Frjáls verslun - 01.12.1970, Blaðsíða 29

FRJALS VERZLUN
27
Unnur.
anna fari utan til sérstakrar
þjálfunar.
Hverjir kaupa þjónustuna?
Sýningar á fatnaði og öðrum
vörum eru yfirleitt á vegum
fyrirtækja eða samtaka þeirra,
ellegar félagasamtaka. Svipað
er um þátttöku í gerð auglýs-
inga, en þar koma meira en ella
inn í spilið auglýsingastofurn-
ar og kvikmyndagerðir.
Kostnaðurinn?
Eðli þeirrar þjónustu, sem
Módelsamtökin veita, er af
mörgum toga spunnið, og fer
kostnaðurinn því eftir ýmsum
atvikum. Algengt er þó, að á
fatnaðarsýningu kosti sýning
hverrar flíkur um 250 krónur.
Elísabet.
Og við gerð auglýsinga er yf-
irleitt tekið fast verð fyrir
hverja unna klukkustund, kost-
ar fyrsta stundin 1500 kr., sið-
an hver stund 500 kr. Að með-
altali má áætla að taki um 3
klukkustundir að taka nokk-
urra sekúndna auglýsingamynd
í sjónvarp.
Vandaður undirbúningur,
betri árangur.
Það sem af er hefur það ver-
ið algengast, að óskir um þjón-
ustu Módelsamtakanna bærust
ekki fyrr en á síðustu stundu.
Er það álit forráðamanna sam-
takanna, að á þessu þurfi nauð-
synlega að verða mikil breyt-
ing, því vandaður undirbúning-
ur þýði betri árangur, og þá
meira gagn af þeirri fyrirhöfn
og þeim kostnaði, sem lagt er í.
Auglýsingastofurnar, sem
ætla mætti að hefðu að öðru
jöfnu meiri skilning á gildi
undirbúningsins, hafa verið
undir sömu sökina seldar og
aðrir aðilar, sem kaupa þjón-
ustu sýningar- og auglýsinga-
fólksins. Þar er þó undantekn-
ingu að finna.
Við gerð auglýsinga hefur
hæfni myndatökumanna ekki
minni á'hrif á árangurinn en
auglýsingafólksins, og lipurt
samstarf verður að vera milli
þessara aðila.
Undirbúningur sem að sýn-
ingar- og auglýsingafólkinu
snýr er margþættur. T.d. er
því gert að snyrta sig sér-
staklega og vera jafnan í góðri
líkamsþjálfun, gerð og flutn-
ingur texta og allt skipulag
hefur úrslitaáhrif og svo mætti
lengi telja.
Eftirspurn ört vaxandi.
Þjónusta Módelsamtakanna
hefur vaxið jafnt og þétt frá
upphafi, og t. d. hafa þau nú
átt hlut að hátt á annað hundr-
að sýningum, þar af nærri 50 á
þessu ári. Sýningar- og auglýs-
ingafólkið innan samtakanna
er nú 25 manns á aldrinum 14-
40 ára, meirihlutinn kvenfólk.
Karlmenn hafa að undanförnu
fengið aukinn áhuga á störf-
um, sem þessum, og eru nú
nokkrir piltar í samtökum,
sumir þeirra jafnvel o:ðnir sjó-
aðir vel.
Ákveðnar kröfur eru gerð-
ar til þeirra, sem ganga í Mó-
delsamtökin, og allir verða að
setjast á skólabekk til að læi’a
snyrtingu og framkomu. Sömu-
leiðis gilda ákveðnar reglur um
háttsemi í starfi og utan þess.
Flestir þeirra, sem í Módel-
samtökunum eru, eru ungt
fólk. En með tímanum má bú-
ast við að þörf verði einnig fyr-
ir miðaldra fólk og bæði ungt
og miðaldra fólk með mismun-
andi vaxtarlag. Eftirspurn eft-
ir þjónustu Módelsamtakanna
er ört vaxandi og sömuleiðis
kröfur um fjölbreyttari þjón-
ustu. Þetta eru samtök sem
eiga framtíðina fyrir sér.
. . . . sem haldin var á Hótel Sögu.