Morgunblaðið - 14.07.2001, Blaðsíða 18

ÚR VERINU
18 LAUGARDAGUR 14. JÚLÍ 2001 MORGUNBLAÐIÐ
SJÁVARÚTVEGSRÁÐUNEYTIÐ
hefur ákveðið bann við línuveiðum á
ákveðnu svæði fyrir Suðurlandi.
Banninu er ætlað að koma í veg fyrir
veiðar á smákeilu, sem hafa verið
miklar að undanförnu. Bannið er
ákveðið að tillögu Hafrannsókna-
stofnunar. „Dagana 19. til 21. júní
mældu eftirlitsmenn Fiskistofu keilu,
sem landað var úr þremur línubátum.
Stærð keilunnar var sem kalla má
með eðlilegum hætti úr einum
bátanna, þar sem meðallengdin var
55,7 senímetrar eða um helmingur af
fjölda 55 sentimetrar eða minni. Þessi
keiluafli, um 11,6 tonn, (30% af blönd-
uðum afla) fékkst í kantinum út af Vík
á 330 til 390 metra dýpi.
Hinar mælingarnar tvær voru með
allt öðrum hætti, enda meðallengd
keilu 43,6 og 48,8 sentimetrar. Hlut-
fall fisks 55 sentimetrar eða minni í
þessum sýnum var 96 og 84% og hlut-
fall 45 sentimetrar eða minni 76 og
35%. Landaður keiluafli úr þessum
bátum var 8,4 tonn (36% aflans) og 6
tonn (14% aflans). Annar þessara
báta var með línuna á 70 til 100 metra
dýpi, hinn á 90 til 130 metra og einnig
330 til 750 metra dýpi,“ segir í tillög-
um Hafrannsóknastofnunar.
Að jafnaði er helmingur keilunnar
kynþroska við 57 sentimetra lengd,
einungis fjórðungur við 50 sentimetra
lengd og um 10% 45 sentimetrar að
lengd. Uppistaðan í þessum afla er
því ókynþroska fiskur. „Í framhaldi af
þessum mælingum hefur verið rætt
við nokkra skipstjóra línubáta sem
sækja á þessi mið um þetta ástand.
Eru þeir sammála því að þær mæl-
ingar sem hér eru kynntar séu í sam-
ræmi við þeirra reynslu, nánast ekk-
ert nema smákeila sé uppi á
grunnunum og niðri í köntunum fari
hún óðum smækkandi. Svo virðist
sem lítið sé eftir af stórum fiski á
hefðbundnum keiluslóðum. Hafrann-
sóknastofnun telur þá stöðu sem upp
er komin afar varhugaverða. Svo virð-
ist sem sókn línubáta beinist að þess-
ari smákeilu þar sem ekki er aðra
keilu að hafa. Í ljósi þess leggur Haf-
rannsóknastofnun til að línuveiðar
verði bannaðar með reglugerð um
ótiltekinn tíma á svæði sem nær frá
Kötlugrunni og austur fyrir Stokks-
nesgrunn niður á um það bil 200
metra dýpi. Hólfið nær þó ekki alveg
upp að landinu í Mýrabug austan Tví-
skerja vegna þess að á því svæði bein-
ist línusókn jafnan meir að öðrum teg-
undum en keilu,“ segir í tillögu
Hafrannsóknastofnunar.
Vernda smákeilu
með veiðibanni
 


 


  


  
    
   
   
     
  
    
     
      

 


     
 





HIÐ nýja fjölveiðiskip Huginn VE
landaði um 1.800 tonnum af kol-
munna á Seyðisfirði í gær eftir sína
fyrstu veiðferð. Guðmundur Huginn
Guðmundsson, skipstjóri, segir að
veiðiferðin hafi gengið mjög vel og
allt virkað eins til hefði staðið. „Við
vorum rúma tvo sólarhringa að fá
þetta og köstuðum sjö sinnum og var
mest um 300 tonn í hali. Það er mok-
veiði þarna á Rauða torginu og voru
um 15 skip, íslenzk og færeysk við
veiðarnar,“ segir Guðmundur Hug-
inn.
Gert er ráð fyrir því að setja upp
vinnslulínu og frystingu um borð í
skipinu seint í haust og verður þá
hægt að flaka og/eða heilfrysta um
100 tonn á sólarhring og auka afla-
verðmætið þannig verulega. Guð-
mundur Huginn segir að nú verði
haldið áfram á kolmunnanum fram á
haustið og loðnan látin eiga sig með-
an hann gefist. Hann leggur áherzlu
á að skipið reynist í alla staði vel og
bendir meðal annars á að Norðmenn
hafi komið til að skoða skipið til að fá
samanburð við eigin skip, en þeir
muni hugsanlega láta smíða fyrir sig
í Chile. „Þeim leizt vel á skipið og
sögðu það skip framtíðarinnar. Og
nú er bara að láta dæmið ganga
upp,“ segir Guðmundur Huginn
Guðmundsson.
Morgunblaðið/Guðmundur Oddur
Huginn VE 55 kom til Seyðisfjarðar í gær úr sinni fyrstu veiðiferð með
um 1.800 tonn af kolmunna.
Mokveiði á
Rauða torginu SENDIFULLTRÚI heimastjórnarPalestínumanna í Noregi, Omar
Sabri Kitmitto, er nú staddur á Ís-
landi. Heimsóknin er ekki opinber
heldur er Kitmitto kominn hingað
til lands til að vera viðstaddur
brúðkaup sonar síns. Kitmitto er
norskur ríkisborgari og búsettur í
Noregi.
Á blaðamannafundi í gær kom
fram að Kitmitto telur ekki mikla
von til þess að Ísraelar og Palest-
ínumenn geti samið um frið á með-
an Ariel Sharon, forsætisráðherra
Ísraels, setur svo ströng skilyrði
fyrir friðarviðræðum sem raun ber
vitni. En Sharon hefur ítrekað lýst
því yfir að viðræðum verði ekki
haldið áfram fyrr en „alger ró“
kemst á. „Ég held að Sharon vilji
að uppreisn Palestínumanna haldi
áfram til að hann haldi völdum.
Þegar hætta vofir yfir Ísraelum
standa þeir saman og að mínu mati
hugsar Sharon sem svo að þjóð
hans muni fylkja sér á bak við
hann meðan hætta vofir yfir.
Hættan á stríði við Palestínumenn
tryggir Sharon áframhaldandi
völd.“
Palestínumenn
fordæma hryðjuverk
Sendiherrann segir palestínsku
þjóðina nú kalla eftir vernd al-
þjóðasamfélagsins. „Við viljum að
farið sé eftir alþjóðasamningum
sem eiga að tryggja jöfnuð borgara
á alþjóðavísu. Það hefur komið
berlega í ljós að Ísraelar bregðast
mjög harkalega við árásum Palest-
ínumanna. Þegar einni byssukúlu
er skotið í átt að ísraelskum her-
sveitum svara þær með flugskeyt-
árásum F-16-orr-
ustuþotna.
Palestínska þjóðin
er hrædd og hjálp-
arlaus.“
Aðspurður segir
Kitmitto Palestínu-
menn ekki setja
neina skilmála fyrir
utanaðkomandi af-
skiptum af deilun-
um. „Við viljum
bara að þriðji aðili
komi til og að al-
þjóðasamfélagið geri
sér grein fyrir
ástandinu í heima-
landi okkar.“
Þá leggur Kit-
mitto áherslu á að
Palestínumenn fordæmi hryðju-
verk í ætt við sjálfsmorðsárásina
sem gerð var á diskótek í Tel Aviv
í júní þegar fjöldi manns lét lífið
og enn fleiri slösuðust. „Það eru
óábyrgir einstaklingar sem gera
slíkt. Aðgerðir sem þessar eyði-
leggja fyrir okkar málstað. Mun-
urinn á Ísrael og Palestínu er sá
að það er ísraelska ríkisstjórnin
sem fyrirskipar árásir á Palest-
ínumenn en ekki óábyrgir einstak-
lingar.“ Sendiherrann segir enn
fremur fráleitt að Yasser Arafat,
leiðtogi Palestínumanna, hafi fullt
vald á palestínskum hryðjuverka-
samtökum eins og Ísraelar hafa
haldið fram. „Fram til þessa hefur
Arafat gert hvað hann getur til að
sporna við hryðjuverkum.“
„Verðum að halda í vonina“
Þegar sendiherrann er inntur
eftir því hvort Palestínumenn muni
sætta sig við eitthvað minna en
það sem boðið var í Camp David-
viðræðunum í fyrra þegar rætt var
um að Ísraelar og Palestínumenn
myndu deila með sér yfirráðum yf-
ir Jerúsalem og að Ísraelar myndu
afsala sér 95% af hernumdu svæð-
unum, segir hann Palestínumenn
opna fyrir öllu svo lengi sem hægt
verði að komast að end-
anlegri niðurstöðu. „Á
hinn bóginn getum við
ekki samið ef við náum
ekki sátt um réttindi
flóttamanna okkar á
hernumdu svæðunum. Í
Camp David neitaði
Arafat að skrifa undir
sáttmálann vegna þess
að í honum var ekki
gert ráð fyrir réttindum
palestínskra flótta-
manna.“
Omar Kitmitto segir
Palestínumenn vilja að
samið verði um vopna-
hlé og um útfærslu
Mitchell-skýrslunnar en
þegar hann er að lokum
inntur eftir því hvort hann sé
bjartsýnn á að samkomulag náist í
náinni framtíð segist hann halda í
vonina. „Sem stjórnmálamaður vil
ég ekki gefa upp von því það er
gagnslaust að vera í pólitík ef mað-
ur heldur ekki í vonina. Á hinn
bóginn komst Ariel Sharon til
valda með því að lofa landnemum á
hernumdu svæðunum því að þeir
myndu fá meira land. Nú vill hin
alþjóðlega Mitchell-nefnd að Ísr-
aelar afsali sér hluta af hernumdu
svæðunum og það getur Sharon
ekki fallist á vilji hann halda völd-
um,“ sagði Kitmitto.
Sendifulltrúi heimastjórnar Palestínumanna
Farið verði eftir
alþjóðasamningum
Sendifulltrúi heimastjórnar Palestínu-
manna á Íslandi er í einkaerindum hér-
lendis um þessar mundir. Kitmitto ræddi
ástandið í heimalandi sínu á blaðamanna-
fundi á Hótel Sögu í gær sem
Hrafnhildur Huld Smáradóttir sótti.
Omar Sabri
Kitmitto
BRESKI þingmaðurinn David
Davis dró í gær til baka framboð
sitt til embættis leiðtoga Íhalds-
flokksins og lýsti yfir stuðningi
sínum við annan frambjóðanda,
Iain Duncan Smith. Þingmenn
flokksins kusu á
fimmtudag milli
þeirra fimm sem
gefið höfðu kost
á sér og lenti
formaður flokks-
ins, Michael
Ancram, í neðsta
sæti og kemur
því ekki lengur
til greina. Fékk
Ancram 17 at-
kvæði en Davis
18. Davis sagði á fréttamannafundi
í gær að ljóst væri að hann gæti
ekki náð hinum frambjóðendunum
þremur og að Duncan Smith væri
sá frambjóðandi sem næstur væri
Davis í hugmyndafræði.
Þeir þrír sem eftir eru í kosn-
ingaslagnum eru Michael Portillo,
sem fékk 50 atkvæði á fimmtudag,
Iain Duncan Smith, sem fékk 42
atkvæði og Kenneth Clarke, sem
fékk 39.
Yfirlýsing Davis er álitin koma
sér illa fyrir Portillo, en Duncan
Smith er, eins og Davis, fulltrúi
hægri arms flokksins og var mikill
stuðningsmaður Margareth Thatc-
her. Talið er að flestir stuðnings-
manna Davis muni greiða Duncan
Smith atkvæði sitt í næstu umferð
kosninganna. Portillo hefur hins
vegar fært sig nær miðjunni og er
talinn fulltrúi frjálslyndari íhalds-
manna. Kenneth Clarke er líklega
vinsælastur þeirra þriggja meðal
almennings, en stuðningur hans
við Evrópusambandið og evrópska
myntbandalagið mun líklega verða
honum fjötur um fót. Duncan
Smith er hins vegar talinn vinsæll
meðal flokksbundinna íhalds-
manna.
Næsta umferð kosninganna fer
fram snemma í næstu viku og
munu þeir tveir sem flest atkvæði
fá halda áfram. Allir flokksbundnir
íhaldsmenn velja á milli þeirra.
Lýsir stuðn-
ingi við Smith
London. AP, AFP.
David Davis dregur sig út úr leiðtoga-
slagnum í breska Íhaldsflokknum
Iain Duncan
Smith
GEIMVÍSINDAMENN í
Arizona í Bandaríkjunum
hafa staðfest að 12 litlir hlutir
sem fyrst sáust fyrir tæplega
ári séu á óreglulegum spor-
brautum um Satúrnus. Aftur
á móti er ekki ljóst hvort
hægt er að kalla þessa hluti
tungl.
Alþjóðlegur hópur vísinda-
manna uppgötvaði þessa
óljósu hluti í september sl.
með því að nota öfluga sjón-
auka og stafrænar myndavél-
ar. Í tímaritinu Nature sl.
fimmtudag var síðan greint
frá annarri athugun sem stað-
festir hina fyrri uppgötvun.
Ef þessir hlutir teljast vera
tungl myndi Satúrnus alls
hafa 30 slík, eða fleiri en
nokkur önnur reikistjarna í
sólkerfinu. Úranus, þriðja
stærsta plánetan í kerfinu,
hefur 21 tungl.
Rob Whiteley, við Háskól-
ann í Arizona, sem var einn
þeirra þriggja stjarnfræðinga
sem staðfestu fyrri uppgötv-
unina, segir að líklega verði
þessir hlutir ekki flokkaðir
sem tungl. Líklegra sé að vís-
indamenn vilji kalla þá
„óreglulega fylgihnetti“.
Tungl
eða hvað?
Tucson. AP.
ERLENT