Morgunblaðið - 25.07.2001, Qupperneq 11
FRÉTTIR
MORGUNBLAÐIÐ MIÐVIKUDAGUR 25. JÚLÍ 2001 11
LÍTIL jarðskjálftahrina gekk yfir
Reykjaneshrygg á sunnudagskvöld.
Alls urðu fimm jarðskjálftar, sá
stærsti mældist 3,1 stig á Rich-
terskvarða og hinir tæp 3 stig.
Fyrsti skjálftinn varð klukkan 18:23
og sá síðasti klukkan 22:50.
Á Veðurstofu Íslands fengust þær
upplýsingar að allt hefði verið með
kyrrum kjörum síðan og ekki væri
búist við neinum frekari skjálftum.
Upptök skjálftanna voru um 80 kíló-
metra vestsuðvestur af Reykjanestá.
Svo virðist sem fólk hafi ekki orðið
þeirra vart enda urðu þeir í tölu-
verðri fjarlægð frá mannabyggð.
Jarðskjálfta-
hrina á Reykja-
neshrygg
VEGAGERÐIN hefur nú fengið til-
boð í framkvæmdir á þremur veg-
um sem ráðist verður í bráðlega. Að
sögn Rögnvalds Gunnarssonar, for-
stöðumanns framkvæmdadeildar
Vegagerðarinnar, má reikna með
ákvörðun um hvaða tilboðum verði
tekið innan fjögurra vikna. Um-
dæmin sjá hins vegar sjálf um að
taka þær ákvarðanir.
Í Vesturlandsumdæmi verða
unnar viðgerðir á Snæfellsnesvegi
um Urriðaá og Álftaneshreppsvegi
um Urriðaá. Leggja á tvö stálplötu-
ræsi á steyptum sökklum í Urriðaá
á báðum vegunum. Einnig verður
bráðabirgðavegur um Urriðaá á
Snæfellsvegi lagður auk endurlagn-
ar og styrkingar um 5,3 km veg um
Urriðaá á Álftaneshreppsvegi.
Verklok eru áætluð 1. desember
2001. Hæsta tilboðið í þessar fram-
kvæmdir er frá Vöruflutningum
Leifs Guðjónssonar efh. Borgarnesi
sem býður 33.525.650 kr. en lægsta
tilboðið er frá Oddi Magnússyni í
Grundarfirði sem býður 24.888.900
krónur.
Norðausturvegur um
Svalbarðsá lagfærður
Í Norðurlandsumdæmi eystra
verður ráðist í lagfæringar á Norð-
austurvegi um Svalbarðsá. Verkið
skiptist í tvo áfanga. Í fyrri áfang-
anum er um að ræða styrkingu á
núverandi vegi og lagningu slitlags
um 3,2 km kafla. Þeim hluta er
áætlað að verði lokið fyrir 15. sept-
ember. Í seinni áfanganum er um
að ræða nýbyggingu á 3,5 km
löngum kafla. Áætlað er að verkinu
í heild verði lokið fyrir 15. júlí 2002.
Hæsta tilboðið í þetta verk er frá
Klæðningu ehf. í Kópavogi sem
býður 60.429.700 kr. en lægsta til-
boðið er frá B.J. Vinnuvélum ehf. á
Þórshöfn sem bjóða 49.714.875
krónur.
Vindheimavegur
verður styrktur
Að endingu er það Vindheima-
vegur á Norðurlandi vestra sem
verður styrktur og endurbættur á
5,5 km kafla frá Hringvegi að Vind-
heimamelum. Áætlað er að verklok
verði 15. október 2001. Lægsta til-
boðið í það verk er frá Steypustöð
Skagafjarðar ehf. sem býður
8.042.500 krónur. Hæsta tilboðið
hljóðar upp á 10.396.600 kr. og er
frá G. Hjálmarssyni á Akureyri.
Tilboð í vegarkafla í þremur umdæmum
Munur á tilboðum
2-10 milljónir króna
KRISTÍN Aðalsteinsdóttir varði
doktorsritgerð sína við Háskólann í
Bristol, Englandi, 25. janúar sl.
Leiðbeinandi
hennar var pró-
fessor Jim G.
Kyle. Andmæl-
endur voru Dr.
Phil Bayliss, Uni-
versity of Exeter
og Dr. Roger
Garrett, Univer-
sity of Bristol.
Doktorsritgerðin
ber heitið: Small
Schools, Interaction and Empathy:
A Study of Teachers’ Behaviour and
Practices, with Emphasis on Effects
on Children with Special Needs.
Ritgerðin byggist á rannsókn þar
sem leitast er við að skýra einkenni
og stöðu fámennra skóla og hvers
vegna kennarar í slíkum skólum
geta átt auðveldara með að mæta
þörfum nemenda, sérstaklega þeirra
nemenda sem eiga í erfiðleikum.
Rannsóknin leiddi m.a. í ljós að það
virðist ekki vera stærð bekkja eða
skóla sem ræður hvernig sam-
skiptum kennara við nemendur í
kennslustofunni er háttað. Ein mik-
ilvægasta niðurstaða rannsókn-
arinnar sýndi að tengsl voru á milli
ákveðinna þátta í fari kennara og
samskipta þeirra við nemendur, sem
og skilnings þeirra á eigin hegðun og
úrræðum í kennslustofunni.
Kristín hlaut styrki til námsins frá
Rannsóknasjóði Háskólans á Ak-
ureyri, Rannsóknarsjóði Atlants-
hafsbandalagsins, Byggðastofnun,
Sjóði Odds Ólafssonar og Barna-
heill.
Kristín lauk kennaraprófi frá
Kennaraskóla Íslands 1966 og
stundaði framhaldsnám í sér-
kennslufræðum við sama skóla 1971-
1972. Árið 1976 lauk hún sérkenn-
araprófi frá Statens Spesiallærer-
högskole í Osló og aðalfagi í
sérkennslufræðum frá sama skóla
árið 1983. Árið 1988 lauk Kristín
meistaranámi í kennslufræðum frá
Háskólanum í Bristol.
Kristín er fædd 8. maí 1946 í
Kelduhverfi, N-Þingeyjarsýslu. Hún
er dóttir Áslaugar Jónsdóttur og
Aðalsteins Gíslasonar. Eiginmaður
Kristínar er Hallgrímur Indriðason,
skógræktarfræðingur. Þau eiga þrjú
börn, Berglind, Aðalstein og
Tryggva. Kristín er lektor við Há-
skólann á Akureyri. Síðasta skólaár
hefur hún verið í rannsóknarleyfi í
Kanada.
Fólk
Doktor í
kennslu-
fræðum
Kristín
Aðalsteinsdóttir
ÞÓRÐUR H. Ólafsson, skrifstofu-
stjóri í umhverfisráðuneytinu, segir
að 15 starfsmenn Náttúrufræði-
stofnunar Íslands muni flytja af
annarri hæð núverandi húsnæðis
stofnunarinnar við Hlemm á þriðju
hæð hússins og muni það gerast fyr-
ir 1. nóvember n.k.
Í Morgunblaðinu nýlega sagði
Ævar Petersen, forstöðumaður
Reykjavíkurseturs NÍ, að leigu-
samningi vegna leigu á annarri hæð
hússins hefði verið sagt upp en enn
hefði ekkert gerst hjá umhverfis-
ráðuneytinu við leysa þau mál en
samningurinn rennur út 1. nóvem-
ber.
Þórður segir jafnframt að þriðja
hæð hússins sé 500 fermetrar og
hafa þeir verið illa nýttir að hans
sögn. „Þetta eru fullboðlegar skrif-
stofur en það þarf að standsetja
hæðina, þ.e. að mála og laga gólf-
efni, áður en stofnunin flytur inn.“
Hann segir enn fremur að hús-
næðið sé að mörgu leyti óhentugt,
þá einkum fyrir hreyfihamlaða, og
finna þurfi framtíðarhúsnæði fyrir
stofnunina, en Náttúrufræðistofnun
hefur verið í bráðabirgðahúsnæði í
rúma fimm áratugi.
„Við stóðum frammi fyrir því að
eigandi húsnæðis á annarri hæðinni
vildi selja og við hefðum getað keypt
hæðina en okkur fannst ekki fýsi-
legt að vera að binda meira fjár-
magn í þessu húsnæði þar sem við
teljum að þessi lausn sé ásættanleg
sem bráðabirgðalausn, það að end-
urnýja skrifstofuhúsnæðið. Þetta er
hugsað til að byrja með í þrjú ár og
notum við þann tíma til að finna
stofnuninni hentugt framtíðarhús-
næði.“
Þá segir Þórður að ráðgert sé að
leigja geymsluhúsnæði fyrir vís-
indasöfnin. Hann segir að alls starfi
um 50 manns hjá Náttúrufræði-
stofnun Íslands og 15 starfsmenn
verði á þriðju hæðinni, þar sem mót-
taka verður, en hinir 35 verði á
fjórðu og fimmtu hæð hússins.
Náttúrufræðistofnun Íslands
Húsnæðismál leyst
til bráðabirgða
SKEMMTIFERÐASKIPIÐ Amst-
erdam frá Rotterdam, lagðist að
bryggju í Sundahöfn snemma á
mánudagsmorgun. Með skipinu
komu um 2000 manns, um 1400
farþegar og 600 manna áhöfn.
Farþegarnir nutu skoðunarferða í
gærdag en skipið lagði úr höfn á
ný í gærkvöldi og sigldi þá til
Akureyrar. Amsterdam er gríð-
arstórt skip, 238 metra langt og
60.874 tonn, og er það aftur
væntanlegt til landsins í lok
ágúst.
Morgunblaðið/Billi
Gríðarstórt skemmti-
ferðaskip í Sundahöfn
♦ ♦ ♦
14 MANNS á níu mótorhjólum
eru nú á ferð hringinn í kringum
landið og ætla Smaladrengirnir,
en svo kallast félagsskapurinn,
sér að vera eina viku í ferðinni.
Páll Magnússon, einn Smala-
drengjanna, segir að félagsmenn
séu á öllum aldri og nokkrir
meira að segja komnir á sjötugs-
aldurinn.
„Við lögðum af stað frá Varma-
hlíð sl. sunnudag og höfum verið
heppin með veður fram að
þessu,“ sagði Páll þegar haft var
samband við hann í Ólafsvík á
mánudag.
Flestir ferðalanganna eru frá
Siglufirði en einnig eru félagar
frá Hofsósi, Dalvík og Ólafsfirði.
Svo slóst bensínsalinn í Shell í
Borgarnesi óvænt í hópinn.
„Smaladrengirnir er hópur sem
var stofnaður í fyrra og formað-
ur er Sigurður Friðriksson frá
Siglufirði. Hann byrjaði á þessu
fyrir þremur árum og það smit-
aði út frá sér og fleiri fóru að
hjóla þarna fyrir norðan. Ég bý á
Hofsósi og þeir litu oft til mín.
Það hefur lengi blundað í mér
áhugi fyrir því að fá mér hjól og
ég sló til,“ sagði Páll.
Mannskapurinn er á úrvals-
hjólum. Þarna er mest af Honda;
tvö Honda Shadow 1100, ein
Honda Valkyrja og tvær Honda
Goldwing, sem Páll segir alveg
meiriháttar ökutæki. Þarna er
líka splunkunýr Harley Davidson,
einn Kawasaki og ein minni
Honda. „Við förum nú bara ró-
lega yfir. Margir eru á milli þrí-
tugs og fertugs og þar yfir og
jafnvel á sjötugsaldri. Það sem
við fáum út úr þessu er að njóta
náttúrunnar. Þetta er mun frjáls-
legra en að ferðast í bíl og við
finnum meira fyrir náttúrunni.
Við erum í leðri og finnum ekki
fyrir veðrinu.“
Hópurinn áði yfir nótt á
Hvanneyri aðfaranótt þriðjudags-
ins, þar sem Páll skildi við hóp-
inn vegna anna í vinnu, og eru
ferðalangar með tjöld og við-
legubúnað með sér. Ráðgert er
að ljúka hringferðinni í byrjun
næstu viku.
Smaladrengirnir á
Honda og Harley
Morgunblaðið/Thedór
Smaladrengirnir áðu í Borgarnesi og ætla hringinn á einni viku.