Frjáls verslun - 01.12.1980, Page 75

Þrjú af efstu félögunum á tossalist-
anum Alitalia, Iberia og Aeroflot eru
hvergi nefnd á nafn á listanum yfir vin-
sælustu félögin. Staöa þeirra er því
enn lakari fyrir vikið. Öll efstu félögin á
vinsældalistanum koma hér aftur á
móti líka viö sögu nema Swissair, efsta
félagið á lista alþjóölegu farþeganna
og Singapore Airlines, nýja stjarnan.
Staöa þeirra er enn glæsilegri fyrir vik-
ið. Þaö má því álíta sem þjónusta
þessara tveggja félaga taki fram þjón-
ustu keppinautanna. Þeirri þjónustu
virðist heldur ekki kastaö á glæ. aö
minnsta kosti ekki hvað Swissair viö-
víkur. Samkvæmt blaðafregnum ný-
lega, er þaö eina flugfélagiö, sem skilar
viöunandi hagnaði á Noröur-Atlants-
hafsleiöinni.
Swissair á það að nokkru leyti sam-
eiginlegt Singapore Airlines aö leggja
áherslu á farþega í viðskiptaerindum
frekar en ferðalanga, sem komast vilja
á milli staöa á ódýrasta hátt. Viö-
skiptafólkið vill feröast þægilega og er
fúst til aö láta fyrirtæki sín borga það,
sem slíkur ferðamáti útheimtir Þessi
markaöur er flugfélögunum líka
traustari, því hækkun á flugfargjöldum
og efnahagskreppur valda mun minni
samdrætti í viðskiptaferðum en
skemmtiferðum.
Flugfélögin, sem aðsetur sitt eiga í
Mið-Evrópu eiga þaö sameiginlegt aö
vera meöal traustustu flugfélaga í
heimi. Vélar þeirra eru nýlegar, þjón-
usta þeirra bæði í lofti og á láði gengur
yfirleitt snuröulaust fyrir sig og áætl-
anirnar eru tiltölulega lausar viö flökt.
Af reynslu minni tek ég þó fúslega
undir skipan Swissair í fyrsta sæti.
Vélar félagsins eru sérlega snyrtilegar,
um borö er þjónustuliðið á stööugu iði
frá flugtaki til lendingar og matur er
borinn fram á leirtaui og snæddur með
stálhnífapörum.
Þaö er ekki tilviljun, að Svisslend-
ingar eru þekktir fyrir úrasmíði, ná-
kvæmni þeirra er aö sumra mati óþol-
andi. Enginn setur þó fyrir sig ná-
kvæmni þeirra í flugáætlunum. Eitt
sinn var mér tjáö (af Flugleiðum), aö
aöeins British Airways flygi á milli
Genfar og Lundúna á þeim degi, og
þeim tíma, sem mér hentaði best. Mikiö
sárnaöi mér, þegar ég komst aö því á
flugvellinum, aö vél frá Swissair átti aö
leggja af staö til Lundúna á nákvæm-
lega sama tíma. Ég missti ekki einungis
af rómaöri þjónustu Swissair heldur
lyfti vél þeirra sér frá jörðu á nákvæm-
lega áætluðum tíma um leiö og tilkynnt
var um rúmlega klukkutíma seinkun hjá
British Airways. Líkt og úrsmíðin og
súkkulaöiframleiöslan er ferðamanna-
og flugþjónustan hjá Svisslendingum í
fyrsta flokki.
í könnun samtaka flugfarþega var
ekki aðeins athuguö afstaöa farþeg-
anna til flugfélaga heldur og einnig til
flugvélategunda. Vegna alls umtalsins.
sem DC-10 slysiö á O'Hare flugvell-
inum viö Chicago olli um það leyti, sem
könnunin var gerö, var þó horfið fr^ því
aö birta niöurstöður. I könnuninni 1977
aftur á móti kom í Ijós, að Boeing 727
var lang vinsælust á styttri flugleiðum
en Boeing 747 og DC-10 vinsælastar á
þeim lengri. ( nýjustu könnuninni kom í
Ijós, aö bandarískir farþegar hafa lang
oftast flogið meö Boeing 727, síöan
DC-10, Boeing 707 og loks Boeing 747.
Á alþjóðaflugleiöum höföu menn oftast
notast viö eftirtaldar vélar:
1. Boeing 747
2. Boeing 727
3. DC-10
4. Boeing 707
5. DC-8
6. DC-9
7. Boeing 737
8. Tristar
9. Airbus
10. Concorde
Bæöi Airbus og Concorde höföu
hækkað verulega á listanum síðan í
könnuninni 1966.
En hversu mikla áherslu leggja þeir,
sem mest ferðast á að fljúga meö
ákveðnum flugfélögum eöa ákveðnum
flugvélategundum? Þegar ákveöiö flug
er valið, reyndust aörir þættir mun
mikilvægari:
1. Beintflug
2. Hentugur brottfarartími
3. Hentugur komutími
75