Morgunblaðið - 14.07.2001, Blaðsíða 15

SUÐURNES
MORGUNBLAÐIÐ LAUGARDAGUR 14. JÚLÍ 2001 15
KAUPFÉLAG Suðurnesja hefur
lagt fyrir skipulags- og byggingar-
nefnd Reykjanesbæjar tillögur að
verslunarmiðstöð í tengslum við
verslun Samkaupa í Njarðvíkum. Að
sögn Guðjóns Stefánssonar, fram-
kvæmdastjóra Samkaupa, er stefnt
að því að ljúka hugmyndavinnu á
þessu ári.
Núverandi verslunarhúsnæði
Samkaupa er um 2300m2 og gera til-
lögurnar ráð fyrir að nýbyggingin
verði um 3700m2. Um 2600m2 færu
undir verslunarhúsnæði, 620m2 und-
ir veitingastaði og 500m2 undir sam-
eiginlega yfirbyggða verslunargötu.
Heildarstærð verslunarhúsnæðisins
yrði því um 6000m2 eftir breytingar.
Samkvæmt tillögunum er gert ráð
fyrir 310 bílastæðum, þ.e. 1 stæði
fyrir hverja 19m2 af verslunarhús-
næði.
Óvíst hvenær
framkvæmdir hefjast
Guðjón segir að enn eigi eftir að
finna aðila sem gætu komið að fjár-
mögnun framkvæmdanna. Einnig
eigi eftir að athuga áhrif verslunar-
kjarna í Smáranum á hugsanlegan
rekstur verslunarmiðstöðvar við
Samkaup. Framkvæmdir í Smáran-
um munu að mati Guðjóns koma til
með að hafa áhrif um allt land og
ekki síst á suðvesturhorninu. Rétt-
ast sé því að stíga varlega til jarðar í
þessum efnum. Engin tímasetning
hefur enn verið ákveðin varðandi
upphaf framkvæmda.
„Það eina sem við höfum sett okk-
ur er að ljúka allri hugmyndavinnu
og þvíumlíku á þessu ári. Þannig að
við getum þá hugsanlega farið af
stað hvenær sem er eftir það ef að-
stæður leyfa,“ segir Guðjón.
Samkvæmt greinargerð með til-
lögunum, sem unnar eru af Arkís
ehf., er gert ráð fyrir verslunar-
kjarna sem tengist núverandi stór-
markaði Samkaupa. Skipulag versl-
unarkjarnans gerir ráð fyrir
svokölluðu I-skipulagi þar sem
verða tvær stórverslanir, hvor í sín-
um enda göngugötunnar, með minni
verslunum og veitingastöðum á milli
sem dreift verður jafnt eftir götunni
endilangri. Segir þar að reikna megi
með að matvöruverslun Samkaupa
dragi til sín allt að 80% viðskiptavina
og því séu inngangar staðsettir
þannig að leið viðskiptavina liggi
fram hjá smærri verslunum og veit-
ingastöðum áður en komið sé að inn-
gangi Samkaupa. Mikilvægt sé að
skapa jafnt flæði um kjarnann þann-
ig að stærri verslunareiningar styðji
þær minni.
Lóð Samkaupa hluti
af miðbæjarreit
Tvær einingar eru teknar sér-
staklega undir veitingastaði sam-
kvæmt tillögunum en aðkoma að
verslunum mun verða frá yfir-
byggðri göngugötu. Hins vegar seg-
ir að skyndibita- og veitingastaðir
hafi einnig hag af því að skapa sér
andlit út á við gagnvart helstu um-
ferðaræðum í kring. Af þessum sök-
um er gert ráð fyrir að veitinga-
staðir verði staðsettir við hvorn
inngang þannig að greitt aðgengi sé
bæði frá verslunargötu og utan frá
eftir lokunartíma verslunarkjarn-
ans. Einnig er ráðgert að veitinga-
staður við inngang frá Flugvallar-
vegi hafi bílalúgu.
Núverandi verslunarhúsnæði
Samkaupa liggur við Njarðarbraut,
nærri Flugvallarvegi, með greiðar
aksturstengingar við Hafnargötu og
íbúðasvæði, auk þess að liggja nærri
akstursleiðum út úr bænum. Bent er
á þetta í greinargerðinni og segir
enn fremur að á gildandi aðalskipu-
lagi bæjarins sé lóð Samkaupa hluti
af miðbæjarreit sem liggur út að
Reykjaneshöll. Á þessu svæði er
gert ráð fyrir þéttri byggð með
blöndu af þjónustu, verslunum, íbúð-
um og stofnunum og er bent á að
hugsanleg verslunarmiðstöð geti
orðið sterkur liður í þeirri tengingu.
Í greinargerðinni segir að ekki liggi
fyrir útfærsla á miðbæjarsvæði og
því hafi verið settar fram grófar til-
lögur er eiga að gefa til kynna hugs-
anlegan þéttleika byggðar, staðsetn-
ingu grænna svæða og
göngutengingar við verslunarmið-
stöð og umliggjandi svæði.
Samkvæmt tillögunum er gert ráð
fyrir að bílaaðkoma verði frá Flug-
vallarvegi og Njarðarbraut og bíla-
stæði verði norðan og austan versl-
unarkjarnans.
Hugmyndir um byggingu verslunarmiðstöðvar lagðar fyrir skipulags- og byggingarnefnd
3700 fermetra
viðbygging
við Samkaup
Reykjanesbær
Tölvumynd/Arkís ehf. arkitektar og ráðgjöf
Hér sést hvernig viðbótareiningarnar, með yfirbyggðu glerþaki fyrir miðju, tengjast núverandi versl-
unarhúsnæði Samkaupa til hægri. Bílastæði verða norðan- og austanmegin verslunarkjarnans.
BÆJARRÁÐ Reykjanesbæjar
hefur samþykkt að láta reisa girð-
ingu kringum gervigrasvöll við
Brekkustíg. Borið hefur á því að
bílar hafi ekið inn á gervigrasið.
Að sögn Ragnars Arnar Péturs-
sonar, staðgengils íþrótta- og tóm-
stundafulltrúa, var ákveðið að
setja upp gervigrasvelli, upphitaða
og upplýsta, í tengslum við ein-
setningu grunnskólanna og bygg-
ingu Heiðarskóla. Völlurinn við
Brekkustíg er eini völlurinn sem
ekki er afgirtur, en Ragnar segir
að settar hafi verið upp manir
meðfram vellinum. Í tvígang hafi
bifreið hins vegar verið ekið
framhjá mönunum og á gervigras-
ið þar sem gangstígur skilur
Njarðvíkurskóla og knattspyrnu-
völlinn að.
Að sögn Ragnars kostar ný girð-
ing um tvær milljónir króna og er
stefnt að því að hún verði komin
upp fyrir lok ágúst eða áður en
skólar hefjast að nýju.
Girðing verður
sett upp í sumar
Reykjanesbær
Bílar inn á gervigrasið
við Brekkustíg í tvígang
MISVEL hefur gengið að ráða í
kennarastöður í grunnskólum
Reykjanesbæjar. Flestir hafa ráð-
ið í einhverjar stöður en enginn
skólanna fjögurra hefur ráðið í all-
ar stöður það sem af er.
Að sögn Gylfa Guðmundssonar,
skólastjóra Njarðvíkurskóla, hef-
ur gengið ágætlega að ráða í
kennarastöður við skólann fyrir
næsta skólaár. Erfiðara hefur
hins vegar gengið, að hans sögn,
að finna húsnæði handa kennur-
um sem koma annars staðar frá.
Gylfi segist hafa misst þrjá kenn-
ara, sem ella hefðu komið, vegna
þess að erfiðlega hafi gengið að
finna húsnæði við hæfi handa
þeim. Búið er að ráða í tvær kenn-
arastöður á miðstigi en eftir er að
ráða í eina stöðu. Þrjátíu og þrjár
kennarastöður eru við skólann.
Gylfi segir alla fjóra grunnskóla
Reykjanesbæjar búa við afar góða
aðstöðu auk þess sem nýir kjara-
samningar við kennara hafi auð-
veldað ráðningar. Hann segist
hafa fengið góð viðbrögð þegar
auglýst var eftir kennurum en
skortur á húsnæði hafi frekar
spillt fyrir.
Vilhjálmur Ketilsson, skóla-
stjóri Myllubakkaskóla, segist
hafa ráðið í tvær stöður það sem
af er en eftir sé að ráða annan af
tveimur kennurum í heimilisfræði.
Vilhjálmur segist hafa verið hepp-
inn með starfsfólk og að vel hafi
gengið að ráða í þær stöður sem
auglýstar voru. Þrjátíu og tveir
kennarar eru við skólann og segir
hann að lítil hreyfing sé alla jafn-
an á starfsliði skólans. Vilhjálmur
segir að venjulega komist ekki
skriður á mannaráðningar fyrr en
eftir verslunarmannahelgi og
staðan sé því óvenjugóð í ár.
Báðir aðilar hafa
grætt á fjarnámi
Björn Víkingur Skúlason, að-
stoðarskólastjóri Heiðarskóla,
segir að enn eigi eftir að ráða í
þær fjórar stöður sem auglýstar
hafa verið. Hann segir að erfið-
lega hafi gengið að ná til rétt-
indafólks en ýmsir hafi sýnt kenn-
arastöðum við skólann áhuga. Allt
stefni því í að leiðbeinendur verði
ráðnir við skólann.
Björn telur að kjarasamningar
við kennara hafi ekki skilað tilætl-
uðum árangri og að kennarar,
sem áður höfðu horfið frá kennslu,
séu ekki að snúa aftur.
„Reyndar á eftir að koma
reynsla á þetta í vetur. Hvernig
samningarnir virka og annað. Ég
veit að margir kennarar ætla að
sjá til hvort þeir eigi að fara að
kenna að nýju,“ segir Björn. Hann
segir það mjög jákvæða þróun að
kennaranemar geti nú stundað
fjarnám frá skóla og sinnt kennslu
um leið. Það hafi orðið til þess að
margir kennaranemar hafi farið í
kennslustörf.
„Ég held að það séu í rauninni
báðir aðilar sem græða á þessu
fyrirkomulagi. Bæði Kennarahá-
skólinn sem er þá með fólk á vett-
vangi og líka skólinn sem fær
þetta fólk sem aftur getur nýtt
það sem það lærir í skólanum,“
segir hann.
Að sögn Sigurðar E. Þorkels-
sonar, skólastjóra Holtaskóla, á
eftir að ráða í þrjár til fjórar stöð-
ur. Sigurður segir að nokkrir
nemendur úr Kennaraháskólanum
hafi verið ráðnir við skólann sem
stundi fjarnám. Þeir starfskraftar
hafa að hans sögn reynst mjög
vel.
Sigurður á von á að gengið
verði endanlega frá ráðningum
eftir verslunarmannahelgi. Að
hans sögn er lítið um að verið sé
að ráða kennara annars staðar frá
og þar spilar hörgull á húsnæði
stórt hlutverk að hans mati. Hann
telur nýgerða kjarasamninga við
kennara ekki hafa skilað fleiri
kennurum í skólann og segir að
fleira þurfi að koma til svo að þeir
snúi aftur.
Skólastjórar grunnskólanna um ráðningar í kennarastöður
Mun erfiðara er að
ná til réttindafólks
Reykjanesbær