Morgunblaðið - 17.01.2001, Síða 49

FRÉTTIR
MORGUNBLAÐIÐ MIÐVIKUDAGUR 17. JANÚAR 2001 49
LANDSÞING Frjálslynda flokksins
verður haldið helgina 19.-21. janúar
að Borgartúni 6, Reykjavík. Þing-
setning verður á föstudag kl. 18 og
þá flytur Sverrir Hermannsson, for-
maður flokksins ávarp.
Á þinginu verða m.a. stofnuð ný
kjördæmafélög í samræmi við
breytta kjördæmaskipan, auk þess
sem markmið þingsins er að fara yfir
stefnumótun helstu málaflokka.
Unnið verður að málefnavinnu í mál-
stofum á laugardag og sunnudag.
Þorrablót verður á laugardags-
kvöldið á sama stað.
Nýir félagar eru velkomnir.
Landsþing
Frjálslynda
flokksins
KYNNING verður á handverkshóp
fimmtudaginn 18. janúar kl. 15 í
Sjálfboðamiðstöð Rauða krossins,
Hverfisgötu 105. Sýnishorn af vinnu
s.s. úr verkefninu, Föt sem framlag,
verða sýnd og framtíðarverkefni
rædd.
Handverkshópur kemur saman á
fimmtudögum kl. 14–17 og vinnur
handverk af ýmsu tagi í styrktar- og
fjáröflunarskyni. Unnið er með
pappír, sauma, hekl, kortagerð o.fl.
Starfsemin er öllum opin og nýju
fólki og hugmyndum vel tekið.
Handverk í
Sjálfboðamið-
stöð Rauða
krossins
FRÆÐSLUFUNDUR verður hjá
Félagi landfræðinga miðvikudaginn
17. janúar kl. 20.30 í stofu 201, Odda,
húsi félagsvísindadeildar HÍ. Fyrir-
lesari er Elín Vignisdóttir og ber fyr-
irlesturinn nafnið Landslag og útivist.
Elín er landfræðingur með BS-
gráðu frá Háskóla Íslands. Í fyrir-
lestrinum mun hún segja frá efni
lokaritgerðar sinnar. Ritgerðin fjallar
um skynjun á landslagi og samhengi
hennar við nýtingu lands til útivistar.
Dæmi er tekið af Viðey. Greint er
hvaða ímynd landslag eyjarinnar hef-
ur í augum borgarbúa og hvenig þeir
nýta hana og önnur útivistarsvæði
borgarinnar.
Elín stundar nú meistaranám við
Háskóla Íslands.
Fyrirlestur
um landslag
og útivist
LÖGREGLAN í Reykjavík lýsir eft-
ir vitnum að umferðaróhappi er átti
sér stað á gatnamótum Miklubraut-
ar og Grensásvegar mánudaginn 15.
janúar. kl.18.46.
Þarna varð árekstur milli grænn-
ar fólksbifreiðar af gerðinni Volks-
wagen Vento og grænnar fólksbif-
reiðar af gerðinni Volvo 460.
Ágreiningur er um stöðu umferðar-
ljósanna er árekstur varð.
Þeir sem upplýsingar geta veitt
um mál þetta eru vinsamlega beðnir
um að hafa samband við lögregluna í
Reykjavík.
Lögreglan í Reykjavík lýsir einnig
eftir vitnum að umferðaróhappi sem
varð á bifreiðaplani við McDonald’s,
Suðurlandsbraut, laugardaginn 13.
janúar sl. á tímabilinu 11-17. Þarna
var ekið utan í bifreiðina PE-012, af
gerðinni Nissan Sunny SLX, bláa að
lit. Þeir sem kynnu að geta veitt upp-
lýsingar varðandi málið eru vinsam-
lega beðnir að hafa samband við lög-
regluna í Reykjavík.
Lýst eftir
vitnum
„CARGOLUX vængjum þöndum
við nýja öld“ er yfirskriftin á
fræðslu- og skemmtikvöldi sem
Fyrsta flugs félagið, áhugamanna-
félag um flugmál, heldur í Vals-
heimilinu v/Bústaðaveg fimmtu-
dagskvöldið 18. janúar kl. 20.
Heiðursgestur og aðalræðumað-
ur á Cargolux-kvöldinu verður Eyj-
ólfur Hauksson, flugstjóri á Boeing
747-400, en hann lét af störfum
framkvæmdastjóra flugdeildar
félagsins um sl. áramót. Hann mun
byrja á því að fjalla um starfsemina
um þessar mundir og framtíðar-
áætlanir. Þá mun hann fara orðum
um allar flugvélagerðir í sögu
Cargolux frá sjónarhóli flugmanns-
ins og með tilliti til afkastagetu
þeirra o.s.frv. Af öðrum flugvélum
sem fjallað verður um má nefna
risaþotur eins og Antonov 124 frá
Rússlandi, Boeing 747X og evr-
ópsku Airbus 380. Síðastnefnda
þotan er með rafboðastýrikerfi (fly-
by-wire). Eyjólfur er nýkominn frá
Airbus-verksmiðjunum þar sem
hann fór í flughermi og flaug Air-
bus 340 þotu og mun hann skýra frá
reynslu sinni af þessari nýju tækni-
byltingu í fluginu, rafboða-
stýrikerfinu. Að lokum mun Eyjólf-
ur segja frá áhrifum Netsins á
fraktflugið í heiminum, starfsum-
hverfi flugmanna í hnattrænum
flugrekstri og atvinnumöguleikum
flugmanna.
Meðal annarra atriða á þessum
fundi verður upprifjun starfsmanna
á eftirminnilegum stundum frá
upphafsárum Cargolux og síðan
verður stiklað á stóru um þrjátíu
ára sögu félagsins.
Fræðslu- og skemmtikvöldið er
opið öllum áhugamönnum um flug-
mál og Cargolux. Aðgangseyrir er
800 kr. en innifalið er kaffi, sam-
lokur og kökur auk þess sem unnt
verður að kaupa sér aðra hress-
ingu.
Flugáhugamenn með
fræðslu um Cargolux
SAMTÖK sveitarfélaga á höfuð-
borgarsvæðinu, SSH, efna til ráð-
stefnu um ástand og þróun lög-
gæslumála á svæðinu og á landinu í
heild nk. föstudag, 19. janúar. Ráð-
stefnan hefst kl. 12 í Tjarnarsal
Ráðhúss Reykjavíkur. Fundarslit
eru áætluð kl. 15. Ráðstefnan er op-
in öllu áhugafólki og aðgangur er
ókeypis.
Í fréttatilkynningu frá SSH segir
að markmiðið með fundinum sé að
skapa umræðu um löggæslumálin
og svara spurningum um hvort
ástand þessara mála sé í viðunandi
horfi og hvað megi og þurfi að
bæta.
Erna Nielsen, formaður SSH,
setur ráðstefnuna. Frummælendur
verða Sólveig Pétursdóttir, dóms-
málaráðherra, Ingibjörg Sólrún
Gísladóttir, borgarstjóri Reykjavík-
ur, Jónas Magnússon, formaður
Landssambands lögreglumanna,
Erlendur S. Baldursson, afbrota-
fræðingur hjá Fangelsismálastofn-
un ríkisins, Einar Guðmundsson,
forvarnarfulltrúi hjá Sjóvá-Al-
mennum og Ragnheiður Davíðs-
dóttir, Vátryggingafélagi Íslands.
Að loknum erindum þeirra verður
efnt til pallborðsumræðna.
Fundarstjóri verður Elín Hirst.
Samtök sveitarfélaga á höfuðborgarsvæðinu
Ráðstefna um löggæslumál
STJÓRN Félags dagmæðra á Ak-
ureyri hefur beðið Morgunblaðið að
birta eftirfarandi athugasemd:
„Vegna ummæla í þætti Svæð-
isútvarps Norðurlands, Áramóta-
uppgjör, varðandi gjaldtöku dag-
mæðra á Akureyri, þar sem Gunnar
Svanbergsson segir orðrétt: „ég
veit ekki hvort einhversstaðar á
landinu eru eins dýrar dagmæður
og á Akureyri. Þrír dagar kosta
jafnmikið og ein vika í Reykjavík“,
viljum við koma því á framfæri að
dagmæður á Akureyri eru ekki dýr-
ari en aðrar dagmæður á landinu.
Má þar nefna Höfn í Hornafirði,
Sauðárkrók, Borgarnes, Kópavog,
Garðabæ og Reykjavík. Samkvæmt
okkar upplýsingum eru við nokkuð
ódýrari en velflestar dagmæður í
Reykjavík.
Við viljum líka benda á það að við
dagmæður á Akureyri tókum sam-
an höndum fyrir foreldra og söfn-
uðum undirskriftalista um niður-
greiðslu til sambúðarfólks og giftra
og lögðum fyrir bæjarfulltrúa Ak-
ureyrarbæjar og var það fellt þar
sem reglur Akureyrarbæjar næðu
ekki til slíkra niðurgreiðslna.“
Dagmæður á Akureyri mót-
mæla tali um of háa taxta
Í HEILSUSTOFNUN NLFÍ í
Hveragerði er nú boðið upp á
sérstök vikunámskeið þar sem
tekist er á við einkenni álags og
streitu. Námskeiðið er ætlað öll-
um sem eiga við streitu að
stríða, jafnt stjórnendum sem
öðrum.
Fyrsta námskeiðið var haldið
7. janúar 2001 og tókst það mjög
vel. Fullbókað er á námskeið 21.
janúar en 10 manns eru í hverj-
um hópi. Næstu námskeið hefj-
ast 11. og 25. febrúar nk.
Undanfarin ár hafa verið
haldin vikunámskeið í Heilsu-
stofnun NLFÍ fyrir þá sem vilja
hætta að reykja. Þar er áhersla
lögð á það að fólk breyti um lífs-
stíl til að sigrast á tóbaksfíkn-
inni. Næsta námskeið hefst 4.
febrúar 2001.
Kynningarfundir um bæði
námskeiðin eru í boði fyrir fyr-
irtæki, stofnanir og félagasam-
tök.
Námskeið
til varnar
streitu og
reykingum
♦ ♦ ♦