Frjáls verslun - 01.12.1979, Blaðsíða 13

ordspor
Forseti íslands mun á nýársdag lýsa því
yfir að hann hyggist ekki gefa kost á sér
til setu í embætti næsta kjörtímabil, að
því er áreiðanlegir heimildarmenn blaðs-
ins fullyrða. Nú er nokkurn veginn Ijóst,
að þrír frambjóðendur með stjórnmála-
störf að baki eru afar líklegir til að keppa
um forsetaembættið, þeir Albert Guð-
mundsson, Gylfi Þ. Gíslason og Ólafur
Jóhannesson. Guðlaugur Þorvaldsson,
ríkissáttasemjari, hefur engan veginn
útilokað þann möguleika að gefa kost á
sér í forsetakosningum, ef það þætti leysa
vanda og eftir því yrði leitað við hann.
Peningastofnanir heyja harða baráttu um
viðskiptin. Ríkisbankarnir œtla ekkert að
gefa eftir í samkeppni við smœrri stofn-
anir eins og sparisjóði í einstökum
byggðarlögum. Þannig mun Landsbank-
inn hafa gert alvarlegar athugasemdir við
áform um að Sparisjóðurinn í Keflavík
annaðist alla innheimtu afnotagjalda fyrir
Hitaveitu Suðurnesja. Fréttir herma, að
bankinn hafi gert forráðamönnum hita-
veitunnar Ijóst að lánafyrirgreiðsla til
hennar yrði í lágmarki, ef Sparisjóðurinn
í Keflavík tœki við allri innheimtunni.
•
Það er ýmis gangur á ferðalögum ís-
lendinga um hátíðarnar. Forstjóri eins af
stórfyrirtækjum í Reykjavík lagði land
undir fót með alla f jölskylduna til þess að
sigla um Karabíska hafið á glæsiskipinu
Queen Elizabeth. Ýmsar tröllasögur
ganga um kostnað við svona ferð. Fólk-
inu var gert ljóst, að menn yrðu að klæð-
ast formlegum búningum. Forstjórinn lét
sér ekki bregða við að þurfa að mæta með
smókinginn, kjólfötin og viðhafnarklæði.
En sagan segir, að honum hafi brugðið í
brún, þegar hann var beðinn um að leggja
fram skrá yfir þær orður, sem hann ætlaði
að bera í veislunum!
Gífurlegt tap á Ameríkuflugi Flugleiða og
fyrirsjáanlegir framhaldsörðugleikar á
þeirri flugleið kunna að valda algjörum
þáttaskilum í flugmálastarfsemi íslend-
inga á nœstunni. Fimmtudaginn fyrir jól
er fyrirhugað að stjórn Flugleiða komi
saman og er búizt við að þá verði teknar
afdrifaríkar ákvarðanir um framhald
Ameríkuflugsins, jafnvel að því verði að
mestu leyti hætt. Mun það að sjálfsögðu
hafa veruleg áhrif á alla starfsemi félags-
ins utan hins eiginlega flugreksturs, t.d. í
rekstri hótela o.fi, þar sem farþegar í
Ameríkufluginu hafa verið góðir við-
skiptavinir. Heyrzt hefur að meðal fyrstu
ákvarðana í þessu sambandi verði upp-
sögn allra aðstoðarflugmanna í milli-
landaflugi félagsins.
Heitt hefur verið í kolunum á fundum
núverandi meirihluta borgarstjórnar
Reykjavíkur, þar sem drög að fjárhags-
áætlun fyrir árið 1980 hafa verið til um-
ræðu. Er enn allt óvíst um ákvarðanir
varðandi framkvæmdir í einstökum
málaflokkum á næsta ári. Fulltrúar hinna
þriggja flokka í ráðum og nefndum leggja
ríka áherzlu á „sín mál“ og langt frá því
að málamiðlun hafi tekizt. Þannig hefur
Sjöfn Sigurbjörnsdóttir barið í borðið og
krafizt meira fjármagns til æskulýðs-
mála. Eiríkur Tómasson, formaður
íþróttaráðs vill meira fé til uppbyggingar
íþróttamannvirkja o.s.frv. Kristján
Benediktsson lenti upp á kant við sam-
starfsmenn sína í hinum flokkunum,
þegar fjárhagsáætlunarmál voru á dag-
skrá, og gekk af fundi.
13