Frjáls verslun - 01.03.1983, Síða 25

tíðasveiflna í flutningum til og
frá landinu er minnst að gera á
sumrin. Þess vegna höfum viö
þreifað fyrir okkur á þessum
markaði, en með ófullnægjandi
árangri. Þessi markaður er
mjög lélegur þessi missirin
vegna samdráttar í efnahagslífi
landanna í kringum okkur og
viö teljum, aö í bili sé þetta ekki
gróðavegur eða að þarna sé
möguleiki á útflutningi ís-
lenskrar þjónustu í þessu
formi. Við teljum hins vegar
sjálfsagt að skoða þetta betur í
framtíðinni, þegar aftur lifnar
yfir.
— Setja flutningar sem átt
hafa sér stað á ferskum fiski
með flugvélum til Bandaríkj-
anna strik í reikninginn hjá
ykkur?
— Nei alls ekki, enda tengj-
ast þessir flutningar aö ein-
hverju eða öllu leyti nýjum
mörkuðum. En Eimskip flytur í
vaxandi mæli ferskan fisk og
eiga slíkir flutningar sér stað
vikulega t.d. á þessum árstíma
til meginlandsins. Þeir aðilar
sem að slíkum ferskfiskflutn-
ingum hafa staðið með skipum
til Bretlands og Þýzkalands,
hafa gert það með nokkrum
árangri og þarna er um að
ræða athyglisvert brautryðj-
andastarf, sem búast má við að
gert veröi í nokkru stærri stíl í
framtíðinni.
— Er hagræðingu ykkar
lokið, annars vegar hvað flot-
ann varðar og hins vegar með
Sundahöfn?
— Hagræðing er stöðugt
verkefni og lýkur nánast aldrei.
Við rekum í dag 21 skip og eig-
um 15 skip. Áætlun okkar núna
miðar að því að endurnýja
þennan flota og yngja hann
uþp. Meðalaldur allra þessara
skiþa er í kringum 10 ár. Viö
teljum að þennan meöalaldur
þurfi að lækka. Viö viljum selja
fleiri skiþ og fá í staðinn ný
skip, sem betur henta m.a.
vegna þess, að á undanförnum
árum hefur orðið meiri og meiri
aðgreining milli áætlunarsigl-
inga og stórvöruflutninga.
Breytingar á skipaflotanum eru
nauósynlegar vegna þessarar
þróunar. Breyttir flutningar á
ferskum fiski t.d. til Bandaríkj-
anna munu gera þaó að verk-
um, að við þurfum aö endur-
nýja okkar flota. Ákveöin áform
eru einnig í sigti varðandi
endurnýjun á þeim hluta flot-
ans, sem viö notum til stór-
flutninganna m.a. fyrir stór-
iðjuverin.
í Sundahöfn er núna unnið
að nýju heildarskipulagi til
10—15 ára. Slíkt verk var unn-
ið fyrir 3 árum, en sú reynsla og
sú þekking sem viö höfum öðl-
ast síðan, hvetur til endur-
skoðunar. Við keppum aö því
að Ijúka skiþulagningarstörfum
innan skamms. Það skipulag
munum við síðan framkvæma
eftir því sem við höfum fjár-
magn til. Nýtt skipulag í
Sundahöfn tekur til nýtingar
athafnasvæðisins, hvaða
tækjakost eigi að nota þar,
bæöi vió flutninga á svæðinu
og viö lestun og losun, svo og
hvers konar vöruhús eigi að
byggja á svæðinu.
— Þegar gerðar eru áætl-
anir til 10—15 ára, hvað gerið
þið þá ráð fyrir stórum flota í
lok áætlunarinnar?
— Það hefur ekki verió
skoðað sérstaklega. Hins veg-
ar teljum vió, að miðaó viö 21
skip í dag, gætum við hugsan-
lega fækkað um 1—2 skip í
flotanum, en veitt eftir sem
áöur samskonar þjónustu. Við
stefnum að færri en stærri og
betur búnum skipum. Við von-
um að hér verði jákvæö efna-
hagsleg þróun og jákvæð
efnahagsleg uþpbygging og að
okkar floti stækki í samræmi
við það, eftir því sem íslend-
ingum vex fiskur um hrygg.
— Er hægt nú þegar að
mynda sér skoðun um framtíð
farþegaflutninganna?
— Nei, það er óráðið dæmi
ennþá. Við vonumst til að þeir
gangi vel. Mín skoðun er, að
ekki sé vanzalaust að íslend-
ingar eigi þess ekki kost að
sigla til og frá landinu með ís-
lenzkri útgerð — að minnsta
kosti hluta ársins. Hins vegar er
það líka Ijóst, að slíkum flutn-
ingum verður ekki haldið uppi,
nema slík starfsemi standi
undir sér. Ekki er tímabært
ennþá að segja neitt til um
hvort svo verður og hver fram-
tíð farþegaflutninga verður,
sagði Hörður Sigurgestsson
forstjóri. □
25