Morgunblaðið - 09.01.2001, Page 72







    
 

 
 

 






 

 
 



  





 
 


 
 


   
  
 

        








 
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 9. JANÚAR 2001 VERÐ Í LAUSASÖLU 165 KR. MEÐ VSK.
BYRJUNARLAUN kennara með
BA- eða BS-próf verða samkvæmt
nýjum kjarasamningi framhalds-
skólakennara um 175 þúsund krónur
á mánuði í upphafi samnings. Í lok
samningsins, árið 2004, verða launin
komin upp í um 200 þúsund. Sam-
kvæmt eldri kjarasamningi kennara
voru byrjunarlaun kennara tæplega
110 þúsund krónur. Meðallaun kenn-
ara með 10-15 ára starfsreynslu
verða um 200 þúsund í upphafi
samnings, en meðaldagvinnulaun
kennara voru um 135 þúsund í lok
síðasta árs.
Þessar launahækkanir segja ekki
fyrir hvaða raunlaunabreytingar
verða með kjarasamningnum því að
samningurinn felur í sér að dregið
verður verulega úr yfirvinnu. Bæði
verður kennsluyfirvinnustuðull
lækkaður og fastar greiðslur eins og
stílapeningar, prófagreiðslur og
fleira verða færðar inn í grunnkaup-
ið. Afsláttur af kennsluskyldu verður
minnkaður hjá byrjendum og starf-
andi kennarar geta valið um grunn-
kaupshækkun gegn minni kennslu-
afslætti.
„Í gegnum ýmsar breytingar á
störfum og það að kennarar eru að
taka á sig aukna ábyrgð, þá tekst á
samningstímanum að breyta dag-
vinnulaunum þeirra og hlut þeirra í
heildarlaunum. Það er mjög mikil-
vægt, meðal annars með tilliti til
sumarlauna kennara og með tilliti til
eftirlaunagrundvallar kennara.
Þannig að það má segja að við erum
að ná þarna mjög langþráðu tak-
marki að komast upp úr láglauna-
skurði dagvinnulaunanna,“ sagði
Elna Katrín Jónsdóttir, formaður
Félags framhaldsskólakennara.
Í samræmi við samningsmark-
mið að mati ríkisins
Ekki liggja fyrir upplýsingar um
heildarkostnað við nýja kjarasamn-
inginn, en á síðasta ári greiddi rík-
issjóður samtals um fjóra milljarða í
laun til framhaldsskólakennara.
„Samningurinn er vonandi báðum
aðilum til góðs. Í honum er gert ráð
fyrir miklum skipulagsbreytingum
og tilfærslum launaliða. Þessi samn-
ingur er alveg í takt við þau samn-
ingamarkmið sem við höfðum sett
okkur,“ sagði Geir H. Haarde fjár-
málaráðherra.
Í tengslum við gerð nýs kjara-
samnings mun menntamálaráðu-
neytið breyta reglugerð um starfslið
í framhaldsskólum. Markmiðið er að
auka svigrúm skólastjóra til að ráða
kennara til sérstakra verkefna sem
snerta faglega vinnu og stjórnun í
framhaldsskólum. Ráðuneytið aug-
lýsti í gær að þrátt fyrir ákvæði
reglna um að nemandi skuli ljúka 9
einingum á önn hið minnsta væri
skólameisturum heimilt að víkja frá
þeim á þessu skólaári. Menntamála-
ráðuneytið hefur beint þeim tilmæl-
um til framhaldsskólanna að ljúka
kennslu og námsmati vegna haust-
annar eigi síðar en 2. febrúar að
meðtöldum sjúkra- og endurtektar-
prófum. Stefnt er að því að ljúka
kennslu og námsmati vorannar 1.
júní nk.
Verkfall framhaldsskólakennara
stóð í 60 daga og er lengsta kenn-
araverkfall á Íslandi fram til þessa.
60 daga verkfalli framhaldsskólakennara lauk á sunnudagskvöld
Byrjunarlaun hækka úr
110 í 175 þúsund á mánuði

Nemar búast/6
Miklar breytingar/36
Morgunblaðið/Rax
Nemendur Fjölbrautaskólans í Breiðholti komu í skólann í gærmorgun
að loknu tveggja mánaða verkfalli framhaldsskólakennara.
Morgunblaðið/Reynir Ragnarsson
Íshellir hefur myndast vestan í Goðabungu vestast á Mýrdalsjökli.
ÍSHELLIR hefur myndast í
Tungnakvíslarjökli sem fellur af
Mýrdalsjökli niður í Goðaland í
Þórsmörk. Er hann um tvo km vest-
an við Goðabungu. Magnús Tumi
Guðmundsson jarðeðlisfræðingur
segir athyglisvert að þarna sé að
brjótast fram hiti á svæði sem mikil
skjálftavirkni hefur verið á í jökl-
inum í haust.
„Þetta eru fyrstu merki um auk-
inn jarðhita vestan í Goðabungu
þar sem skjálftar hafa verið í haust
en þarna hefur hiti ekki verið áð-
ur,“ segir Magnús Tumi í samtali
við Morgunblaðið en kveður ekkert
stórbrotið vera á ferðinni. Hann
segir ekki hægt að meta hvað þetta
þýði en að áfram verði fylgst með
svæðinu úr lofti.
Ekki er ljóst hvenær íshellirinn
myndaðist en Magnús Tumi telur
það hafa verið á síðustu vikum,
hann hafi ekki verið sjáanlegur í
nóvember.
Nýr íshellir mynd-
ast vestan í Goðabungu
LÍTIÐ HEFUR borið á flensu og
öðrum pestum það sem af er ári að
sögn Þórðar G. Ólafssonar yfirlækn-
is Læknavaktarinnar. „Við hefðum
getað búist við að inflúensan væri
farin að láta á sér kræla, þar sem
hún hefur stundum byrjað fyrr, í
nóvember eða í desember, en hún
virðist ekki vera farin að skila sér
neitt að ráði hér enn þá,“ sagði Þórð-
ur og taldi ólíklegt að skæð flensa
væri á leiðinni.
Aðeins eitt tilfelli flensu af A-
stofni hefur verið greint í ár og eru fá
sjúkdómstilfelli að einhverju leyti
þökkuð góðum árangri bólusetning-
ar en tugir þúsunda láta bólusetja
sig gegn flensu á hverju hausti. „Það
hefur enginn tíma til að vera lasinn
enda veikindaþol þjóðarinnar afar
lágt – það má enginn vera lasinn og
fólk þorir því ekki að sleppa spraut-
unni.“
Þórður sagði nokkuð bera á hefð-
bundnum kvefpestum venju sam-
kvæmt á þessum árstíma. Um veiru-
sýkingu er að ræða sem einkum
legðist á börn og unglinga. Pestina
einkennir langvinnur hósti sem „þol-
inmæði vinnur best á,“ sagði Þórður.
Vænlegast sé að hlíta almennum
heilsuráðum, þ.e. fá næga hvíld, hafa
fjölbreytni í mataræði, forðast
streitu og taka lýsi.
Lítið um veikindi
það sem af er árinu
Flensan
lætur bíða
eftir sér
FJALLAÐ verður um nýgerða
kjarasamninga kennara við ríki og
sveitarfélög á framkvæmdastjórnar-
fundi Starfsgreinasambandsins í
dag. Þá hefur verið boðað til for-
mannafundar hjá ASÍ 23. janúar nk.
til að ræða stöðuna á vinnumarkaði.
Halldór Björnsson, formaður
Starfsgreinasambandsins og starf-
andi forseti ASÍ, segist undrast þær
miklu hækkanir sem felast í samn-
ingum við kennara og kveðst telja
ólíklegt að þær séu í samræmi við
það sem samið hefur verið um á
vinnumarkaði á síðasta ári.
Halldór kveðst ekki hafa séð ein-
stök efnisatriði samninganna, enda
hafi þeir ekki verið birtir, en miðað
við fréttir af þeim segist hann tæpast
trúa því að aðeins sé um tilfærslur að
ræða. Í þeim hljóti að felast veru-
legar beinar kauphækkanir umfram
kjarasamninga annarra hópa.
„Sé það rétt hjá formanni samn-
inganefndar ríkisins að kennarar fái
sömu hækkanir og aðrir þá þýðir það
um leið að kennarar hafa haft miklu
hærra kaup en þeir hafa haldið fram.
Þeir hafa sagt kaupið lágt og tekj-
urnar litlar, en geti þeir nú náð fram
margra tuga prósenta hækkun með
tilfærslu yfirvinnu yfir í dagvinnu þá
kemur það ekki heim og saman við
fyrri yfirlýsingar þeirra. Yfirvinna
er hluti af tekjum manna. Þetta er
eitthvað meira en lítið skrítið,“ segir
Halldór.
Sérstök endurskoðunarnefnd ASÍ
og SA getur í lok næsta mánaðar
tekið ákvörðun um uppsögn eða end-
urskoðun launaliðar samninga í ljósi
þróunar efnahagsmála og samninga
á vinnumarkaði. Halldór segir að sú
nefnd hljóti að skoða samninga við
kennara eins og aðra og meta áhrif
þeirra á vinnumarkaðinn almennt.
Undrast miklar
launahækkanir
Halldór Björnsson starfandi forseti ASÍ