Frjáls verslun - 01.11.1978, Blaðsíða 15

ordspor
Mikið innanhússtríð hefur staðið hjá
útvarpinu vegna morgundagskrárinnar.
Jón Múii Árnason, sem um árabil hefur
verið morgunþulur í útvarpinu, er nú
hættur því og hefur skipt um vinnu við
konu sína, Ragnheiði Ástu Pétursdóttur.
Sagt er að Jón Múli hafi verið sármóðg-
aður yfir því að sífellt styttist sá tími, sem
hann hafði til að snakka um höfuðborg-
arsólina og spila plötur. Um þverbak
keyrði, þegar Morgunpósturinn hóf
göngu sína. Þá var Jóni nóg boðið og
Stjórnunarfélag íslands fékk hingað til
lands bandarískan fyrirlesara til að fjalla
um fjárlagagerð og rekstur opinberra
stofnana, sem hefur verið tekinn tilgagn-
gerrar endurskoðunar vestanhafs. Sýndist
þeim Stjórnunarfélagsmönnum sem
þarna vœri á ferðinni uppfrœðingarefni,
sem íslenzkir alþingismenn mvndu ein-
hvers meta og tœkju fegins hendi. Það
reyndist hins vegar ekki. Alþingismönn-
um var boðið til fyrirlestra hjá hinum
bandaríska fjárlagasérfrœðingi en það
voru aðeins fjórir, sem töldu sig hafa eitt-
hvert gagn af upplýsingum þessa banda-
ríska frœðimanns. Fleiri mœttu víst ekki.
Ábyrgir aðilar í fjármálaráðuneytinu
eru farnir að spá því í fullri alvöru að
verðbólga á næsta ári verði ekki aðeins í
kringum 50% eins og verið hefur á því ári,
sem senn er að Ijúka, heldur fari hún
jafnvel upp í 70% 1979.
Nýi meirihlutinn í borgarstjórn
Reykjavíkur hefur gerzt stórtœkur í
sparnaðarráðstöfunum. Ákveðið hefur
verið að sú venja að gefa litlu börnunum
epli á jólaskemmtunum í skólum borgar-
innar verði lögð af. Sparar þetta að sjálf-
sögðu einhverjar krónur þó mörgum
finnist að ráðizt sé á garðinn þar sem hann
er lœgstur.
Sögusagnir ganga um að endurbætur á
síldarverksmiðjunni á Skagaströnd muni
kosta um einn og hálfan milljarð. Verið
er að gera verksmiðjuna klára til loðnu-
vinnslu og er víst fyrirhugað að hún geti
hafið starfsemi á sumaryertíð næsta ár.
Verksmiðja þessi, sem er í eigu Síldar-
verksmiðja ríkisins, hefur að mestu
staðið ónotuð síðan í stríðslok en nú hafa ,
vélar hennar verið rifnar upp og nýjar
keyptar. Þá hefur verið unnið að um-
fangsmiklum viðgerðum á húsi verk-
smiðjunnar, auk þess sem byggja verður
nýja mjölgeymslu, þar sem sú gamla var
seld og gerð að skipasmíðastöð. Sagt er
að Lárus Ævar Guðmundsson, sveitar-
stjóri á Skagaströnd, verði fram-
kvæmdastjóri verksmiðjunnar.
•
Kosning í útvarpsráð mun fara fram á
alþingi í desember. Athygli vekur, að
Ragnar Arnalds, menntamálaráðherra,
hefur lýst þeirri skoðun sinni að a/þingis-
menn og ritstjórar eigi ekki að sitja í ráð-
inu. Vi/I hann þar með greinilega útiloka
m.a. Þórarin Þórarinsson, ritstjóra, nú-
verandi formann ráðsins, og einnig Ólaf
Ragnar Grímsson, alþingismann og
flokksbróður sinn, sem margir höfðu talið
líklegan formann nœsta útvarpsráðs.
Ragnar ráðherra skipar formann ráðsins
og litur út fyrir að Ólafur Ragnar Gríms-
son eigi ekki upp á pallborðið hjá honum.
Ólafur R. Einarsson, sem sceti hefur átt í
útvarpsráði fyrir Alþýðubandalagið, er
sagður vera meira að skapi Ragnars Arn-
alds.
15