Frjáls verslun - 01.10.2000, Page 34

Talnakönnun hf. hefur stofnaö útgáfufélagið
Heim hf til að taka við allri útgáfu fyrirtækis-
ins frá og með næstu áramótum. Talnakönn-
un gefur m.a. út tímaritin Frjálsa verslun,
/
Vísbendingu-Islenskt atvinnulíf Tölvuheim og
ferðahandbækur á borð við A ferð um Island.
Eftir Jón G. Hauksson Myndir: Geir Ólafsson
Heimur hf. er kominn í heiminn. Talnakönnun hf., sem
m.a. gefur út Frjálsa verslun hefur stofnað útgáfufélagið
Heim hf. til að taka við allri útgáfu fyrirtækisins frá og
með næstu áramótum. Heimur hf. er að fullu í eigu Talna-
könnunar og verður til húsa á sama stað, við Borgartún 23,
en þar hafa skrifstofur fyrirtækisins verið síðustu sex árin.
Tilgangurinn með stofnun hins nýja dótturfélags er að skilja
útgáfuna betur að frá ráðgjafadeildinni sem verður áfram rek-
in undir merkjum Talnakönnunar. Ennfremur þótti nafnið
Talnakönnun ekki henta nægilega vel sem heiti á útgáfufyr-
irtæki. Benedikt Jóhannesson verður framkvæmdastjóri
beggja fyrirtækjanna.
34