Frjáls verslun - 01.04.1989, Síða 102

ATVINNUHUSNÆÐI
NÆSTU SVÆÐI FYRIR ATVINNUSTARFSEMIÁ HÖFUÐBORGARSVÆÐINU:
MIÐSVÆÐIN EFTIRSÓKNARVERÐ
Gatnagerð er hafin í Smárahvammslandi í Kópavogi en þar hyggst Frjálst framtak reisa húsnæði fyrir skrifstofur og
verslun, alls yfir 50.000 fermetra.
Atvinnuhverfi höfuðborgar-
svæðisins hafa þanist út á síð-
ustu árum og virðist fátt benda
til að verulegur samdráttur
verði í byggingu mannvirkja á
næstunni. Að vísu virðist sem
lægð ríki um þessar mundir en
spádómar benda flestir til að
senn muni birta og að á næsta
áratug verði byggt álíka mikið af
atvinnuhúsnæði í Reykjavík og
nærliggjandi sveitarfélögum
eins og raunin varð á allan síð-
asta áratug.
Sveitarfélögin ganga út frá mikilli
útþenslu atvinnusvæða fram á næstu
öld og eru þær áætlanir niðurstaða
kannana sem gerðar hafa verið.
Raunar er athyglisvert að hingað til
hafa slíkar áætlanir reynst of knapp-
ar; þörfrn fyrir nýbyggingar yfir vax-
andi atvinnulíf höfuðborgarsvæðisins
hefur reynst meiri en jafnvel bjart-
sýnustu menn þorðu að vona.
90.000 FERMETRAR Á ÁRI
Utþensla atvinnuhúsnæðis hefur
auðvitað verið misjöfn eftir árum og
ekki síður eftir greinum. A árunum
1977 til 1987 voru að jafnaði byggðir
um 50.000 fermetrar af iðnaðarhús-
næði og vörugeymslum, 20.000 fer-
metrar af skrifstofuhúsnæði og svip-
að af verslunarhúsnæði. Samtals um
90.000 fermetrar á ári og er það ekki
svo lítið.
Þessi aukning nemur um 4-5% á ári
og geta sveiflurnar frá ári til árs verið
gífurlegar. T.d. jókst verslunarhús-
næði á höfuðborgarsvæðinu um rúm
3% árið 1986 en ríflega 13% árið 1987,
en þá var Kringlan tekin í notkun.
Þessi uppsveifla með byggingu
Kringlunnar, sem í raun er heil versl-
unargata en ekki bygging yfir eitt
fyrirtæki, hlaut að hafa í för með sér
samdrátt fyrsta kastið á eftir. Þann
samdrátt hafa menn verið að upplifa
síðustu misseri, en vitanlega stafar
hann einnig af öðrum utanaðkomandi
þáttum.
TEXTI: VALÞÓR HLÖÐVERSSON MYNDIR: GRÍMUR BJARNAS0N
102