Morgunblaðið - 30.01.2001, Síða 2

FRÉTTIR
2 ÞRIÐJUDAGUR 30. JANÚAR 2001 MORGUNBLAÐIÐ
Fylgstu
með
nýjustu
fréttum
www.mbl.isTryggvi Guðmundsson skoraði
í fyrsta leik með Stabæk / B1
Taugastríðið við Júgóslava hafið
í Toulouse / B5
16 SÍÐUR48 SÍÐUR
Sérblöð í dag
Á ÞRIÐJUDÖGUM
KRISTINN Olsen, einn
frumkvöðla flugsins á
Íslandi og stofnenda
Loftleiða, lést á Land-
spítala – háskólasjúkra-
húsi í Fossvogi sunnu-
daginn 28. janúar sl., 83
ára að aldri. Kristinn
var fæddur 24. júní árið
1917 á Þormóðsstöðum í
Reykjavík, næstelstur
barna þeirra Jentofts
Olsen og Ingiríðar
Lýðsdóttur.
Flugið höfðaði
snemma til Kristins
sem hóf flugnám í Kan-
ada árið 1941 í flugskóla Konna Jó-
hannessonar í Winnipeg. Þaðan út-
skrifaðist hann með atvinnuflug-
mannspróf árið 1943. Meðfram
flugnámi, og síðar að því loknu, starf-
aði Kristinn fyrir kanadíska herinn
við að æfa flugmenn á sprengjuvélum
fyrir átökin í seinni heimsstyrjöldinni.
Kristinn kom heim frá flugnámi í
Kanada og stofnaði Loftleiðir árið
1944 ásamt Alfreð Elíassyni og Sig-
urði Ólafssyni. Eftir að innanlands-
flugi félagsins lauk nokkrum árum
síðar sneru Kristinn og félagar sér al-
farið að millilandafluginu með kaup-
um á vélunum Heklu og síðar Geysi.
Kristinn var flugmaður í fyrstu ferð
Loftleiða til Bandaríkj-
anna í ágúst 1948 og ár-
ið 1951 var hann einn
aðalhvatamaðurinn að
björgun skíðavélarinn-
ar sem varð eftir á
Vatnajökli árið 1950 við
björgun flugvélarinnar
Geysis.
Kristinn var flug-
stjóri þegar fyrsta Loft-
leiðavélin lenti í Lúxem-
borg í maí 1955. Hann
flaug nær samfellt í 15
ár yfir Norður-Atlants-
hafið með viðkomu á Ís-
landi, eða þar til hann
hætti að fljúga árið 1970 og hóf störf
við flugdeild og bílaleigurekstur Loft-
leiða. Kristinn sat í stjórn Loftleiða
lengst af frá stofnun félagsins og sam-
fellt frá árinu 1953 til 1973 þegar
Loftleiðir og Flugfélag Íslands sam-
einuðust í Flugleiðir. Eftir samein-
inguna sat hann um árabil í stjórn
Flugleiða.
Kristinn hlaut fjölmargar viður-
kenningar fyrir störf sín að flugmál-
um og ber íslensku fálkaorðuna þar
hæst.
Kristinn kvæntist Ingibjörgu
Dungal árið 1967 og gekk tveimur
börnum hennar í föðurstað. Ingibjörg
lést árið 1995.
KRISTINN OLSEN
Andlát
BÚIST er við að það skýrist í dag
hvort Skipaafgreiðslan á Húsavík
tekur rekstur Íslensks harðviðar
ehf. á leigu, en það fyrirtæki var
úrskurðað gjaldþrota í síðustu viku.
Engin starfsemi hefur verið hjá
fyrirtækinu í heila viku. Að sögn
Helga Pálssonar, framkvæmda-
stjóra Skipaafgreiðslunnar, er beð-
ið eftir svari frá eistnesku fyrirtæki
sem á trjábolina sem notaðir eru í
vinnsluna.
Áður en Íslenskur harðviður
varð gjaldþrota hafði Skipaaf-
greiðslan sýnt því áhuga að leggja
hlutafé í fyrirtækið. Helgi sagði að
stjórnendur Skipaafgreiðslunnar
þekktu því til rekstrarins. Skipa-
afgreiðslan framleiðir m.a. bretti
auk þess að sinna almennri skipa-
afgreiðslu.
Helgi sagði að flestallir þættir
þessa máls væru komnir á hreint.
Eftir væri þó að ganga frá end-
anlegu samkomulagi við skipta-
stjóra, en það réðist af svari frá
fyrirtækinu sem ætti trjábolina.
8–10 menn fengju vinnu
Helgi sagði að ef Skipaafgreiðsl-
an tæki rekstur fyrirtækisins á
leigu fengju 8–10 menn vinnu, en
20 menn störfuðu hjá fyrirtækinu
áður en það varð gjaldþrota.
Vegna fjárhagserfiðleika Ís-
lensks harðviðar hafði verið dregið
að taka ákvörðun um frekari inn-
kaup á timbri. Helgi sagði að um
300 rúmmetrar af óunnu efni væru
til á Húsavík og það dygði til
þriggja mánaða vinnslu. Hann
sagði nauðsynlegt að taka sem
fyrst ákvörðun um innkaup á timb-
urbolum ef halda ætti rekstrinum
áfram. Á landinu væri núna stadd-
ur umboðsaðili frá Bandaríkjunum
sem selt hefði Íslenskum harðviði
timbur, en menn væru sammála um
að besta hráefnið kæmi þaðan.
Helgi sagði að það þyrfti helst að
taka endanlegar ákvarðanir um
reksturinn sem fyrst. Það hefði
ekki verið markmið Skipaafgreiðsl-
unnar að eignast Íslenskan harðvið.
Hann sagðist vera þeirrar skoð-
unar að ef stofna ætti nýtt fyr-
irtæki sem keypti eignir þrotabús-
ins þá væri verð eignanna
lykilatriði. Hann sagðist efast um
að reksturinn þyldi mikinn fjár-
magnskostnað.
Hafni eistneska fyrirtækið tilboði
Skipaafgreiðslunnar í trjábolina
verður það að öllum líkindum að ná
sjálft í bolina og kosta flutning
þeirra til nýs kaupanda í Evrópu.
Vill taka Íslenskan
harðvið á leigu
FAXI RE kom til Reykjavíkur í
gærkvöld með um 1.500 tonn af
loðnu og er þetta fyrsta loðnan
sem Faxamjöl hf. fær á vertíð-
inni.
Faxi landaði um 700 tonnum í
bræðslu á Eskifirði fyrir viku en
bræla hefur truflað veiðarnar að
undanförnu.
„Þetta hefur verið kropp í
trollið,“ segir Ólafur Einarsson,
skipstjóri á Faxa, „en ágætis
veiði var hjá nótaskipunum að-
faranótt sunnudags.“ Loðnan
fékkst út af Þórsbanka, um 90
mílur austur af Eystrahorni.
Skipið er nýkomið úr gagn-
gerum breytingum í Póllandi og
segir Ólafur að öll aðstaða sé allt
önnur og betri. Skipið er mun
öflugra, gengur hraðar og tog-
krafturinn er mun meiri en áður.
„Það er geysilegur munur á allri
aðstöðu fyrir trollið, afli á vélum
og spilum. Það er í raun ekki
hægt að líkja þessu saman,“ segir
hann.
Morgunblaðið/Kristinn
Faxi RE með fyrstu
loðnuna til Reykjavíkur
FIMM manns voru fluttir á sjúkra-
húsið á Egilsstöðum eftir að lög-
reglubíll frá Vopnafirði valt á Jök-
uldal, rétt norðan við Hjarðarhaga,
upp úr klukkan hálffimm í gærdag.
Tveir sjúkrabílar fluttu bílstjóra
og farþega lögreglubílsins til Egils-
staða en enginn þeirra er talinn hafa
slasast alvarlega.
Lögreglubíllinn var á leið frá Eg-
ilsstöðum til Vopnafjarðar er óhapp-
ið átti sér stað, en að sögn lögreglu-
manna frá Seyðisfirði er óljóst hvers
vegna bíllinn valt og hafnaði á hvolfi í
vegarkantinum.
Kallað var eftir aðstoð lögreglu,
sjúkraliðs og slökkviliðs sem sendi
tækjabíl á vettvang en ekki kom til
þess að nota þyrfti búnað hans til að
koma fólkinu út úr bílnum.
Lögreglubíll valt út af
BEIÐNIR um nauðungarsölu öku-
tækja til sýslumannsins í Reykja-
vík voru 3.882 í fyrra og hafa aldr-
ei verið fleiri. Jafnframt hafa
aldrei selst jafnmörg ökutæki á
uppboðum sýslumannsembættisins
og í fyrra, eða 669. Til samanburð-
ar má nefna að árið 1999 voru
lagðar inn til sýslumannsembætt-
isins 3.250 nýjar beiðnir og 514
ökutæki voru seld nauðungarsölu.
Sé farið enn lengra aftur í tímann
voru 550 ökutæki seld nauðung-
arsölu árið 1998 og 492 árið þar á
undan.
Að sögn Úlfars Lúðvíkssonar,
deildarstjóra fullnustudeildar
sýslumannsembættisins, bera töl-
urnar með sér að vanskil hafi ber-
sýnilega aukist í bifreiðaviðskipt-
um og því framkvæmdar fleiri
vörslusviptingar en áður. Gerðar-
beiðendur eru í flestum tilfellum
lánveitendur, s.s. tryggingafélög
og bifreiðaumboð eða aðrir sem
eiga veðrétt í viðkomandi lausa-
fjármunum. Að sögn Úlfars hafa
gerðarbeiðendur þó ekki þurft að
biðja sýslumann um aðstoð við
framkvæmd vörslusviptingar í rúm
2 ár. Það sé einungis gert að kröfu
gerðarbeiðanda þegar umráðamað-
ur ökutækis neitar að láta af hendi
ökutæki eða þá lausafjármuni sem
um ræðir. Lögreglu er skylt að
verða við tilmælum sýslumanns
um að framfylgja ákvörðun hans í
þessum efnum. Einungis lögregla
hefur heimild til að beita valdi eft-
ir ákvörðun sýslumanns.
Vanskil í bifreiðaviðskiptum hafa
stóraukist í Reykjavík undanfarið
669 bílar seldir á
uppboði í fyrra