Morgunblaðið - 25.07.2001, Qupperneq 10

FRÉTTIR
10 MIÐVIKUDAGUR 25. JÚLÍ 2001 MORGUNBLAÐIÐ
„VIÐ erum mjög ánægð með lífið
þessa dagana, það byrjaði vel í
Haffjarðará í vor, en svo dofnaði
yfir veiðinni, enda hrapaði vatns-
hæðin í ánni og það rigndi ekkert
að gagni fyrr en í síðustu viku og
þegar það kom þá gerði það ánni
gott. Síðan hefur verið fín veiði og
önnur vætuspá framundan. Það
voru komnir milli 250 og 260 laxar
á land í gærkvöldi og það sem ég
frétti í morgun var frábært, stang-
irnar með allt að 11 laxa fyrir há-
degi,“ sagði Einar Sigfússon, einn
eigenda Haffjarðarár, í samtali við
Morgunblaðið í gærdag.
Stærðin hefur verið blönduð í
ánni til þessa og talsvert af vænum
fiski, en hlutur smálaxa hefur þó
aukist síðustu daga.
Nýja tískan í fluguheiminum,
keilutúpurnar, eða keilukollarnir,
hefur verið að gefa talsvert. Einn
aðalboðberi þeirra og hnýtinga-
meistari, doktor Jónas Jónasson,
lenti í skemmtilegum málum í
Norðurá fyrir fáum dögum ásamt
félaga sínum, Þórarni Ólafssyni.
Hluti frásagnar hans, er varðar
keilukollana, er svohljóðandi: „Eft-
ir hádegi héldum við áfram. Ég
byrjaði í Neðri-Ferjuhyl, setti á lít-
inn Colly Dog nr. 14 og byrjaði að
„strippa“. Eftir smátíma fékk ég
töku en missti hann eftir skamma
viðureign. Síðan reyndi ég margar
flugur, Frances, „Hitch“ og fleira,
en ekkert gerðist. Ég hef sennilega
verið búinn að vera á annan
klukkutíma í hylnum. Þá datt mér í
hug að setja á rauða Frances-keilu
með stærsta hausinn. Ég kastaði
upp í móti og lét sökkva vel og
byrjaði þá að strippa hratt. Í öðru
kasti var hann á. Ég landaði hon-
um og sá að hann var þræltekinn.
Ég kastaði aftur og aftur var hann
á. Þarna hafði ég tekið tvo laxa í
beit en var áður búinn að veiða í
hylnum á annan klukkutíma. Síðan
gerðist ekkert meir. Ég hitti svo
Þórarin og hann var búinn að taka
einn á Frances-míkrókeilu í Poka.
Við héldum svo áfram og fyrir
kvöldið fékk ég svo þann þriðja á
Frances-keilu í Poka. Sá þaut á
keiluna í miklum straumi. Sann-
arlega skemmtilegur dagur í Norð-
urá.“
Jónas bætti við að sér virtist að
margir væru að prófa keilurnar,
m.a. barón einn að nafni Westen-
holz, sem fékk keilur í boxi frá Jón-
asi á Netinu og hringdi svo í hann
ofan úr Laxá í Leirársveit og pant-
aði fleiri. Jónas sagði að það hefði
aldrei hent sig fyrr að fá flugu-
pöntun frá manni sem hringdi úr
GSM-síma á sama tíma og hann
þreytti lax. Það hefði líka komið
manninum í bobba, því á meðan
hann blaðraði í símann, fór laxinn
fyrir stein og festi línuna. Það
fylgdi þó ekki sögunni hvort laxinn
náði að slíta eða ekki, því baróninn
varð að skella á.
Fjörleg byrjun í
Reykjadalsá
Fyrstu fjórir veiðidagarnir í
Reykjadalsá í Reykjadal voru mjög
svo líflegir. 15 löxum var landað og
sleppt aftur samkvæmt nýjum
reglum í ánni. Þetta voru mest
tveggja ára fiskar, allt að 14 pund
og settu menn í og misstu annað
eins af fiski. Pálmi Gunnarsson,
leigutaki árinnar, sagði þessa byrj-
un gleðiefni, en hann gerði sér þó
engar grillur um framhaldið, því
áin hefði verið í öldudal síðustu ár,
t.d. veiddust í henni aðeins 35 laxar
allt síðasta sumar.
Mok í Haf-
fjarðará
Einn af löxum doktor Jónasar úr Neðri Ferjuhyl. Keilan liggur á kinn
bráðarinnar.
ERU
ÞEIR AÐ
FÁ’ANN?
AFSAGNARBRÉF Árna Johnsen
sem þingmanns hafði ekki borist for-
seta Alþingis, Halldóri Blöndal, í
gær en í stuttu samtali við Morg-
unblaðið sagði Árni að hann ætlaði
sér að skila bréfinu persónulega á
næstunni. Árni sagðist ennfremur
hafa skilað Ríkisendurskoðun í gær-
morgun öllum umbeðnum bókhalds-
gögnum sem hann hafði undir hönd-
um. Stofnunin hefur þar með fengið
öll gögn vegna rannsóknar sinnar á
umsýslustörfum þingmannsins frá-
farandi.
Árni hafði í sinni vörslu bókhald
vegna framkvæmda við endurgerð
Bröttuhlíðarbæjar á Grænlandi, sem
var vígður í fyrra. Auk gagna frá
Árna sjálfum hefur Ríkisendurskoð-
un fengið afhent gögn frá forsætis-
ráðuneyti, menntamálaráðuneyti,
Framkvæmdasýslu ríkisins, Þjóð-
leikhúsinu, Ríkisbókhaldi og fleiri
aðilum.
Að sögn Lárusar Ögmundssonar,
skrifstofustjóra hjá Ríkisendurskoð-
un, hefur einnig verið óskað eftir
upplýsingum frá Ístaki. Hann segir
að eftir eigi að koma í ljós hvort kall-
að verði eftir fleiri gögnum. Ríkis-
endurskoðun hafi undir höndum
gögn vegna framkvæmda við Þjóð-
leikhúsið, Stafkirkjuna í Vestmanna-
eyjum, Bröttuhlíðarverkefnið í
Grænlandi og fyrirhugaðan Herj-
ólfsbæ í Eyjum. Þá er embættið
einnig að skoða kaup Árna á hrein-
lætistækjum til eigin nota út á beiðni
frá Ístaki.
Miðað við fámenni hjá embættinu
vegna sumarleyfa segir Lárus að
stefnt sé að því að ljúka rannsókn-
inni í næsta mánuði. Erfitt sé að gera
sér grein fyrir umfanginu að svo
stöddu.
Ríkisendurskoðun komin með um-
beðin gögn í máli Árna Johnsen
Afsagnar-
bréfi skilað
á næstunni
FORSTJÓRI Ístaks, Páll Sigurjóns-
son, neitaði að tjá sig, þegar Morg-
unblaðið hafði samband við hann í
gær til að svara nokkrum spurning-
um um mál Árna Johnsen. Hann
sagðist ekki tjá sig á meðan rann-
sókn færi fram hjá Ríkisendurskoð-
un á málefnum þingmannsins fráfar-
andi. „Málið er í réttum farvegi og
við þurfum ekki að útlista neitt frek-
ar,“ sagði Páll.
Meðal þess sem Páll vildi engu
svara um var, hvort búið væri að
senda reikning til byggingarnefndar
Þjóðleikhússins, vegna þeirra hrein-
lætistækja sem Árni keypti út á
beiðni frá Ístaki og hvort fleiri sam-
bærilegar beiðnir hefðu verið í hönd-
um þingmannsins.
Forstjóri
Ístaks svar-
ar engu um
mál Árna
FLAK breska orrustu-
skipsins HMS Hoods,
sem sökk á Grænlands-
sundi í seinni heimsstyrj-
öldinni, fannst á 3000
metra dýpi á mánudag.
Leiðangur á vegum
bresku sjónvarpsstöðv-
arinnar Channel 4 hefur
leitað að flakinu og er
fundurinn nú árangur
sex ára vinnu og skipu-
lagningar. Leiðang-
ursmenn voru að vonum
ánægðir þegar ljóst var
að flakið var fundið.
HMS Hood var eitt helsta stolt
breska flotans. Það var þýska her-
skipið Bismarck sem sökkti því á
Grænlandssundi 24. maí 1941. Með
skipinu fórust 1.415 manns en að-
eins þrír komust lífs af. Af þeim er
einn enn á lífi og í gærmorgun fór
lóðsinn í Vestmanneyjum með hann
ásamt leiðangursmönnum á þann
stað sem flakið fannst. Lagt var af
stað frá Grindavík og er um 25
klukkustunda sigling á staðinn en
áætlað er að lóðsinn komi aftur til
Grindavíkur á fimmtudagskvöld.
Að sögn Robs White, frétta-
manns og þátttakanda í leiðangr-
inum, er flakið í fremur dapurlegu
ástandi. Hann segir að í fyrstu hafi
verið erfitt að greina hvort það
væri af HMS Hood, þar sem málm-
flykkið hefði getað verið af hvaða
skipi sem er. En eftir að hafa séð
tvö lokuð tundurskeytaop á skip-
skrokknum varð ekki um villst að
þetta var HMS Hood.
Flak HMS
Hoods fundið
Stígvél sem einhver skipverjanna hefur átt,
en með HMS Hood fórust 1415 menn.
Stafn HMS Hoods, en 60 ár eru liðin síðan þýska herskipið Bismarck sökkti því á Grænlandssundi.
BIFREIÐ var ekið út af þjóðvegi 87,
svonefndum Kísilvegi, síðdegis á
mánudag. Ökumaður bílsins, kona á
þrítugsaldri, var talsvert kvalin í
baki eftir óhappið og var hún flutt á
Fjórðungssjúkrahúsið á Akureyri.
Konan tjáði lögreglunni á Húsavík
að farsími hennar hefði hringt og
hún þá litið af veginum. Við það fip-
aðist hún við aksturinn og ók bílnum
út af veginum skammt frá bænum
Bláhvammi. Samkvæmt upplýsing-
um frá lögreglunni á Húsavík fór
bíllinn um 110 metra áður en hann
hafnaði í skurði við hlið vegarins. Af
ummerkjum af dæma var bíllinn þá á
lítilli ferð en hann er ekki mikið
skemmdur.
Leit á farsím-
ann og ók út af
♦ ♦ ♦
ÞROSKAÞJÁLFAR, sem
starfa hjá ríki og sjálfseignar-
stofnunum, hafa samþykkt ný-
gerða kjarasamninga.
Þroskaþjálfar hjá ríkinu
samþykktu samninginn sem
undirritaður var hinn 7. júlí sl.
með 69% greiddra atkvæða.
26,4% af þeim sem greiddu at-
kvæði höfnuðu samningnum.
Þroskaþjálfar sem starfa hjá
Styrktarfélagi vangefinna sam-
þykktu kjarasamning milli
Þroskaþjálfarafélags Íslands,
ÞÍ og félagsins sem undirritað-
ur var hinn 9. júlí sl. með
68,75% greiddra atkvæða.
Þroskaþjálfar sem starfa á
Skálatúni samþykktu samning
sem gerður var milli ÞÍ og
Skálatúns með 80% greiddra
atkvæða.
Þroskaþjálfar á Reykjalundi
samþykktu samninginn ein-
róma. Þrír voru á kjörskrá og
greiddu þeir allir atkvæði.
Þroska-
þjálfar sam-
þykkja
samninga