Alþýðublaðið - 15.03.1996, Qupperneq 18
18 ALÞÝÐUBLAÐIÐ
FOSTUDAGUR 15. MARS 1996
8M0
Ráðstefna um
atvinnumál kvenna
verður haldin föstudag-
inn 22. mars, nk. á
Hótel KEA á Akureyri
kl. 9.30-18.00
Setning
Árni Gunnarsson aðstoðarmaðurfélagsmálaráðherra
Ávarp fulltrúa Akureyrarbæjar
Fyrirlesarar og umræðuefni:
Sérstakur opinber stuðningur við konur í atvinnu-
lífinu:
Ingibjörg Broddadóttir deildarstjóri í Félagsmálaráðu-
neytinu: Kvennasjóður félagsmálaráduneytis.
Herdís Sæmundsdóttir formaður undirbúningsnefndar
um lánatryggingasjóð: Lánatryggingasjóður kvenna á
Islandi.
Sigurður Snævarr hagfræðingur á Þjóðhagsstofnun:
Forréttindi eða jákvæð mismunun?
Ráðgjöf og átaksverkefni:
Elsa Guðmundsdóttir atvinnuráðgjafi Sambandi ísl.
sveitarfélaga á Vestfjörðum: Atvinnuráðgjöf til kvenna í
þéttbýli og dreifbýli.
Hulda Ólafsdóttir varaformaður atvinnumálanefndar
Reykjavíkurborgar: Reykjavíkurborg - atvinnumál
kvenna.
Ávarp Félagsmálaráðherra Páls Péturssonar
Ný viðhorf gagnvart konum í atvinnulífinu:
Hrafnhildur Sigurðardóttir útibússtjóri, Landsbanka ís-
lands: Konur og karlarsem viðskiptamenn í bönkum.
Árni Magnússon aðstoðarmaður iðnaðarráðherra:
Átaksverkefni iðnaðarráðuneytis.
Ingunn Svavarsdóttir sveitarstjóri Öxarfjarðarhreppi:
Bankahugmynd: Mixro Credit.
Sigmar B. Hauksson þjóðfélagsfræðingur:
Hugarfarsbreyting í atvinnumálum kvenna á lands-
byggðinni.
Atvinnumál kvenna í dreifbýli:
Líneik Anna Sævarsdóttir endurmenntunarstjóri á
Hvanneyri: Símenntun og atvinnusköpun: Auðlind í
dreifbýli.
Drífa Hjartardóttir formaður Kvenfélagasambands ís-
lands: Átvinnumöguleikar og aðstæður kvenna á lands-
byggðinni.
Fyrirspurnir og umræður verða á eftir hverjum þætti.
Fundarstjóri Elín Líndal formaður Jafnréttisráðs
Opið hús hjá Menntasmiðju kvenna á Akureyri
fyrir ráðstefnugesti.
Vinsamlegast skráið þátttöku til félagsmálaráðu-
neytisins s. 560 9100 fyrir 20. mars n.k.
Þátttökugjald er 1.000,-kr. og er matur og kaffi
innifalið.
Alþýðublaðið
minna en Mogginn
■ Jóhanna Egilsdóttir sagöi að aldrei hefði verið grátið jafnmikið við nokkra
jarðarför og við útför Jóns Baldvinssonar. Hann var forseti ASÍ og formaður
Alþýðuflokksins 1916-1938. Hans er minnst sem heiðarlegs drengskapar-
manns sem barðist þrotlaust í áratugi fyrir mannréttindum íslenskra laun-
þega. Við bregðum upp svipmynd af Jóni með ummælum samferða-
manna, en kannski lýsa eftirmæli Kristins Grímssonar, sjómanns í Hafnar-
firði, best þeim hug sem íslensk alþýða bar til Jóns Baldvinssonar:
Vel sé þér, Jón Baldvinsson,
fyrir kjarkinn, Ijósið og lífið,
sem þú færðir okkur
Allan námstíma sinn, sem stóð í átta
ár, bjó Jón á heimili þeirra sæmdar-
hjóna, Skúla og Theódóru Thoroddsen
skáldkonu. Má nærri geta, hve gagn-
legt hefur verið fyrir hann að kynnast
Skúla, sem þá stóð í fremstu víglínu
sjálfstæðisbaráttu þjóðarinnar, og fá
að dvelja á gestkvæmu men-
ningarheimili
þeirra hjóna.
Jóhanna Egilsdóttir
verkalýðsleiðtogi
Um Jón Baldvinsson og þýðingu hans
fyrir rslenskan verkalýð verður enginn
ágreiningur. Hann og verk hans verða
því meir metin, sem tíminn sýnir betur
hið varanlega gildi þeirra. Hans verður
minnst löngu eftir að þeirra nöfn eru
gleymd, sem meiri voru hávaðamenn.
Haraldur Guðmundsson, formaður
Alþýðuflokksins 1954-56
Jón Baldvinsson hefur mótað
alþýðuhreyftngu íslands, og hún mun
lengi bera hans svip, enda var hann
sjálfur mótaður af þeim jarðvegi, sem
hún er vaxin af.... Það má um Jón
Baldvinsson segja, sem meistari Jón
segir um einn af postulunum, að hann
hafi verið hinn besti formaður. Þess
má alþýðuhreyftngin minnast. og
raunar allir íslendingar.
Ásgeir Ásgeirsson,
forseti íslands 1952-68
Þegar ég man fyrst eftir Jóni
Baldvinssyni á fundum innan
alþýðusamtakanna eða á stjómmála-
fundum, þar sem hann mætti and-
stæðingum, sópaði ekki að honum.
Hann stóð kyrr í ræðustóli, talaði
fremur lágt og hnitmiðaði setningar-
nar, hreyfði sjaldan hendur eða leit
upp snögglega. Hann var tæplega
meðalmaður á hæð, en afburða
þrekinn og held ég að hann hafi verið
herðabreiðari en flestir menn aðrir.
Vilhjálmur S. Vilhjálmsson blaðamaður
og rithöfundur
Mannþekkingu sína öðlaðist Jón
Baldvinsson í samstöðu sinni við strit-
fólkið á uppvaxtarárunum. Starfið var
hans skóli og það var góður skóli.
Hann æðraðist aldrei og er þó óhætt
að segja, að stundum var ástæða til
þess, ekki síst þegar hann sá að verið
var að sundra þeim samtökum, sem
hann hafði unnið að að skapa í
næstum því aldarfjórðung.
Vilhjálmur S. Vilhjálmsson
Hann var æðsti maður þjóðarinnar,
er hann lést.
Hallbjörn Hjartarson prentari og ritstjóri
Hann var stórmenni á Islandi.
Hans Nielsen, danskur þingmaður
Vel sé þér, Jón Baldvinsson,
fyrir kjarkinn, ljósið og lífið, sem þú
færðir okkur.
Kristinn Grimsson,
sjómaður, Hafnarfirði
Jón Baldvinsson, fyrsti þingmaður jaf-
naðarmanna hér á landi, sker sig ekki
frá meðalmönnunum á þingi. Hann er
snotur yfirlitum, feitur og bústinn,
meinfeysislegur á svip en
þrákelknislegur, dálítið undirfurðu-
legur, vel greindur og talsvert kænn.
Enginn atkvæðamaður er Jón á þingi.
Er hann fremur óáheyrilegur ræðu-
maður, talar slitrótt og furðulítið gætir
sannfæringarkrafts stefnunnar í
ræðum hans. Honum finnst skylda sín
að tala í hveiju máli, að heita má, og á
næstum því eins erfitt með að þagna
og Pétur Þórðarson.
Magnús „Stormur" Magnússon
Ég hef aldrei séð jafn mikið grátið við
jarðarför og þegar útför Jóns
Baldvinssonar var gerð. Jafnvel
harðgerðir karlar af eyrinni gátu ekki
hamið tilfmningar sínar og sáust vatna
músum.
Jóhanna Egilsdóttir
Margir munu hafa litið svo á, sem
viðkvæmni væri honum ekki eiginleg.
En í raun og veru var hann sérlega
viðkvæmur og stór í lund, en duldi
það fyrir flestum. Ég minnist atviks er
ég sá honum hrjóta tár af augum, er
við ræddum ákveðið mál. Skildi ég þá
hve viðkvæmt hjarta sló í bijósti þessa
sterkbyggða manns, sem duldi sig
fyrir öllum þorra manna hvað til-
fmningar snerti. Engan mann hef ég
þekkt sem talaði af meiri varfæmi um
hina harðvítugustu pólitísku and-
stæðinga sína og þótt hjarta hans
blæddi af sorg yfir vissum atburðum,
þá voru ekki bölbænir eða stóryrði í
garð þeirra, sem þeim höfðu valdið.
Það var virðingu hans ekki samboðið.
Sigurjón A. Ólafsson verkalýðsforingi og
alþingismaður Alþýðuflokksins
Menntamálaráðuneytið
Styrkir til framhalds-
náms í dönsku
Danska menntamálaráðuneytið veitir á skólaárinu 1996-
97 íslenskum dönskukennurum 3 styrki til framhalds-
náms eða rannSókna við háskóla í Danmörku. Styrkirnir
verða veittir:
1. Starfandi dönskukennurum í grunn- og framhalds-
skólum, sem lokið hafa að minnsta kosti BA prófi í
dönsku eða BEd prófi með dönsku sem valgrein.
2. Háskólastúdentum sem lokið hafa því námi sem til-
greint er í lið 1. hér að framan og vilja búa sig undir
dönskukennslu með frekara námi.
Styrkþegar þurfa sjálfir að afla sér skólavistar í háskóla-
stofnunum í Danmörku, en danska menntamálaráðu-
neytið mun að einhverju leyti geta haft milligöngu um
að útvega styrkþegum skólavist.
Hver styrkur er að upphæð 50.000 danskar krónur og
skal notaður til að greiða ferðakostnað, uppihald og
annan kostnað í Danmörku.
Umsóknir um styrkina fyrir skóla árið 1996-97 sendist
fyrir 15. apríl til:
Dansk-islandsk Fond
Skt. Annæplads 5
DK-1250 Kobenhavn K
umsóknum skulu fylgja upplýsingar um fyrra nám og
störf umsækjenda. Jafnframt skal gerð grein fyrir fyrir-
huguðu námi eða rannsóknum.
Nánari upplýsingar veitir formaður Dansk-islandsk
Fond:
Professor Hans Bekker-Nielsen
Vibækvej 22
Brændekilde
5250 Odense SV
Sími: 0045 6596 3087