Frjáls verslun - 01.01.1981, Blaðsíða 3
1 síðasta tölublaði Prjálsrar verzlunar var
birtur listi yfir 100 stærstu fyrirtækin á
Islandi. Hefur listinn vakið sérstaka at-
hygli og fjölmiðlar birt úr honum úrdrátt
um veltu fyrirtækja, starfsmannafjölda,
launagreiðslur og meðallaun. Er listinn á
margan hátt forvitnilegur, því að þar er
á saman dreginn hátt sett fram yfirgrips-
mikil saga í hnotskurn. Það er mjög ánægju-
legt, hversu vel forsvarsmenn fyrirtækja
tóku þeirri málaleitan blaðsins að fá frá
þeim ítarlegar upplýsingar um rekstur hjá
viðkomandi fyrirtækjum enda ekki hægt að
framkvæma svo yfirgripsmikla athugun nema
með nánu samstarfi við þá. Er hér með kom-
ið á framfæri þökkum til þessara aðila.
Hér í blaðinu er að þessu sinni birt út-
gáfuáætlun allra sérrita Erjáls framtaks.
Tilgangur þeirrar kynningar er að gefa
auglýsendum tækifæri til að geta skipu-
lagt og aðlagað markaðssókn sína í sérrit-
unum þeim tímasetningum, sem bezt eiga við
fyrir þá. Á þennan hátt geta þeir nálgazt
sérhæfða hópa í þjóðfélaginu, sem annað
hvort tengjast eftir starfssviði eða áhuga-
málum. Það er einnig eftirtektarvert, að
auglýsendur hafa nú þegar pantað á þriðja
hundrað síður fyrirfram í sérritunum og í
hverri viku bætist stór hópur við. Þessir
aðilar hafa lagt áherzlu á að tryggja sér
góða staðsetningu auglýsinga í blöðunum og
jafnframt góðan tíma til að láta vinna aug-
lýsingar með aðstoð starfsmanna Erjáls
framtaks, sem í auknum mæli eru beðnir um
að veita auglýsendum slíka sérhæfða þjón-
ustu.
3