Frjáls verslun - 01.04.1989, Side 72

FRAMKVÆMDIR
saman alla þá sérfræðinga sem fólk
þarf á að halda. Við getum tekið sem
dæmi fólk er þarf að gera upp gamalt
hús. Það þarf á pípulagningamanni að
halda, rafvirkja, trésmið o.s.frv. Við
bendum þessu fólki á alla þá meistara
sem þörf er á og er ekki að efa að það
tryggir betri vinnubrögð og ódýrari
vinnu því þá geta menn stillt saman
strengi sína og unnið verkið í striklotu
og án tafa. Bið eftir einhveijum einum
iðnaðarmanni tefur verkið í heild eins
og flestir þekkja sem reynt hafa“.
í samtali okkar við Gunnar Bjöms-
son víkjum við að öðru. Það er opin-
bert leyndarmál í byggingariðnaði
eins og raunar víða í samfélaginu að
undandráttur frá skatti viðgengst.
Þetta er ekki síst algengt þegar um
fúskara er að ræða en víðar þó. Hvað
segir Gunnar um þetta mál og hvernig
getur „svarta“ vinnan komið verk-
kaupum í koll síðar?
„Það er rétt að víða í byggingariðn-
aði er þetta vandamál og ég er þeirrar
skoðunar að staðgreiðslukerfí skatta
hafi aukið á þennan vanda. Hið opin-
bera missir þama af verulegum tekj-
um en það sem ég hef meiri áhyggjur
af er að verkkaupar eiga oft um sárt
að binda af þessum sökum.
Mörg dæmi eru um að fólk sem
ræður iðnsvein eða fúskara í vinnu á
þessum kjörum greiði jafn háan eða
jafnvel hærri taxta en ef um meistara
væri að ræða. Þar að auki getur sá
sem ætlar að spara með þessum
hætti ekkert gert ef eitthvað kemur
upp á síðar því þessir menn taka enga
ábyrgð á verkum sínum.
Loks má nefna það sem fólk gleym-
ir gjaman: Verkkaupi ber ábyrgð á
skattgreiðslum þeirra sem hann ræð-
ur í vinnu. Því miður er maður alltaf
að heyra um fólk sem fær kröfur um
greiðslu alls kyns gjalda, jafnvel ári
eftir að verkið var unnið. Það má
nefna staðgreiðsluna sjálfa, gjöld til
Tryggingarstofnunar ríkisins, Vinnu-
eftirlitsins, launaskatt o.fl. Þegar
þessar kröfur koma eru viðkomandi
fuglar flognir og armur húseigandinn
verður að taka upp veskið og borga“.
Gunnar sagði þessa „svörtu“ vinnu
vera allt of algenga í viðgerðar- og
viðhaldsverkefnum en einnig þegar
verið væri að ganga frá nýjum húsum
að innanverðu.
„Þessir slæmu fylgisfiskar í bygg-
ingariðnaðinum geta reynst verk-
kaupum dýrkeyptir þegar upp er
staðið. Fúskið hefur verið algengara á
spennutímum því iðnaðarmenn með
réttindi vilja fremur vinna við nýsmíð-
ar þegar nóg er að gera. Það má
vissulega segja að samtök okkar hafi
ekki sinnt viðhaldsþættinum nógu vel
en nú erum við að gera bragarbót á
því. Hvað skattsvikin varðar finnst
mér sem þau hafi aukist eftir að sam-
dráttur kom til og sömuleiðis með
staðgreiðslukerfi skatta. Gegn þessu
verða menn að beijast og við hjá
Meistara- og verktakasambandi
byggingarmanna erum tilbúnir í þann
slag með yfirvöldum", sagði Gunnar
Björnsson formaður MVB að lokum.
Nú kynnum við
nýja kynslóð ritvinnslu
Amí
ritvinnslu fyrir fólk sem vill það besta. Nú er komin
ritvinnslan Amí, sem nýtir alla helstu kosti „Microsoft
Windows“. Með Amí getur þú skrifað síðu eftir síðu
og umbrotið um leið, án sérfræðikunnáttu eða
tímafrekrar tilraunaprentunar.
Amí sýnist vera umbrotsforrit, en er raunverulega
alvöru ritvinnsla sem býður upp á allt sem þarf, hratt
og auðveldlega.
Amí er kominn — þó að fyrr
hefði verið.
Microsoft Windows er skrásett vörumerki
Amí er skrásett vörumerki.
Brautarholti 8, sími 25833