Morgunblaðið - 15.02.2001, Qupperneq 10

FRÉTTIR
10 FIMMTUDAGUR 15. FEBRÚAR 2001 MORGUNBLAÐIÐ
HALLDÓR Ásgrímsson, starfandi
heilbrigðis- og tryggingamálaráð-
herra, segir að hefjist málaferli
vegna nýsettra laga um almanna-
tryggingar liggi ljóst fyrir að sú
niðurstaða sem fæst fyrir dómstól-
um gildir ekki eingöngu fyrir þann
einstakling sem kærir heldur alla
þá einstaklinga sem hlut eiga að
máli. Þetta kom fram í svari ráð-
herrans við fyrirspurn Ástu Ragn-
heiðar Jóhannesdóttur, þingmanns
Samfylkingarinnar, á Alþingi í vik-
unni.
Í spurningu Ástu Ragnheiðar
kom fram að 26. janúar sl. lýsti lög-
maður Öryrkjabandalags Íslands
því yfir í bréfi til Tryggingastofn-
unar að allir þeir öryrkjar sem
fengju greitt samkvæmt nýsettum
lögum um tekjutryggingu almanna-
trygginga tækju við greiðslum sín-
um með þeim fyrirvara að þeir
teldu greiðslurnar ekki í samræmi
við niðurstöðu dóms Hæstaréttar.
Þeir áskildu sér rétt til þess að
krefja Tryggingastofnun um það
sem á vantar. Farið var fram á að
Tryggingastofnun féllist á þennan
fyrirvara fyrir alla þessa öryrkja
með undirskrift, en greiðslur væru
lagðar inn á reikninga þannig að
menn kvitta ekki eða skrifa undir
greiðslurnar, og því væri ekki hægt
að setja fyrirvara með þeim hætti.
Sagði þingmaðurinn að Trygg-
ingastofnun hefði neitað að fallast á
að Öryrkjabandalagið væri fulltrúi
þessara einstaklinga, þrátt fyrir að
bandalagið hefði verið fulltrúi
þeirra í málarekstri sem öllum ætti
að vera kunnur, og því ekki skrifað
undir fyrirvarann.
„Þar sem heilbrigðisráðuneytið
og Tryggingastofnun hafa ekki vald
til að ákveða hverjir koma fram í
um-boði þessara öryrkja hefur Ör-
yrkjabandalagið ítrekað fyrirvar-
ann og lýst hann bindandi fyrir
hönd umbjóðenda sinna. Það hafa
þeir gert bréflega til Trygginga-
stofnunar ríkisins,“ sagði Ásta
Ragnheiður.
Hefjist málaferli vegna laga um almannatryggingar
Ráðherra segir að niður-
staða myndi gilda fyrir alla
70. fundur hefst á Alþingi kl. 10.30
og eru alls 28 mál á dagskránni:
1. Samningar um sölu á vöru milli
ríkja, stjtill., . – F. umr.
2. Breyting á VII. viðauka við
EES-samninginn (starfsmennt-
un), stjtill., 444. mál, Þskj. 710.
– F. umr.
3. Breyting á XI. viðauka við
EES-samninginn (fjarskipta-
þjónusta), stjtill., 445. mál,
Þskj. 711.–F. umr.
4. Breyting á XVIII. viðauka við
EES-samninginn (vinnuréttur),
stjtill., 446. mál, Þskj. 712. –
F.umr.
5. Breytingar á XIII. viðauka við
EES-samninginn (flutninga
starfsemi), stjtill., – F.umr.
6. Lögleiðing ólympískra hnefa-
leika, frvFrh. 1. umr.
7. Óhefðbundnar lækningar,
Þáltill., 173. mál, Þskj. 176.
F.umr.
8. Suðurnesjaskógar, Þáltill.
, 174. mál, Þskj. 181. – F.umr.
9. Réttindi og skyldur starfs-
manna ríkisins, frv., – 1. umr.
10. Kjarasamningar opinberra
starfsmanna, frv 1. umr.
11. Könnun á áhrifum fiskmark-
aða, Þáltill., 243. mál, Þskj.
268.– F. umr.
12. Sjálfbær atvinnustefna, Þál-
till., 253. mál, Þskj. 278. –
F. umr.
13. Stofnun og rekstur tónminja-
safns á Stokkseyri, F. umr.
14. Tónminjasafn, Þáltill., 267.
mál, Þskj. 295. – F. umr.
15. Mennta- og fjarkennslumið-
stöðvar, – F. umr.
16. Skattfrádráttur meðlags-
greiðenda, Fyrri umr.
17. Bókaútgáfa, Þáltill., 271.
mál, Þskj. 299. – Fyrri umr.
18. Vetraríþróttasafn, Þáltill.,
273. mál, Þskj. 301. – F. umr.
19. Sjálfbær orkustefna, Þáltill.,
274. mál, Þskj. 302. – F. umr.
20. Lífeyrissjóður sjómanna,
frv.,292. mál, Þskj. 323. –
1.umr.
21. Búfjárhald og forðagæsla
o.fl., frv., 298. mál, Þskj. 336.
– 1.umr.
22. Grunnskólar, frv., 299. mál,
Þskj. 337. – 1. umr.
23. Stjórn fiskveiða, frv., 329.
mál, Þskj. 428. – 1. umr.
24. Fiskveiðar utan lögsögu Ís-
lands, frv., 330. mál, Þskj.
429. 1. umr.
25. Textun íslensks sjónvarps
efnis, Þáltill., – F. umr.
26. Villtur minkur, Þáltill., 334.
mál, Þskj. 434. – F. umr.
27. Réttur til fiskveiða á eigin
bát minni en 30 brl., frv., –
1.umr.
28. Verslun með áfengi og tób
ak,frv., 390. mál, Þskj. 640. –
1.umr.
GUÐNI Ágústsson landbúnaðarráð-
herra hefur lagt fram á Alþingi frum-
varp til laga um breytingu á lögum
um dýrasjúkdóma og varnir gegn
þeim. Um er að ræða breytingu á lög-
um nr. 25 frá 1993.
Í frumvarpinu eru annars vegar
gerðar breytingar á núgildandi sjúk-
dómaskrá, í þá átt að aðlaga hana al-
þjóðlegum stöðlum, en hins vegar er
felld niður dýrasjúkdómanefnd sem
aldrei hefur verið skipuð og færa
skyldur hennar að nokkru leyti yfir til
yfirdýralæknis og að nokkru leyti til
dýralæknaráðs sem skipað er af land-
búnaðarráðherra.
Í athugasemdum með frumvarpinu
kemur fram að nauðsynlegt sé að nú-
gildandi sjúkdómaskrá verði löguð að
alþjóðlegum stöðlum. Leitast sé við
að samræma listann í takt við reglur
Alþjóðadýrasjúkdómastofnunarinnar
í París (OIE) en hingað til hafi þess
ekki verið gætt. Ísland hafi í áratugi
átt aðild að stofnuninni og hafi því
ákveðnum skyldum að gegna í sam-
bandi við skráningar og tilkynningar
dýrasjúkdóma sem vart verður hér á
landi.
Breytingin greiði fyrir allri skrán-
ingarvinnu um leið og hún einfaldi öll
samskipti við erlend ríki á sviði dýra-
heilbrigðis. Áherslur hafi breyst hvað
varði viðbrögð við einstaka sjúkdóm-
um og nýir sjúkdómar jafnvel gert
vart við sig sem ekki séu taldir upp í
sjúkdómaskránni frá 1993.
Breyting á
lögum um
dýrasjúk-
dóma
ÞINGMENNIRNIR Þorgerður Gunnarsdóttir, Einar M. Sigurðsson, Krist-
inn H. Gunnarsson og Vilhjálmur Egilsson hlýða á umræður.
Hlýtt á umræður
Morgunblaðið/Golli
JÓNAS Jónsson, fyrr-
verandi framkvæmda-
stjóri, lést 8. febrúar
síðastliðinn, 88 ára að
aldri. Jónas var um ára-
tugaskeið fram-
kvæmdastjóri Síldar- og
fiskimjölsverksmiðj-
unnar að Kletti í
Reykjavík.
Jónas fæddist á Seyð-
isfirði 30. ágúst 1912 og
ólst þar upp. Hann lauk
verslunarskólaprófi frá
Verslunarskóla Íslands
1931 og í framhaldi af
því stundaði hann versl-
unarstörf við verslun föður síns á
Seyðisfirði. 1943 varð hann fram-
kvæmdastjóri Síldarbræðslunnar á
Seyðisfirði og árið 1953 tók hann við
starfi framkvæmdastjóra hjá Síldar-
og fiskimjölsverksmiðjunni að
Kletti. Hann gegndi framkvæmda-
stjórastöðu í báðum þessum fyrir-
tækjum til ársins 1956 er hann hætti
starfi hjá Síldarbræðslunni á Seyð-
isfirði og starfaði eftir það eingöngu
sem framkvæmdastjóri Síldar- og
fiskimjölsverksmiðj-
unnar að Kletti. Þar
lét hann af störfum
1988.
Jónas var í bæjar-
stjórn Seyðisfjarðar-
kaupstaðar 1942-1950.
Hann var í stjórn
Vinnuveitendasam-
bands Íslands, í stjórn
Félags íslenskra fiski-
mjölsframleiðenda og
kjörinn heiðursfélagi
þess 1987, í stjórn
Verðlagsráðs sjávar-
útvegsins, í stjórn
Félags íslenskra botn-
vörpuskipaeigenda og Landssam-
bands íslenskra útgerðarmanna.
Jónas var sæmdur riddarakrossi
Hinnar íslensku fálkaorðu 17. júní
1976.
Eftirlifandi eiginkona hans er
Kristín Ingvarsdóttir og börn þeirra
eru Jón Gunnlaugur læknir og Inga
Marta hjúkrunarfræðingur.
Útför Jónasar verður gerð frá
Dómkirkjunni í Reykjavík á morgun,
föstudag, kl. 13.30.
Andlát
JÓNAS JÓNSSON
HJÁLMAR Árnason al-
þingismaður hefur lýst því
yfir að sækist eftir að vera
kjörinn ritari Framsókn-
arflokksins á næsta
flokksþingi sem haldið
verður í mars. Hann hefur
áður verið orðaður við kjör
til varaformennsku.
„Ég hef verið að fá
hvatningu til þess að fara í
forystusveit flokksins. Ég
sé ekki annað en að það verði glæsi-
legt mannval í framboði til varafor-
manns. Ég hef lengi talað fyrir því
innan flokksins að það þurfi að
leggja mikla áherslu á endurskipu-
lagningu, innra starfið, kynningar-
og skipulagsmál innan flokksins.
Hlutverk ritara er að sinna því. Rit-
ari innan Framsóknarflokksins hef-
ur jafnan haft aðra stöðu en ritarar
annarra stjórnmálaflokka. Með
lagabreytingum sem vænt-
anlega fara í gegnum
flokksþingið verður hlut-
verk ritara aukið enn frekar
í þessa átt. Ég tel að í ljósi
líklegra frambjóðenda til
varaformanns og í ljósi
menntunar minnar og
áhugasviðs, nýtist kraftar
mínir í þágu flokksins best
með þessum hætti,“ segir
Hjálmar.
Ingibjörg Pálmadóttir heilbrigð-
is- og tryggingamálaráðherra, er
núverandi ritari flokksins. Hjálmar
segir að hún hafi verið fyrsta mann-
eskjan sem hann talaði við eftir að
hann tók sína ákvörðun. Framboðið
sé gert með fullri virðingu fyrir
henni. Ingibjörg er í veikindafríi og
ekki stödd á landinu. Hún hefur
ekki gefið út hvort hún sækist eftir
endurkjöri.
Framsóknarflokkurinn
Hjálmar Árna-
son gefur kost á
sér í stöðu ritara
Hjálmar
Árnason
ÞORGEIR Pálsson flugmálastjóri
segir að ekki gangi upp að hafa að-
eins 1.000 metra flugbrautir fyrir
miðstöð innanlandsflugs á Íslandi,
eins og miðað er við í hugmyndum
Gísla Halldórssonar arkitekts um
breytt skipulag Reykjavíkurflug-
vallar. Hugmynd hans gengur út á
að reisa lítinn flugvöll í Vatnsmýr-
inni sem geti þjónað innanlands-
fluginu. Telur Gísli nægilegt að
hafa tvær brautir, sem báðar verði
um 1.000 m að lengd, sem færðar
verði að hluta til út í Skerjafjörð
og minnki flugvallarsvæðið um 116
hektara.
Að sögn Þorgeirs eru ekki marg-
ar flugvélar sem geta nýtt sér svo
stuttar brautir og því yrði flugvöll-
urinn bara fyrir smáflugvélar.
Hann telur því af og frá að flug-
völlur með svo stuttum brautum
fullnægi þörfum miðstöðvar í inn-
anlandsflugi.
Áhersla verður lögð
á þotur í framtíðinni
„Þróunin í gerð flugvéla er held-
ur ekkert í þessa áttina. Það sem
menn eru að taka upp á þessum
flugleiðum er áhersla á framleiðslu
á þotum sem þurfa lengri flug-
brautir, ekki skemmri. Þannig að
allir peningar í þróun flugvéla fyr-
ir þessar skemmri flugleiðir eru í
þotunum og ekki verið að leggja
áherslu á að stytta flugbrautirn-
ar.“
Að sögn Þorgeirs hafa allar vél-
ar reynst mjög dýrar í rekstri sem
framleiddar hafa verið fyrir stutt-
ar flugbrautir. Því hafi lítil áhersla
verið lögð á að þróa slíkar vélar,
nema þá helst til hernaðarnota.
Flugmálastjóri um tillögur
Gísla Halldórssonar arkitekts
Stuttar flugbraut-
ir nægja ekki