Frjáls verslun - 01.09.1973, Blaðsíða 77

Gylfi Gunnarsson fyrir framan steypubílinn sinn í nýja hverfinu,
þar sem hús Viðlagasjóðs í Neskaupstað eru reist.
vatnsgeyma en framkvæmdum
hefur verið frestað og ákveðið
að bíða til næsta vors. En það
getur orðið dýrkeypt, því að eng-
inn veit hvernig gengur að fá
mannskap þá. Spennan er mjög
mikil í peningamálum hér eins
og annars staðar og allar kostn-
aðaráætlanir stighækka með
hverjum mánuði sem líður.
Þið hafið eflaust tekið eftir,
að hér er búið að leggja olíu-
möl á götur. Gallarnir eru strax
að koma í ljós, því að undir-
búningsvinnan var alls ekki
nógu vönduð. Göturnar eru að
bólgna allar upp. Það má þakka
nýja bæjarstjóranum okkar,
Loga Guðbrandssyni, hverju
tekizt hefur að bjarga. Hann er
verkfræðingur og stóð í því
myrkranna á milli að stjórna
og bjarga því sem bjargað varð.
Það er líka í fyrsta skipti um
langt skeið, sem bæjarstjóri hér
í Neskaupstað hefur umgengizt
vinnandi fólk. Við hefðum mátt
vera búnir að ráða til okkar
verkfræðing í bæjarstjórastöðu
fyrir 10 árum eða hafa hér alla-
vega embættismann með verk-
fræðingsmenntun á vegum bæj-
arins og þá væri ástandið annað
og betra.
— Hér hafa bætzt við nokk-
ur ný fiskiskip að undanförnu.
Er atvinnuástand hér þá ekki
með niiklum hlóma?
— Jú, þau mál standa mjög
vel. Við höfum á skömmum
tíma fengið hingað tvo skuttog-
ara og eitt 1000 tonna skip, sem
er gert út á nótaveiðar. Það er
núna í Norðursjónum að veiða
makríl og hefur landað honum
hérna til bræðslu í tilrauna-
skyni. Að auki eru 6 stórir bát-
ar og 50-60 minni þilfarsbátar
og trillur.
Vinna er mjög stöðug og góð
í fiskvinnslu og núna fyrir
nokkru gerði verkalýðsfélagið
sérstaka samþykkt um að beina
þeim tilmælum til stjórnenda
fiskvinnslustöðvarinnar, að þar
yrði ekki unnið á sunnudögum.
Fólk hefur lagt mikið á sig við
vinnu og sunnudagsvinna hefur
verið felld niður nema í sérstök-
um tilfellum.
— Gengur vel að fá mann-
skap á togarana?
— Já. Það eru tveir menn um
hvert pláss, því að þeir koma
með vikukaup. sem er á við
tveggja mánaða laun verka-
manna. En í þessu sambandi er
rétt að minnast á hafnaraðstöð-
una, sem er alls ekki nógu góð.
Við getum ekki verið öruggir
með þessi nýju skip okkar hér
inni og það var aðeins fyrir ó-
sérhlífni sjómanna að hér var
bjargað verðmætum upp á
hundruð milljóna í óveðri í
fyrravetur. Okkur vantar mjög
tilfinnanlega 20-30 millj. til að
ganga betur frá hafnaraðstöð-
unni.
— Á einkaframtak erfitt
uppdráttar hér í þessu bæjar-
félagi, sem kommún.istar hafa
ráðið áratugum saman?
— Hér eru öll helztu atvinnu-
tækin í eigu eins og sama aðila,
þessarar gömlu kommúnista-
klíku, og einkarekstur sem slík-
urer mjög lítill. Fyrirtæki, sem
heitir Síldarvinnslan, gerir út
skipin og vinnur aflann. Hún
var áður í eigu Samvinnufélags
útgerðarmanna og Dráttarbraut-
arinnar. Þegar Dráttarbrautin
fór á hausinn var einn og sami
forstjórinn hafður yfir henni og
Síldarvinnslunni. Svo þegar
Samvinnufélag útgerðarmanna
stóð höllum fæti var Síldar-
vinnslan látin kaupa upp það
móðurfyrirtæki sitt. því að hún
græddi peninga á síldarárunum.
Kommúnistar náðu öllum tök-
um á útgerðarfélaginu með að-
stoð trillukarla og svo sport-
fiskimanna, sem fóru á sjó sér
til gamans, þegar vel viðraði.
Gömlu útgerðarmönnunum var
þannig ýtt til hliðar. Má segja,
að einn og sami maðurinn ann-
ist nú alla daglega stjórn at-
vinnureksturs hér á staðnum og
að baki honum stendur þetta al-
ræmda kommúnistaauðvald. Nú
eru þeir að fara inn í verktaka-
starfsemina líka og stofnuðu hér
byggingafélag, sem auglýst var
með fréttum í útvarpi og blöð-
um, en það bólar nú samt lítið
á byggingunum enn.
— Ei það til marks um
greiðari aðgang að fjáii.iagni
undir vinstri stjórn að þessi
nýju skip hafa verið keypt
hingað undanfanið?
— Nei. Alls ekki. Lúðvík Jós-
epsson hefur getað náð í þá pen-
inga, sem hann hefur þurft á
að halda og þá er sama, hvort
við völd hefur verið viðreisnar-
stjórn eða vinstri stjórn. Það er
reyndar ekki af neinu öðru en
einhverri undarlegri þrjózku að
menn hafa ekki gefizt upp á
að fylgja Sjálfstæðisflokknum
að málum hér á þessum stað.
Þegar einkaaðilarnir vildu
koma upp Rauðubjargaverk-
smiðjunni svonefndu á árunum
var farið fram á að fá lánaða
tolla upp á 2 Vi. milljón. Þetta var
á viðreisnarárum en svarið var
nei. Á sama tíma var sildar-
bræðslan hér stækkuð fyrir 40
milljónir og það stóð ekki á
þeirri fyrirgreiðslu.
Sama er að segja um togara-
málin. Nokkrir einstaklingar
voru reiðubúnir að leggja fram
fé til kaupa á skuttogara en
vantaði 5 milljóna króna ríkis-
ábyrgð. Hún fékkst ekki, en
kommarnir keyptu skuttogar-
ana og hlutu til þess alla að-
stoð.
— Telurð'u horfur á, að
þetta valdahlutfall kunni að
breytast skjótlega, t. d. við
næstu bæjarstjórnarkosningar
að vori?
— Því er erfitt að spá. Það
fer reyndar eftir útkomunni á
loðnuvertíðinni í vetur hvað
bæjarstjórnarforystan hefur
mikið fjármagn úr að moða.
Ég er mjög bjartsýnn á fram-
tíð staðarins og bind miklar von-
ir við hann ef málefni hans
verða ekki einangruð við hags-
muni þessa pólitíska hrings, sem
hér ræður ferðinni.
FV 9 1973
77