Frjáls verslun - 01.07.1980, Blaðsíða 45

íslenzka varan tæki hinni dönsku
greinilega fram í gæðum.
Þá sagði Kjersner, að fyrir
nokkrum árum hefðu íslenzku
fyrirtækin á Scandinavian Fashion
Week unnið náið saman að mótun
einnar íslandsdeildar á sýning-
unni, sem hafði vakið mikla athygli
en nú vildu þessi sex eða sjö fyrir-
tæki, sem væru með, komast eins
langt hvert frá öðrum og hugsazt
gæti, þannig að ekkert íslenzkt
„tema" væri lengur merkjanlegt.
„Við teljum mikils virði fyrir Bella
Center, að íslendingar séu með á
þessum sýningum. íslenzka ullar-
varan vekur mikla athygli," sagði
Even Kjersner. „Reyndar er það
svo, að íslenzk og finnsk fata-
hönnun þykir frumlegust og sér-
kennilegust. Mokkakáþur frá
Finnlandi þykja mjög glæsilegar.
Christina Bulow, sem er þýzkur
tízkusérfræðingur, segir þá sögu
sunnan úr Þýzkalandi, aö fulltrúar
fataverzlunar þar í landi fari sér-
staklega lofsamlegum orðum um
íslenzkan og finnskan fatnað."
Harðnar á dalnum
Þó að Bella Center hafi upþhaf-
lega átt að vera og sé enn
sameiginleg, norræn sýningar- og
kaupstefnumiðstöð þá eru gestir
þar aðallega Danir eins og skiljan-
legt er. Miðstöðin gegnir því lykil-
hlutverki fyrir danskt framleiðslu-
og viðskiptalíf. Á árum áður voru
París, London og Kaupmannahöfn
helztu tízkusýningaborgir í
Evrópu. Nú eru sýningar svo aó
segja út um allar trissur. Þar af
leiðandi hefur heldur dregið úr
áhrifum Bella Center miðað við
þann upphaflega tilgang, sem
miðstöðinni var ætlaður í samnor-
rænu tilliti. Svíar hafa til dæmis
mjög aukið sjálfstæða starfsemi
sína á þessu sviði, þannig að
Kaupmannahöfn er ekki lengur
örugg um titil sinn sem ókrýnd
drottning tízkusýninganna í norð-
anverðri Evrópu. Samkeppni við
Bella Center fer vaxandi.
Annar vandi sækir að Bella
Center um þessar mundir og það
er fjármálakreppan, sem landlæg
er í Danmörku og ekkert lát virðist
vera á.
„Ef maður er spurður, hvort
þetta ástand þýði merkjanlegan
samdrátt í öllum almennum út-
gjöldum heimilanna og að Danir
neiti sér alveg um munaðarvörur
og ferðalög til útlanda, þá er svarið
nei,“ sagði Kjersner. „Eins og
Norömennirnir segja þá eru Danir
á hraðri leið norður og niður, en
ferðast auðvitað á fyrsta farrými."
Fyrirtækin hafa
minna umleikis
Danskur efnahagsvandi endur-
speglast á þann veg í rekstri Bella
Center að ríki og bæjarfélög, sem
eiga sameiginlega 51% í fyrirtæk-
inu, halda að sér höndum og
hvetja til sparnaðar og niður-
skurðar. Þessir opinberu aðilar
telja Bella Center ekki í forgangs-
röð nauðsynlegra útgjaldabálka. í
fyrra nam hallinn á rekstri Bella
Center 11,6 milljónum danskra
króna og því er Ijóst, að atvinnu-