteinsson:
8
FR.TÁLS VERZI.UN