Frjáls verslun - 01.07.1991, Blaðsíða 5
RITSTJORNARGREIN
KAUPMÁTTARAUKN-
INGIKJÖRBÚÐINNI
í athyglisverðri verðkönnun, sem birt er hér í blaðinu,
kemur fram að samanburður á verði neysluvara í þremur
helstu stórmörkuðum höfuðborgarsvæðisins sýnir 13%
raunlækkun á einu ári á verði þeirra vara sem bornar voru
saman. Um er að ræða helstu neysluvörur til daglegra
þarfa fólks.
Þessi niðurstaða kemur mjög á óvart og hlýtur að telj-
ast til mikilla og góðra tíðinda. Neytendur njóta nú góðs af
þeirri hörðu samkeppni sem er í matvöruverslun á höfuð-
borgarsvæðinu. Reynslan sýnir að stundum hefur þessi
samkeppni gengið út í öfgar og leitt til gjaldþrota þeirra
sem harðast hafa gengið fram.
Mikil uppstokkun hefur orðið í matvöruversluninni og
er vonandi að hún sé nú að skila sér með þessum hætti í
aukinni hagræðingu sem kemur neytendum til góða í
lægra vöruverði. Þá er ljóst að Bónusverslanirnar hafa
orðið til að auka enn á verðsamkeppni í þessari grein
verslunar. Einnig má gera ráð fyrir að hluta skýringarinn-
ar sé að leita í betra rekstrarumhverfi fyrirtækja í kjölfar
þjóðarsáttarsamninga á vinnumarkaði í febrúar 1990 sem
m.a. leiddu til raunvaxtalækkunar.
Það er ánægjulegt til þess að vita að kaupmáttur fólks
sé að aukast vegna raunlækkunar neysluvöruverðs. Von-
andi verður framhald á því og vonandi tekst aðilum vinnu-
markaðarins að ganga þannig frá kjarasamningum nú í
haust að þeir verði til að bæta rekstrarumhverfi fyrir-
tækja enn frekar og að sá bati skili sér á endanum til
neytenda í lækkuðu vöruverði - eins og niðurstaða þessar-
ar verðkönnunar er ánægjulegt dæmi um.
EKKIHÆKKA SKATTA
Fyrir kosningar lofuðu sjálfstæðismenn því að skattar
yrðu ekki hækkaðir kæmust þeir í ríkisstjórn. Frá ríkis-
stjórnarskiptum í vor hafa borist stöðugar upplýsingar af
hrikalegu ástandi ríkisfjármála. Um er að ræða uppsafn-
aðan vanda, sem ekki var tekið á, og jafnframt viðvarandi
vanda því ríkisfjármál eru þannig í eðli sínu að þau eru
alltaf vandamál.
Því meira sem upplýst er um fjárhagsstöðu ríkissjóðs,
þeim mun meiri verður ótti almennings og forráðamanna
fyrirtækja við að verið sé að hugleiða aukna skattheimtu
með einhverjum hætti. I því sambandi skiptir ekki máli
hvort skattar eru nefndir skattar eða einhverjum öðrum
nöfnum.
Skattlagning í þessu landi er þegar orðin of mikil og er
tekin að draga úr vilja fólks til að vinna. Það er hættuleg
þróun og ekki líkleg til þess að skila þjóðinni fram á
veginn.
Að undanförnu hafa komið fram hugmyndir um að láta
almenning greiða fyrir opinbera þjónustu sem hann not-
ar, t.d. í heilbrigðiskerfinu. Með þessu er talað um að
auka kostnaðarvitund fólks. Þessi aðferð er góðra gjalda
verð. En sé ætlun stjórnvalda að breyta kerfinu þannig að
fólk taki meira beinan þátt í kostnaði við opinbera þjón-
ustu verður að lækka skatta á móti. Annars er verið að
auka skattheimtu - jafnvel þó skattheimtan beri annað
nafn.
Stjórnvöld mega ekki komast upp með að hækka skatta
með því að klæða skattheimtuna í nýjan búning.
ISSN 1017-3544
Stofnuð 1939
Sérrit um viðskipta-, efnahags- og atvinnumál
RITSTJÓRI OG ÁBYRGÐARMAÐUR: Helgi Magnússon - RITSTJÓRNARFULLTRÚI: Valþór Hlöðversson —
AUGLÝSINGASTJÓRAR: Sjöfn Sigurgeirsdóttir og Kristrín Eggertsdóttir — LJÓSMYNDARAR: Grfrnur Bjamason, Gunnar
Gunnarsson, og Kristján Einarsson — ÚTGEFANDI: Fróði hf. — Tímaritið er gefið út í samvinnu við samtök í verslun og viðskiptum —
SKRIFSTOFA OG AFGREIÐSLA: Ánnúli 18, sími 82300, Auglýsingasími 685380 — RITSTJÓRN: Bíldshöfði 18, sími 685380 —
STJÓRNARFORMAÐUR: Magnús Hreggviðsson — AÐALRITSTJÓRI: Steinar J. Lúðvíksson — FRAMKVÆMDASTJÓRI: Halldóra
Viktorsdóttir — ÁSKRIFTARVERÐ: 2.814 kr. (469 kr. á eintak) - LAUSASÖLUVERÐ: 549 kr. - SETNING, TÖLVUUMBROT,
PRENTUN OG BÓKBAND: G. Ben. prentstofa hf. — LITGREININGAR: Prentmyndastofan hf.
Öll réttindi áskilin varðandi efni og myndir
5