Frjáls verslun - 01.12.1980, Page 86

Væntanlegar
orkumálum:
nýjungar Hjörleifs í
„Ég kveiki á
kjertum mínum"
Það hefur verið dauft yfir virkjunarmálum hér
á landi á þessum áratug og er þá vægt tekið til
orða. Þrátt fyrir það að flestir stjórnmálaflokkar
og aðrir ábyrgir aðilar í þessu þjóðfélagi séu
fullkomlega sammála um að stórauka beri nýt-
ingu okkar á vatnsaflsorku, hefur ekki verið
tekin ákvörðun um nýja vatnsaflsvirkjun frá því
að Jóhann Hafstein var iðnaðarráðherra! Því
miður eru ekki miklar líkur á því að skynsamleg
ákvörðun verði tekin í orkumálum á meðan þau
eru á áhrifasvæði afturhaldssinna í Alþýðu-
bandalaginu.
Þegar Hjörleifur Guttormsson tók fyrst við
embætti orkumálaráðherra í ríkisstjórn Ólafs
Jóhannessonar voru margir vongóðir um að
skynsamlega og kappsamlega yrði að orkumál-
um unnið, þrátt fyrir yfirlýsta afturhaldssemi og
óraunsæi flokksbræðra hans. En allt fór á annan
veg og athafnir ráðherrans hafa ekki aukið traust
á stjórnvisku hans. Skammt er að minnast þeirr-
ar ákvörðunar Hjörleifs að draga úr virkjunar-
framkvæmdum við Hrauneyjafossa, en sú
ákvörðun reyndist þjóðinni dýr. Þá er öllum í
fersku minni er hann taldi það vænlegasta kost-
inn í orkumálum að loka álverinu og nota raf-
magnið í annað. Hann hefði alveg eins getað lagt
til að jólunum yrði frestað, líkt og flokksbróðir
hans á Kúbu gerði hér einu sinni. Fyrir því hefði
hann getað flutt hliðstæð og álíka „skynsamleg"
rök því eins og menn vita miðast orkuþörf til
heimilisnota við mestu hugsanlega notkun, svo
nefndan álagstopp. Hann erá aðfangadagskvöld
þegar allar hellur og allir ofnar sem eru i landinu
eru í notkun samtímis. Álagstoppurinn minnk-
aði verulega og þar með virkjunarþörfin ef jólin
yrðu haldin i júli.
Enn muna menn þá einörðu ákvörðun Hjör-
leifs, er hann ákvað stórvirkjun í kjördæmi sínu,
sama daginn og hann lét af embætti iðnaðar-
ráðherra í stjórn Ólafs Jóhannessonar. Það varð
svo fyrsta verk eftirmanns hans, Braga Sigur-
jónssonar að draga þá ákvörðun til baka. Gerðist
þetta hvort tveggja þann sama dag. Þrátt fyrir
tæplega eitt ár í embætti iðnaðarráðherra núna
bólar ekkert á þessari virkjun Hjörleifs.
Blaðamannafundur Hjörleifs með orkusparn-
aðarnefnd er táknrænn fyrir það óraunsæi, sem
Alþýðubandalagið hefur að leiðarljósi í orku-
málum. Sá fundur var haldinn í hálfrökkri í
lðnaðarráðuneytinu, sem sjálfsagt hefur átt að
vera táknrænt fyrir aðgerðir nefndarinnar, en
var þeim niun óhentugra fyrir ljósmyndara. Það
var í stíl við annað óraunsæi, að formaður
nefndarinnar, Þorsteinn Vilhjálmsson, fór um
það fögrum orðum hversu hentugt það væri að
hjóla í vinnuna. Hann býr nefnilega á Melunum
og vinnur í Grímstaðarholti. Hann hefur greini-
lega ekki hjólað upp Breiðholtsbrautina í rign-
ingu og suðaustanátt.