Frjáls verslun - 01.11.1978, Side 8

Gísli Benediktsson, var nýlega ráöinn skrif-
stofustjóri Iðnlánasjóðs. Tilgangur Iðnlána-
sjóðs er að styðja iðnað íslendinga með hag-
kvæmum stofnlánum m.a. til véla- og tækja-
kaupa, til byggingar verksmiðju- og iðnaðar-
húsa, til endurskipulagningar iðnfyrirtækja, til
hagræðingar í iðnrekstri og til framkvæmda er
auka hollustu og öryggi og bæta starfsumhverfi
á vinnustöðum. Iðnlánasjóði er heimilt, ef sér-
stakar ástæður mæla með að mati sjóðsstjórn-
ar að lána iðnfyrirtækjum til fasteignakaupa.
Gísli er fæddur í Reykjavík 16. apríl 1947.
Hann varð stúdent frá Menntaskólanum í
Reykjavík 1967 og lauk prófi í viðskiptafræðum
frá Háskóla íslands haustið 1971. Síðan réðist
hann til Félags íslenzkra iðnrekenda sem skrif-
stofustjóri, og starfaði þar þangað til í júní
1976, en þá varð hann útibússtjóri Iðnaðar-
banka íslands í Breiðholti. Því starfi gegndi
hann þar til hann varð skrifstofustjóri Iðnlána-
sjóðs.
Iðnlánasjóður er í vörzlu Iðnaðarbanka ís-
lands og hefur húsnæði í aðalstöðvum hans.
Starfsemi sjóðsins óx mjög fiskur um hrygg á
síðasta ári og voru afgreidd lán þá að upphæð
1.329,6 milljónir kr. á móti 740,7 millj. kr. árið
áður. Lánsbeiðnum og afgreiddum lánum
fjölgaði einnig verulega. Á þessu ári hefur Iðn-
lánasjóður til ráðstöfunar 1770 milljónir kr.
Mikil eftirspurn er eftir lánum úr Iðnlánasjóði,
að sögn Gísla, og hefur aðeins verið hægt að
sinna um 30% eftirspurnar.
Af ráðstöfunarfé sjóðsins, 1700 milljónum, er
gert ráð fyrir, aó sögn Gísla, að að vélalán til
iðnaðarins á þessu ári verði um 920 milljónir og
byggingalán um 850 milljónir króna.
áfangar
Þórður Ólafsson, hefur verið ráðinn for-
stöðumaður bankaeftirlits Seðlabankans af
bankastjórn Seðlabankans og tók hann við því
starfi 1. nóvember s.l.
Samkvæmt lögum um Seðlabanka íslands
hefur bankaeftirlitið eftirlit með starfsemi allra
innlánsstofnana í landinu þ. á. m. banka og
sparisjóða.
Þórður sagði, að bankaeftirlit Seðlabankans
fylgdist með að þessar stofnanir fylgi þeim lög-
um og reglum, sem gilda hverju sinni um starf-
semi þeirra. Sé rekstur þessara stofnana í ein-
hverju óheilbrigður eru gerðar athugasemdir til
ráöherra.
Bankaeftirlit Seðlabankans á að tryggja, að
sparifjáreigendur, sem hafa lagt fé í innláns-
sjóði þessara stofnana, fái sitt fé greitt í sam-
ræmi við höfuöstól og vexti af því fé sem þeir
lögðu inn.
Innheimta á bindiskyldu banka og annarra
innlánsstofnana er í höndum bankaeftirlitsins,
og einnig söfnun upplýsinga um mánaðarlega
stöðu innlánsstofnana, svo drepið sé á það
helzta.
Þórður Ólafsson er fæddur á Núpi í Dýrafirði
26. júlí 1948. Hann lauk stúdentsprófi frá
Menntaskólanum á Akureyri 1968 og lögfræði-
prófi frá Háskóla íslands í janúar 1975.
Frá því aö hann lauk lögfræðiprófi hefur
hann starfað við bankaeftirlit Seðlabankans,
síðustu tvö árin sem deildarstjóri.
Bankaeftirliti Seðlabankans er því ætlaö að
fara ofan í saumana á starfsemi banka, spari-
sjóða og annarra innlánsstofnana á landinu
s.s. innlánsdeilda samvinnufélaga og Söfnun-
arsjóös Islands.