Frjáls verslun - 01.07.1980, Blaðsíða 5
Karólína Jósepsdóttir hefur nýlega keypt
kvenfataverslunina Strikið á Laugavegi 8.
Karólína er fædd árið 1955 í Hafnarfirði. Hún
lauk gagnfræðaprófi frá Flensborgarskólanum
1972. Síðan starfaði hún ífjögurársem ritari á
lögfræðiskrifstofu Árna G. Finnssonar og síð-
astliðin þrjú ár var hún læknaritari á heilsu-
gæslu Hafnarfjarðar.
Karólína var spurð því hún hefði byrjaö þessa
starfsemi.
„Ég hef alltaf haft gaman af að selja. Meðan
ég var ritari stundaöi ég verslunarstörf um
helgar sem tómstundagaman og síöan var ég
einnig sölumaður hreinlætisvara og seldi
gegnum síma. Þegar ég sá þessa verslun aug-
lýsta, var ég í leit að íbúðarhúsi. Ég sló til og
keypti verslunina en sleppti húsinu. Ég lét
breyta versluninni algjörlega og fatnaðurinn er
líka allt annar. Ég reyni að hafa vöruna sem
fjölbreyttasta og merkin eru aðallega ítölsk,
ensk og sænsk. Ég hef lítið af íslenskum vörum,
á þeim finnst mér of mikil fjöldaframleiðsla. Til
að fylgjast með tískunni, þarf að fara minnst
þrisvar til fjórum sinnum á ári til annarra landa í
verslunar-og kynningarleiðangra.
— Er erfitt að setja upp verslun?
,,Já, það þarf töluvert átak og hugrekki. Og til
aö fá verslunarleyfi eru alltaf gerðar strangari
kröfur, helst þarf verslunarpróf. En mikil
starfsreynsla eru góð meömæli og hana tel ég
mig hafa síðan ég var ritari, bókhaldið vefst
ekkert fyrir mér."
Verslunin hefur gengið mjög vel og hefur
Karólína eina stúlku sér til aðstoðar.
Björgvin Schram var ráðinn forstöðumaður
kerfisdeildar Sambands íslenskra samvinnufé-
laga 1. júlí síöastliðinn.
Björgvin er fæddur árið 1945. Hann varð
stúdentáriö 1966frá Verslunarskóla íslandsog
lauk síðan prófi frá Háskóla íslands í viðskipta-
fræði árið 1971. Hann hefur fram til þessa
unnið í kerfisdeild I.B.M.
Hlutverk kerfisdeildar S.Í.S. er að annast ný-
smíði og uppsetningu tölvuverkefna fyrir Sam-
bandið, samstarfsfyrirtæki þess og kaupfélög-
in. Björgvin hefur umsjón með deildinni, en í
henni munu starfa átta til tíu manns.
Björgvin sagði hið nýja starf leggjast vel í sig,
því gera ætti átak í tölvuvæðingu Sambandsins
en starfsemi þess er geysilega fjölþætt og væru
verkefni kerfisdeildar mörg.
— Hvernig er það fyrir mann, gjarnan
nefndur sjálfstæðismaður, að starfa í fyrirtæki,
sem hefur á sér „framsóknarstimpil"?
„Ég hef aldrei verið mjög pólitískur, þó svo
að mín skyldmenni séu það. Það vantar aðeins
talsmann framsóknar innan minnar fjölskyldu
og hver veit nema ég bæti úr því."
7