Frjáls verslun - 01.08.1996, Blaðsíða 36

er sagt einkar lagið að ná til fólks
og fá það til að leggja sig fram í
vinnu og skila sínu besta. Hann
hefur gífurlega mikla innsýn í alla
starfsþætti þessa mikla fyrir-
tækis og þekkir persónulega til
áratuga flesta ef ekki alla starfs-
menn þess sem hafa mannafor-
ráð. Þess vegna leggja menn sig
alla fram því þeim finnst þeir vera
persónulega ábyrgir gagnvart
Haraldi og bræðrum hans. Hann
er ekki í jakkafötum í vinnunni og
er ekki stíft skipulagður forstjóri
með einkaritara, sem vaktar
hann hverja mínútu, og með sí-
tístandi GSM síma í vasanum. Af
skrifstofu hans er stutt að ganga
niður á neðri hæðirnar þar sem
fisklyktin angar og vélamar suða
daglangt og tilbúnar neytenda-
pakkningar streyma um hendur
kvennaskarans með tilstyrk
tölvuvæddra skurðarvéla, flokk-
ara, færibanda og flæðilína. Það er
líka stutt upp á efri hæðina þaðan sem
sést yfir höfnina og meirihlutann af
athafnasvæði þessa gróna fyrirtækis.
Haraldur ann þessu fyrirtæki og
gengur stoltur um húsakynnin með
gestum en lítur síðan á klukkuna og
man allt í einu að hann þarf að sækja
yngsta soninn á leikskólann, fara með
hann heim og gefa honum að borða.
Margir myndu kalla þetta jarðbundinn
og afslappaðan stjórnunarstíl og hann
k'tur út fyrir að vera það á hinu ytra
borði.
VARKÁR EN FRAMSÆKINN
Þeir, sem gagnrýna Harald, segja
að hann sé óþarflega varkár og tregur
til að taka áhættu og slíkt leiði til
stöðnunar. Andmælendur þessa
benda á forystuhlutverk HB í fiskiðn-
aði sem standi í fremstu röð einmitt
vegna þess að stjómendur þess hafi
af skynsemi og varkámi vakð bestu
leiðirnar fram til nýs tíma. Þannig
sýnist stjómunin kannski vera varkár
en í raun sé hún framsækin. Þannig sé
Af skrifstofunni er stutt að ganga niður á neðri
hæðirnar þar sem fiskilyktin angar og vélarnar
suða daglangt.
í rauninni alltaf horft 10 ár fram í tím-
ann og t.d. hafi endurnýjun húsakosts
landvinnslunnar hafist 1978 og hægt
og bítandi verið unnið að því verkefni
sem hafi í raun ekki lokið fyrr en fyrir
tveimur árum.
FUNDIR, DANSLEIKIR, FJÖLMIÐLAR
Haraldur er feiminn að eðlisfari og
virðist vera hógvær því oft hefur hann
sig ekki mikið í frammi heldur lætur
öðrum eftir sviðsljósið. Hann hefur
sagt að hann hafi ofnæmi fyrir
þrennu: Fundum, dansleikjum og
fjölmiðlum. Hann er hinsvegar býsna
fastur fyrir og þótt það gerist ekki
með hávaða eða látum þá skilur hann
yfirleitt ekki við mál eða sleppir af
þeim takinu fyrr en þau eru komin
nákvæmlega í þann farveg sem hann
vill. Hann á til að vaka yfir jafnvel
smæstu atriðum í daglegum rekstri
og þá finnst fólki hann stundum smá-
munasamur. Aðrir segja að hann eigi
þvert á móti auðvelt með að setja
traust sitt á aðra stjórnendur og gefa
þeim lausan tauminn. Hann viti yfir-
leitt nákvæmlega hvernig hann
vilji hafa hlutina og þótt hann fari
ekki beina leið að settu marki þá
missi hann aldrei sjónar á því.
ÚTIAÐ SKOKKA
Haraldur á stóra fjölskyldu á
Akranesi, bæði roskna móður,
systkini og vini sem tengjast fót-
bolta og vinnunni með einum eða
öðrum hætti. Þetta mun vera sá
vinahópur sem hann kann best
við sig í og unir sér vel í því hann
er sagður heimakær og mikill
fjölskyldumaður og hefur stutt
syni sína dyggilega í þeirra íþrótt
sem er að sjálfsögðu fótboltinn
en elstu synir þeirra Haraldar og
Ingibjargar hafa fetað í fótspor
föður síns á grasinu og þykja lið-
tækir knattspymumenn. Stur-
laugur leikur með ÍA en Pálmi
með Breiðabliki. í það að fylgjast
með fótbolta, nánar tiltekið leikj-
um ÍA, og starfa að málum félagsins
fer drjúgur tími Haraldar af því sem
talist geta tómstundir. Þó gefur hann
sér tíma til þess að stunda líkamsrækt
og bregður sér oft út að skokka sér til
heilsubótar. Stundum fara þau hjónin
saman en einnig fer hann iðulega með
hópi starfsmanna HB út að skokka í
hádeginu eða eftir vinnu. Hann hefur
tekið þátt í Akraneshlaupinu nokkrum
sinnum en það er vinsælt almennings-
hlaup sem haldið er árlega á Skagan-
um.
Haraldur var eitt sinn félagi í
Kiwanisklúbbi á Akranesi en þótti
mæta illa og mun hafa verið rekinn úr
klúbbnum og er því ekki í neinu hefð-
bundnu félagsstarfi. Hann stundar
ekki laxveiði, hið hefðbundna for-
stjórasport, en fór í Víðidalsá fyrir
réttum 25 árum og veiddi ágætlega.
Þannig sýnir nærmyndin af Haraldi
okkur stefnufastan rólyndismann,
farsælan í starfi, framsækinn og var-
káran í senn.
AF ÞRIÐJU KYNSLÓÐINNI
Það er stundum sagt um íslenskan atvinnurekstur að fyrsta kynslóðin hafi byggt
hann upp, önnur kynslóðin eyði afrakstrinum og þriðja kynslóðin gangi svo af öllu
saman dauðu. Þessi saga á ekki við um HB. Undir stjórn þeirra bræðra hefur
fyrirtækinu vaxið fiskur um hrygg.
36