Morgunblaðið - 25.07.2001, Blaðsíða 6

FRÉTTIR
6 MIÐVIKUDAGUR 25. JÚLÍ 2001 MORGUNBLAÐIÐ
„Þetta eru kjörgripir og það
besta sem við getum fengið þannig
að við erum mjög lukkulegir með
þau. Við þyrftum bara að vera fleiri
og vonandi mun þessi deild stækka
og dafna á komandi árum.“
Karl Steinar Valsson aðstoðar-
yfirlögregluþjónn segir að verið sé
að endurnýja bifhjólaflotann.
„Elsta hjólið í flotanum verður
Harley hjól frá 1992 sem búið er að
uppfæra en svo fáum við afhent Ya-
LÖGREGLAN í Reykjavík fékk í
gær afhent formlega þrjú Harley-
Davidson bifhjól og fór athöfnin
fram í Bílamiðstöð lögreglunnar.
Um er að ræða bifhjól sem eru
1.450 kúbik með 68 hestafla vél, ár-
gerð 2001.
Ákveðið var kaupa eitt stórt bif-
hjól sem hentar betur í langkeyrslu
úti á vegum og vegur það 360 kíló.
Það er með beinni innspýtingu og
kostaði það 2,7 milljónir króna.
Minni hjólin, sem eru tvö, eru hins
vegar 260 kíló að þyngd og kostaði
stykkið 2,4 milljónir króna. Eru þau
hönnuð sem borgarhjól.
Harley-Davidson bifhjól hafa ver-
ið notuð af lögreglunni hér á landi
frá 1940 og hafa þau verið óslitið í
bifhjólaflota lögreglunnar frá þeim
tíma. Eru þeir sem til þekkja sam-
mála um að eiginleikar þeirra séu
ótvíræðir. Þau hafi sannað gildi sitt,
bæði hér heima og erlendis.
„Þetta eru Harley-Davidson „pol-
ice special“ og eru sérhönnuð fyrir
lögregluna en fyrsta lögregluhjólið
frá Harley var framleitt árið 1903,“
segir Agnar Hannesson, for-
stöðumaður Bílamiðstöðvar lög-
reglunnar. Hann segir jafnframt að
nýjustu hjólin séu með öflugra raf-
kerfi og betri öryggisbúnað. Þá sé
hemlakerfið mun betra og enn
fremur séu felgurnar þannig gerð-
ar að hjólbarðarnir fara ekki af þó
svo að það springi á þeim.
Vonar að deildin stækki
Aðalsteinn Aðalsteinsson hefur
verið í bifhjóladeild lögreglunnar
síðastliðin þrjú ár. Honum líst mjög
vel á nýju hjólin.
maha bifhjól eftir nokkrar vikur.
Að sama skapi er eitt Kawasaki hjól
að detta út. Á næsta ári munum við
svo vonandi fá afhent tvö hjól og þá
mun flotinn samanstanda af átta
bifhjólum.“
Öll tæki í notkun um versl-
unarmannahelgina
Hann segir að hjólin muni koma
sér vel og það umferðareftirlit sem
hefur verið í gangi í sumar muni ná
hátindi um verslunarmannahelgina.
„Lögreglan í Reykjavík og lög-
reglustjórarnir á Suðvesturlandi
hafa verið með sameiginlegt um-
ferðareftirlit í sumar. Við sendum
til að mynda menn frá okkur upp á
Holtavörðuheiði eða vestur á Snæ-
fellsnes á ákveðnum dögum. Þetta
umferðareftirlit mun svo ná hátindi
um verslunarmannahelgina þegar
nánast hvert einasta tæki sem við
eigum verður í notkun.“
Þrjú
Harley-
Davidson
bifhjól tek-
in í notkun
Morgunblaðið/SverrirEins og sjá má eru nýju Harley-Davidson bifhjólin einkar glæsileg.
NÝIR strætómiðar leysa smám
saman þá eldri af hólmi nú þeg-
ar Strætó bs., sameinað fyrir-
tæki um almenningssamgöngur
á höfðuborgarsvæðinu, er tekið
til starfa. Strætó bs. hóf göngu
sína 1. júlí síðastliðinn og eru nú
seldir miðar sem gilda í alla
vagna, en eldri miðar sem giltu
áður í strætisvagna einstakra
sveitarfélaga gilda enn og munu
gera það áfram um tíma.
Hörður Gíslason, fjármála-
stjóri Strætó bs., segir að greint
hafi verið frá því að eldri miðar
myndu gilda í það minnsta í tvo
mánuði eftir að byrjað væri að
gefa út nýja miða, það er að
segja til 1. september, en að
ekki væri búið að taka ákvörðun
um hvernig gengið yrði frá mál-
um varðandi eldri miðana.
„Það liggur fyrir að við ætlum
að gera þetta í sátt við við-
skiptavini. Eldri miðarnir eru í
fullu gildi núna og við fylgjumst
með því hvernig skil verða á
þeim.
Þegar hefur dregið verulega
úr notkun þeirra tökum við
ákvörðun um lok gildistíma,“
segir Hörður og bætir því við að
1. september hafi verið nefndur
sem viðmiðunardagsetning, með
það í huga að miðað verði við
hvernig eldri miðarnir skila sér.
Nýir strætómiðar í stað eldri miða
Eldri miðar í
gildi áfram
SAMTÖK uppboðsmarkaða fund-
uðu í gær um verðlagningu á fiski á
fiskmörkuðum í kjölfar þess að ljóst
var að kaupendur hefðu haft samráð
um fiskkaup. Talið er að verðið hafi
lækkað af þeim sökum auk annarra
þátta.
Egill Jón Kristjánsson, fram-
kvæmdastjóri Fiskmarkaðs Horna-
fjarðar, segir að í kjölfar fundarins
hafi verið send út tilkynning til fisk-
kaupenda, þar sem áréttaðar séu
starfsreglur fiskmarkaðanna.
„Við erum með þessu að skerpa
áherzlur í starfseminni og vonandi
verður það til þess að fyrirbyggja að
samráð verði til þess að lækka
verð,“ segir hann.
Í tilkynningunni til fiskkaupenda
eru nefndar eftirfarandi meginregl-
ur:
 Kaupandi skal lyfta því númera-
spjaldi sem sýnir númer tilboðs-
gjafa í viðkomandi boði. Ef viðkom-
andi tilboðsgjafi á hæsta boð í fisk,
verður stæðan seld á framangreint
spjaldnúmer.
 Ef fiskmarkaður býður í fisk fyrir
hönd kaupanda skal starfsmaður
fiskmarkaðs lyfta spjaldi með við-
komandi kaupandanúmeri. Upp-
boðshaldari býður ekki í sjálfur.
 Ef einn kaupandi kaupir fyrir
annan tilboðsgjafa skal kaupandinn
skila inn til Íslandsmarkaðar skrif-
legu umboði tilboðsgjafans.
 Uppboðshaldara Íslandsmarkað-
ar er ekki heimilt að bjóða í fisk.
 Að öllu jöfnu munu fiskmarkaðir
innan SUM ekki færa stæður á milli
kaupenda nema um rangar skrán-
ingar eða leiðréttingar sé að ræða.
Hver kaupandi með
númer og bankaábyrgð
Uppboð á fiski fer þannig fram að
boðið er upp í gegnum tölvukerfi og
getur kaupandi á hvaða fiskmarkaði
sem er á landinu boðið í fisk hvar
sem er. Þannig geta aðilar á Dalvík
og Hornafirði boðið í fisk í Sand-
gerði og svo framvegis.
Fiskur á uppboði er flokkaður á
ýmsan hátt fyrir uppboð, eftir teg-
undum, eftir stærð, eftir því hve
langt er síðan hann veiddist og fleiri
þáttum. Hverjum flokki er raðað í
kör í stæður og hver stæða boðin
upp í einu. Sá sem hæst býður, fær
stæðuna, eða það magn úr henni
sem honum hentar. Taki hann ekki
alla stæðuna, er það sem eftir er
boðið upp næst og síðan koll af kolli.
Samráð mögulegt
Allir kaupendur á fiskmörkuðun-
um hafa sitt fasta númer og hverju
númeri þarf að fylgja bankaábyrgð
fyrir kaupunum. Ekki má kaupa
fyrir hærra verð en bankaábyrgðin
tekur til. Þegar boðið er í fiskinn er
það gert þannig að uppboðshaldari
byrjar að þylja upp verð og fer það
hækkandi. Kaupendur halda uppi
spjöldum með númerum sínum og
eftir því sem verðið hækkar hætta
kaupendur þátttöku með því að láta
spjöldin síga. Sá sem heldur sínu
spjaldi lengst á lofti, hreppir fiskinn
á því verði sem nefnt var um leið og
næst síðasta spjaldið féll. Venjulega
eru margir um hituna á mörkuðun-
um og samráð nánast útilokað. Í
einhverjum tilfellum gera menn
hins vegar með sér samkomulag um
að einhver einn aðili sjái um inn-
kaup fyrir fleiri. Það getur gerzt
þannig að viðkomandi er með núm-
erslaust spjald, en þegar hann fær
fiskinn réttir hann upp spjald með
númeri hins eiginlega kaupanda. Sé
ætlunin að hafa samráð, er einnig
hægt að setja nógu háa ábyrgð á
eitt spjald, þannig að sá sem býður
geti keypt mikið af fiski í einu.
Kaupin eru þá skráð á númer hans
og síðan deilir hann fiskinum út til
samstarfsmanna sinna með tilheyr-
andi afreikningum, en einnig er
mögulegt að fiskmarkaður hafi fært
stæður á milli númera að loknu upp-
boði.
Ekki liggur fyrir hvort samráð
eða samvinna af þessu tagi er lögleg
eða ekki, en dæmi eru um það á er-
lendum mörkuðum að kaupendur
vinni þannig og kaupi einnig fyrir
aðra en sjálfa sig. Fiskistofa er nú
að kanna þetta mál í samráði við
Sjávarútvegsráðuneytið og er nið-
urstöðu að vænta fljótlega.
Fulltrúar Samtaka uppboðsmarkaða ræddu verðlagsmál
Samráð verði ekki
til að lækka verð
Morgunblaðið/Kristinn
Fiskurinn kældur á Faxamarkaði.