Frjáls verslun - 01.09.1973, Blaðsíða 51

Til hádegisverðar er þar sérstaklega mælt með
glæsilegu og gómsætu hlaðborði, sem sett er upp
til hádegisverðar alla daga vikunnar og á föstu-
dögum er boðið upp á tízkusýningu jafnframt.
Á þessu borði má finna slíkt úrval rétta að undr-
un sætir. Þarna eru ótal kjöréttir og fiskréttir,.
með tilheyrandi sósum og salötum, síldarréttir
í úrvali, brauð, harðfiskur, hákarl, hvalur, skyr
og rjómi, ávextir o. s. frv. o. s. frv. Á eftir er
svo kaffi og kostar máltíðin kr. 700 pr. mann.
Þetta sagði Emil Guðmundsson móttökustjóri að
væri mikið sótt af útlendingum svo og íslending-
um og þá ekki sízt kaupsýslumönnum. Auk þessa
hlaðborðs er svo hægt að panta sérrétti af mat-
seðli.
Vilji menn snæða kvöldverð á Hótel Loftleið-
um vilja forráðamenn þar mæla með matseðli
dagsins sem ávallt samanstendur af 3 réttum,
fiskrétti og tveimur kjötréttum og er annar þeirra
ódýr. Dæmigerður matseðill þarna er t. d. þessi:
Soðin fiskflök með smjöri á krónur 525, eða steikt
á sama verði, körfukjúklingur með kryddsósum á
kr. 595, hamborgarakótiletta á kr. 665 og Roast
beef með bernaise-sósu á kr. 740. Öllum þessum
réttum fylgir blómkálssúpa á undan eða bland-
aðar smásnittur og sem eftirréttur ananasrönd.
Sérréttir eru einnig á boðstólum og má þar nefna
blandaða, innbakaða fiskrétti sem eru mjög vin-
sælir, roast beef stykki sem sneitt er niður í saln-
um og þegar margir eru saman er vinsælt að
borða logandi lamb sem komið er með inn á spjót-
um.
Á Hótel Borg er sérstaklega mælt með blönd-
uðum sjávarréttum til hádegisverðar, nema á
laugardögum, en þá er þar á boðstólum svokallað
kalt borð, langborð hlaðið miklum fjölda rétta
bæði kjöt- og fiskrétta og alls kyns salötum,
brauði og þess háttar. Blönduðu sjávarréttirnir
sem mælt er með, samanstanda af köldum rétt-
um með sveppasósu, grænum baunum og gulróf-
síldarrétti, humar, rækjur, kavíar, harðfisk o.
fl. o. fl. Kostar slík máltíð 795 krónur fyrir mann-
inn.
Til kvöldverðar er mælt með lambakótilett-
um með sveppasósu, grænum baunum og gulróf-
um og frönskum kartöflum. Kostar þessi réttur
585 krónur. Þá mælir hótelið einnig með nauta-
lundum með bernaisesósu, grænum baunum og
gulrótum og frönskum kartöfium og er verðið á
þeim rétti 695 krónur.
í hádeginu og á kvöldin geta gestir valið sér
eftir matseðli og á kvöldseðlinum má m. a. finna
súpu, ristaðan silung og Omelet Americane, sem
forrétti, og síðan ýmsa kjötrétti. Þá geta gestir
valið sér ýmsa eftirrétti s. s. skyr og rjóma eða
ávexti með rjóma.
FV 9 1973
51