Frjáls verslun - 01.07.1980, Blaðsíða 16

Breytingar á spilakössum
og stöðumælum
Svo litið sé á nokkur minnihátt-
armál, samfara gjaldmiðilsbreyt-
ingunni, má nefna að rekstur
Rauða kross íslands á spilaköss-
um mun taka miklum stökkbreyt-
ingum. Tíkalla kassarnir, verða
allir teknir úr umferð þar sem þeim
verður vart breytt til samræmis við
nýja mynt.
Að sögn Eggerts Ásgeirssonar,
framkvæmdastjóra RKÍ, verður
fimmtíu króna kössunum breytt í
krónukassa, þannig að framvegis
mun fólk leggja undir sem svarar
hundraðkalli á gamla málinu. Voru
50 króna kassarnir sérstaklega
valdir á sínum tíma með tilliti til
þessa.
Stöðumælagjöld tífaldast
Guttormur Þormar, yfirverk-
fræöingur umferðardeildar
Reykjavíkurborgar, sagði að
stöðumælunum þúsund yrði nú
breytt til aö taka við nýjum krónu-
peningum, sem þýóir að framvegis
mun kosta gamlan hundraðkall í
stöðumæli.
Þrátt fyrir að hér sé um aö ræða
tíföldun á stöðumælagjöldum frá
því sem nú er, sagði hann að það
yrði aöeins ámóta gjald og var í
upphafi, 1958, sé tillit tekið til al-
mennra hækkana í landinu. Þá
yrði tíminn víða lengdur og á það
væri að líta að stöðumælagjöld hér
væru nú þau lang-lægstu sem
tíðkuðust á Vesturlöndum, og væri
þá tillit tekiö til kaupmátts þar.
Undirbúningur aö breytingunni er
hafinn, en kostnaður vegna henn-
ar er enn óljós.
Frímerkin óbreytt
,,Sú ákvörðun okkar að sleppa
,,kr.“ merkingum á frímerkjum
1973 og síöar og láta aðeins tölu
standa sem verðgildismerkingu,
skapar okkur geysilegt hagræði
nú, þvíþarsem nú stendurt.d. 150
á frímerki og merkir gamlar krón-
ur, mun framvegis merkja aura,
svo ekki er þörf á neinni auka frí-
merkjaprentun," sagði Jón Skúla-
son, Póst- og símamálastjóri.
Annmarkana kvað Jón einkum við
skýrsluvélavinnslu fyrirtækisins,
sem þyrfti endurskipulagningar
við þar sem komman fyrir framan
aurana mun taka pláss heils tölu-
stafs, en hún er ekki notuð nú. Þá
verður að breyta öllum símasjálf-
sölum, sem mun verða kostnaðar-
samt.
Breytingin kostar nokkur
„mannár“
,,Myntbreytingin kallar á breyt-
ingar á all flestum forritum, þar
sem unnið er með peningaupp-
hæðir. Vinnan við þær breytingar
er áætluö fimm til sjö „mannár",
sem dreifist á síðari hluta þessa
árs og fram á mitt næsta ár,“ sagði
Eggert Steingrímsson, skrifstofu-
stjóri Skýrsluvéla ríkisins og
Revkjavíkurborgar.
Attur innan 20 ára?
Hér hefur verið drepið á nokkur
atriði, varöandi væntanlega gjald-
miðilsbreytingu og sýnist sitt
hverjum. Þó má segja að allir hafi
verið á einu máli um það, að án
jafnhliða efnahagsaðgerða verði
breytingin til harla lítils gagns, því
grípa þyrfti til hennar aftur innan
20 ára miðað við núverandi verð-
bólgu.
18