Morgunblaðið - 25.07.2001, Page 13

AKUREYRI
MORGUNBLAÐIÐ MIÐVIKUDAGUR 25. JÚLÍ 2001 13
SAMEIGINLEG æfing slökkvilið-
anna á Dalvík, í Ólafsfirði og Hrísey
fór fram nýlega. Um það bil 40 menn
tóku þátt í æfingunni undir stjórn
Guðmundar Bergssonar og Bern-
hards Jóhannessonar frá Bruna-
málastofnun ríkisins.
Æfingin fór þannig fram að fyrst
var gamla íbúðarhúsið á Skáldalæk í
Svarfaðardal fyllt af gervireyk og
reykköfun æfð. Síðan var húsið reyk-
ræst og kveikt í á nokkrum stöðum
inni í því og menn æfðu sig í að
slökkva eldana. Og að lokum var
kveikt í húsinu og allt brennt sem
brunnið gat.
Bernhard Jóhannesson segir að
þeir Guðmundur heimsæktu öll
slökkvilið á landinu árlega til að
kynna nýjungar og að svara ýmsum
spurningum sem upp kunna að
koma. Um síðustu áramót var lögum
breytt á þann hátt að allar varnir
gegn eiturefnum og meðhöndlun
þeirra var færð á hendi slökkvilið-
anna.
Bernhard sagði að þessum breyt-
ingum fylgdi gríðarlegur kostnaður
og væri enn eitt dæmið um að ríkið
væri að auka álögur á sveitarfélögin.
Nær hefði verið að slökkviliðin sæju
um klippur þær sem notaðar eru til
að klippa bíla ef þeir lenda í óhöpp-
um, þar sem sveitarfélögin þurfa
hvort eð er að eiga slíkar klippur.
Auk þess þyrfti að kenna slökkviliðs-
mönnum meðhöndlun eiturefna og
það kostaði tíma, fé og fyrirhöfn. Þeir
Guðmundur og Bernhard voru með
tvo stóra bíla, annan til að æfa reyk-
köfun og hinn til að æfa meðhöndlun
eiturefna. Hins vegar sagði Bern-
hard að það hefði verið mjög gott að
fá Skáldalæk til æfinga, þar sem allar
aðstæður væru mun líkari því sem
gerðist í raunverulegum eldsvoða.
Þarna gæfist líka gott tækifæri til
að efla samvinnu milli slökkviliðanna
á svæðinu, ef sú staða kæmi upp að
þau þyrftu að vinna saman. Þarna
væru líka nokkrir nýliðar sem voru
að fá sína fyrstu þjálfun í reykköfun
og gott fyrir þá að kynnast aðstæð-
um sem þessum.
Morgunblaðið/Helgi Jónsson
Skáldalækur logar hér stafna á milli en skýringin er sameiginleg æfing
hjá slökkviliðum í Ólafsfirði, Dalvíkurbyggð og Hrísey.
Sameiginleg æfing slökkviliða í utanverðum Eyjafirði
Reykköfun og eldsvoði
Ólafsfjörður
ÞAU Ingibjörg Guðlaugsdóttir, sem
ættuð er úr sveitinni, og Þorsteinn
Gauti Sigurðsson, sem oftar hefur
glatt eyru Mývetninga, léku á veg-
um Sumartónleika við Mývatn í
Reykjahlíðarkirkju á laugardags-
kvöldið. Þar fluttu þau verk fyrir
básúnu og píanó m.a. eftir Gustav
Mahler og Georg Telemann við
ágætar undirtektir tónleikagesta.
Aðsókn að sumartónleikum er góð
og ferðafólk yfirleitt í meirihluta.
Morgunblaðið/BFH
Þorsteinn Gauti Sveinsson og
Ingibjörg Guðlaugsdóttir.
Blásið í bás-
únu í Reykja-
hlíðarkirkju
Mývatnssveit
ÞEIR hittust á dögunum við reyk-
húsið í Vindbelg tveir aldnir bændur
og höfðu um margt að spjalla, þeir
Jón Aðalsteinsson bóndi, í Vindbelg,
og Ragnar Guðmundsson, bóndi á
Nýhóli á Hólsfjöllum. Báðir eru þeir
vanir reykingum Jón hefur reykt sil-
ung frá blautu barnsbeini og gerir
enn, en Ragnar reykti sitt Hólsfjalla-
hangikjöt til skamms tíma þótt nú sé
hann hættur því. Að sjálfsögðu
reyktu þeir við tað. Jón í Belg sækir
enn silung í Mývatn, reykir hann og
selur beint til vegfarenda.
Morgunblaðið/BFH
Aldnir reyk-
ingamenn
á spjalli
Mývatnssveit