Morgunblaðið - 15.02.2001, Qupperneq 70

FÓLK Í FRÉTTUM
70 FIMMTUDAGUR 15. FEBRÚAR 2001 MORGUNBLAÐIÐ
AÐ ÞESSU sinni sýnir Filmundur
hina sígildu Chinatown eftir Roman
Polanski frá 1974 en óhætt er að telja
hana eina af mikilvægustu myndun-
um sem gerðar voru í Bandaríkjun-
um á áttunda áratugnum. Með aðal-
hlutverk fara Jack Nicholson, Faye
Dunaway og John Huston.
Roman Polanski fæddist í Frakk-
landi árið 1933 en foreldrar hans
voru pólskir og fluttist fjölskyldan til
Póllands þegar Polanski var barn og
þar hóf hann feril sinn sem kvik-
myndaleikstjóri og leikari. Hann
flutti síðar aftur til Frakklands og
gerði myndir bæði þar og í Bretlandi.
Árið 1968 fluttist hann til Bandaríkj-
anna og vakti mikla athygli þar fyrir
Rosemary’s Baby en eftir að þáver-
andi eiginkona hans, Sharon Tate,
var myrt af Manson-genginu sneri
hann aftur til Evrópu. Hann gerði
Chinatown vestra en neyddist síðan
til að hverfa aftur til Evrópu 1977 eft-
ir að hafa játað fyrir rétti að hafa haft
mök við stúlku undir lögaldri og
gerðist franskur ríkisborgari. Síðan
hefur hann aðallega gert myndir í
Frakklandi og má þar til dæmis
nefna Tess, Bitter Moon og Frantic.
Nýjasta mynd hans er The Ninth
Gate, sem var sýnd hér á landi fyrir
skömmu.
Chinatown gerist í Los Angeles á
fjórða áratugnum og segir frá einka-
spæjaranum Jake Gittes sem sér-
hæfir sig í rannsóknum á framhjá-
haldi og telur ekki eftir sér að beita
umdeilanlegum aðferðum til að ná ár-
angri í starfi sínu. Hann fær verkefni
sem í fyrstu virðist ósköp hefðbundið
en brátt kemur í ljós að ekkert reyn-
ist það sem það sýnist í fyrstu og hver
óvænta fléttan rekur aðra.
Chinatown býr yfir afar marg-
brotnu og vel gerðu handriti sem
færði höfundinum, Robert Towne,
Óskarsverðlaunin árið 1975. Hand-
ritið er engan veginn ætlað þeim sem
sækjast eftir einföldum söguþræði
því þar er krökkt af mikilvægum og
torskildum smáatriðum. Towne sæk-
ir stíft í smiðju noir-höfunda á borð
við Raymond Chandler og ber mynd-
in mörg einkenni þeirrar hefðar en
oft er talað um að hún sé fyrsta noir-
myndin í litum.
Jack Nicholson er frábær í hlut-
verki einkaspæjarans, sama má
segja um Faye Dunaway en þau voru
bæði margverðlaunuð fyrir frammi-
stöðu sína í myndinni.
Chinatown var tilnefnd til 11 Ósk-
arsverðlauna, þar á meðal fyrir bestu
mynd og besta leikara og leikkonu í
aðalhlutverki. Einnig hlaut hún fern
Golden Globe-verðlaun.
Í næstu viku mun Filmundur gera
Polanski frekari skil og sýna aðra
mynd eftir hann, The Tenant.
Chinatown verður sýnd í Háskóla-
bíói í kvöld og á mánudag kl. 22:30.
Chinatown eftir Polanski
Einkaspæjarinn Jake Gittes kemst aldeilis í hann krappan í Chinatown.
Flísar
og
parketBorgartúni 33, Reykjavík • Laufásgötu 9, Akureyri
HÁDEGISBOÐ
COCA-COLA
ÞAÐ HEITASTA Í HÁDEGINU
cocacola.is
Það getur verið erfitt að ákveða
hvað á að fá sér í hádeginu.
Við auðveldum þér valið með
Hádegisboði Coca-Cola,
gómsætum hádegisverði með
Coke, sem þú færð í mismunandi
útfærslum í fjölmörgum
söluturnum og skyndibita-
stöðum um allt land.
Á cocacola.is færðu upplýsingar
um heitustu Hádegisboðin hverju
sinni. Verið velkomin í
Hádegisboð Coca-Cola,
það heitasta í hádeginu.