Frjáls verslun - 01.08.1996, Page 41

fæst við að nota GSM farsíma sem ekki þarf að halda á, í
bifreiðar. Öryggið í fyrirrúmi er þemað og gert er grín að
dömubindaauglýsingum í leiðinni þar sem sama þema er
notað,“ sagði Ágúst.
VIUA FÁ MIG AFTUR
Þórhallur Sigurðsson var ánægður með hve vel þetta
ævintýri hafði heppnast þótt fyrirvarinn væri lítill.
„Þetta er auglýsing um innréttingu á bílasíma í bíl sem
ekki þarf að halda á þegar hringt er þannig að ökumaður
getur haft báðar hendur á stýri. Það er því verið að kynna
ákveðið öryggismál. Gert er grín að tveimur auglýsingum í
leiðinni. Annars vegar Always dömubindaauglýsingu og
hins vegar þekktri danskri auglýsingu með gömlum manni
í aðalhlutverki. Ég leik konu í annarri þeirra og gamlan
mann í hinni,“ sagði Þórhallur.
„Auglýsingamar eru á léttari nótunum og það er ýmis-
legt að gerast á meðan ég bulla í þeim. Veggir hrynja í
kringum mig og mikill hamagangur. Þemað er það sem
þeir kalla „vinstri handar vinna“ sem er einmitt það sem
Tele-Danmark vill ekki að sé ímynd fyrirtækisins. Það er
skírskotun til þess að þegar þú ert að keyra - áttu að vera
með báðar hendur á stýri en ekki aðra á stýrinu og hina á
símtólinu eins og algengt er í umferðinni. Sem sagt, engin
vinstri handar vinna.
Það á eftir að taka eina auglýsingu í viðbót við hinar
tvær þvíþeir hringdu í mig og vildu fá mig til að leika í einni
enn. Það gerist á einhverjum af næstu dögum og í þeirri
auglýsingu á ég að túlka bflstjóra í keyrslu sem notar
farsímann. Ágúst er hins vegar á kafi í öðrum verkefnum
og mun því ekki leikstýra henni. Mér skilst að fyrri tvær
auglýsingarnar hafi slegið í gegn og ég frétti það fyrir
nokkrum dögum að þær væru komnar utan á strætisvagna
í Danmörku. Þeir eru einnig mjög ánægðir með auglýsing-
una, eftir því sem ég hef heyrt. Ég babbla reyndar á
dönsku, en auglýsingamar eru talsettar því danskan mín
er ekkert of góð.“
Laddi hefur leikið í mörgum auglýsingum á íslandi sem
eru landsmönnum flestar í fersku minni. Þar má til dæmis
nefna auglýsingu fyrir Svala, HHÍ, skafmiða, flugelda og
væntanlegar em nýjar auglýsingar fyrir Eurocard.
„Maður leikur ekkert í mörgum auglýsingum á ári hérna
heima þannig að svona verkefni er kærkomin búbót. Það
hefur yfirleitt verið ein á ári, stundum fleiri. Erlendis er
stærri markaður og því gefur það aukin tækifæri. Ég gæti
vel hugsað mér að taka að mér fleiri verkefni erlendis og
jafnvel starfa þar alfarið ef því er að skipta. Það er alltaf
gaman að breyta til og ég væri alveg til í það ef ég hefði nóg
að gera,“ sagði Þórhallur.
SEX ÁR VIÐ STÖRF ERLENDIS
Ágúst hefur starfað við auglýsingagerð erlendis í ein 6
ár, eða frá árinu 1990. „Mestallan þann tíma hef ég verið
búsettur í Kaupmannahöfn eða London en flutti nýverið
heimilisfang mitt aftur til íslands, enda er hér best að vera.
Ég er samt, eins og gefur að skilja, frekar lítið heima vegna
þess að ég hef hingað til haft nóg af verkefnum. Ég hef
starfað víða í Evrópu, á flestöllum Norðurlöndunum, í
Þýskalandi, Englandi, Ítalíu og á Spáni og þessa dagana við
tökur á auglýsingu í hálöndum Skotlands. Ég starfa ekki
fyrir neitt ákveðið fyrirtæki en er með auglýsingaaðila í
hverju landi sem ég starfa fyrir, og verkefnin koma í
gegnum þá.
Ég hef lítið unnið að verkefnum heima á íslandi síðan ég
fór út en gaf mér þó tíma fyrir gerð tveggja auglýsinga á
þessum tíma (önnur þeirra er þekkt sjónvarpsauglýsing
sem gerð var fyrir Morgunblaðið þar sem ung stúlka, sem
stödd er í Bandaríkjunum, fylgist með fréttum Morgun-
blaðsins í gegnum Alnetið). Ég hef úr nægum verkefnum
að moða en ég er mjög spenntur fyrir verkefni sem ég tek
að mér á næsta ári. Þá mun ég leikstýra bandarískri
kvikmynd sem tekin verður upp á Italíu og í Lúxemborg,"
sagði Ágúst.
„Sú danska“ hefur hláturtaugarnar í lagi. Gervið minnir
nokkuð á gervi Elsu Lund.
ÁGÚST BALDURSSON
Ágúst Baldursson leikstjóri fékk Ladda út til Danmerkur. Ágúst hefur
starfað við auglýsingagerð erlendis frá árinu 1990. Mestallan þann
tíma hefur hann búið í Kaupmannahöfn eða London. Þessa dagana er hann
við tökur á auglýsingu í hálöndum Skotlands.
41