Morgunblaðið - 25.07.2001, Blaðsíða 15

SUÐURNES
MORGUNBLAÐIÐ MIÐVIKUDAGUR 25. JÚLÍ 2001 15
Kr.699.000
XV535DX
BÆJARSTJÓRI Reykjanesbæjar,
Ellert Eiríksson, bauð nýjan yfir-
mann varnarliðsins á Keflavíkurflug-
velli, John J. Waickwicz flotaforingja,
formlega velkominn til starfa í gær.
Waickwicz mun starfa hér á landi
næstu tvö ár en hann tekur við af
David Architzel flotaforingja. Efnt
var til móttöku í bæjarstjórnarskrif-
stofunum við Tjarnargötu en tilefnið
var einnig heimsókn Christopher
Cole, yfirmanns Waickwicz í Norfolk,
til Íslands. Meðal annarra sem voru
viðstaddir voru Mark H. Anthony,
höfuðsmaður hjá varnarliðinu, og eig-
inkonur yfirmannanna þriggja.
Bæjarstjóri bauð gestina velkomna
og reifaði í megindráttum dagskrána,
sem var með óformlegum hætti. Ætl-
unin var að karlmennirnir færu í sjó-
ferð með dráttarbátnum Auðuni en
lagt var út frá smábátahöfninni í Gróf.
Sagði Ellert að til stæði að matreiða
aflann við heimkomuna en bætti við á
léttari nótum að veiddist ekkert yrði
heldur enginn hádegismatur. Á með-
an yfirmennirnir fóru á sjóinn fóru
eiginkonur bandarísku yfirmannanna
í skoðunarferð um Thorkeli-svæði,
Stekkjarkot, Njarðvíkurbæ auk þess
sem þær komu við á heimili Höllu
Haraldsdóttur listakonu.
Eitt af sex þéttbýlissvæðum á
Suðurnesjunum
Christopher Cole sagði tilgang
heimsóknarinnar til Íslands vera tví-
þættan. Í fyrsta lagi væri hann að
kanna hvernig ólíkum verkefnum
miðaði í herstöðinni og bjóða fram að-
stoð sína. Christopher hefur yfirum-
sjón með nokkrum herstöðvum við
Atlantshaf og þar á meðal með her-
stöðinni í Keflavík. Hins vegar sagði
hann að tilgangurinn væri að hitta
bæjarstjórann og kynnast landi og
þjóð. Þetta er önnur heimsókn hans
til Íslands en með í för nú er eigin-
kona hans, Kathy Cole.
Ellert bæjarstjóri lagði áherslu á
að samfélag bandarískra hermanna
væri eitt af sex þéttbýlissvæðum á
Suðurnesjunum og nauðsynlegt væri
að efla tengsl við varnarliðið líkt og
við önnur svæði. Hann sagði markmið
fundarins vera að kynnast nýjum yf-
irmönnum, sem væri nauðsynlegt
vegna tengsla bæjarins við varnarlið-
ið.
John J. Waickwicz, nýr yfirmaður
varnarliðsins, sagði af þessu tilefni að
hann vildi gjarnan sjá menningar-
tengsl varnarliðsins og Íslendinga
aukast enn frekar. Hann sagði nauð-
synlegt að samfélag varnarliðsins
yrði enn opnara út á við. Waickwicz
sagði samskipti þjóðanna byggjast á
gömlum merg sem væri mun eldri en
varnarsamningur ríkjanna. Nauðsyn-
legt væri að stuðla að frekari og bætt-
ari samskiptum þannig að menn litu á
byggð á Suðurnesjum sem eina heild-
stæða byggð.
Að lokinni sjóferð yfirmanna hers-
ins og bæjarstjóra og skoðunarferð
eiginkvenna þeirra lá leiðin að Sæ-
fiskasafninu í Höfnum. Hádegisverð-
ur var snæddur á Sæfiskasafninu og
að því búnu var haldið í skoðunarferð
út á Reykjanes þar sem ýmsir áhuga-
verðir staðir voru skoðaðir.
Bæjarstjóri tekur á móti yfirmönnum varnarliðsins
Nauðsynlegt að efla
menningartengslin
Morgunblaðið/Billi
Christopher Cole, yfirmaður hins nýja flotaforingja, Ellert Eiríksson
bæjarstjóri og John J. Waickwicz, nýr flotaforingi varnarliðsins.
Reykjanesbær
RÚTUFYRIRTÆKIÐ Þingvallaleið
ehf. hefur verið með fastar áætl-
anaferðir til Grindavíkur síðan
1969. Guðlaug Þórarinsdóttir á og
rekur fyrirtækið ásamt fjölskyldu
sinni en auk Grindavíkurleið-
arinnar eru fastar áætlanaferðir til
Þingvalla. Þá tekur fyrirtækið að
sér hópferðir með ferðamenn. Guð-
laug, sem er á 76. aldursári, hefur
starfað við rútuakstur hjá fyrirtæk-
inu en hefur minnkað þá vinnu jafnt
og þétt undanfarin ár. Hún grípur
þó enn í stýrið af og til og ekur þá
meðal annars leiðina til Grindavík-
ur.
Tvær áætlunarferðir eru daglega
til Grindavíkur á vegum Þingvalla-
leiðar en komið er við í Bláa lóninu
á leiðinni. Að auki eru farnar tvær
ferðir gagngert í Bláa lónið. Guð-
laug segir mikla aukningu í straumi
ferðamanna þangað. Flestir ferða-
menn vilja staldra við í lóninu en
Þingvallaleið býður líka upp á þann
möguleika að aka ferðamönnum
beint þaðan og út á Keflavík-
urflugvöll ef fólk vill baða sig í lón-
inu áður en það heldur utan.
Held í stýrið meðan
ég hef heilsu til
Ingvar Sigurðsson, eiginmaður
Guðlaugar, stofnaði Þingvallaleið
árið 1960 og hefur Guðlaug starfað
við fyrirtækið allan þann tíma eða í
rúm 40 ár. Fyrirtækið hefur aðsetur
í Skógarhlíð í Reykjavík. Hún segist
ekki hafa séð fyrir sér á sínum yngri
árum að hún ætti eftir að keyra rútu
enda þá á kafi í húsmóðurhlutverk-
inu og barnauppeldi. Eftir að Ing-
var andaðist tók Guðlaug við rekstr-
inum og rekur nú fyrirtækið ásamt
fjölskyldu sinni sem fyrr segir. Sex
bílar eru hjá fyrirtækinu.
Guðlaug segir að fólki hafi í
fyrstu þótt undarlegt að sjá konu
undir stýri á rútu. Hins vegar séu
allir löngu hættir að kippa sér upp
við slíkt.
„Þetta þótti ægilega furðulegt
fyrst þegar ég fór að keyra. En það
tekur enginn eftir því lengur,“ segir
Guðlaug.
Hún segist ekki lengur heyra efa-
semdaraddir um að kvenmenn valdi
ekki starfinu. Konur séu búnar að
ryðja sér til rúms í öllum mögu-
legum stéttum og þar er rútuakstur
engin undantekning. Hún segir lítið
mál að aka rútu og auðveldara nú
en áður. Bæði séu bílarnir léttari í
stýri og vegir mun betri.
Þegar talið berst að rekstri rútu-
fyrirtækja segir Guðlaug að sam-
dráttur í rekstri fyrirtækjanna
einkennist fyrst og fremst af því
að fleiri aðilar séu á markaðnum
heldur en þörf sé á. Ferðamönnum
hafi á hinn bóginn fjölgað en það
dugi ekki til og því sé nýtingin á bíl-
unum ekki eins og best verður á
kosið. Guðlaug segist sjálf munu
halda rekstrinum ótrauð áfram.
„Ef það er þörf á því að ég haldi í
stýrið geri ég það meðan ég hef
heilsu til þess. Þó er ég að draga
saman seglin. Ég hef nóg annað að
gera líka,“ segir Guðlaug.
Morgunblaðið/Billi
Þingvallaleið rekur sex sérleyfis- og hópferðabifreiðir.
Sérleyfishafi til Grindavíkur og víðar
grípur enn í stýrið á 76. aldursári
Hefur starfað við
rútuakstur í 40 ár
Grindavík
VEGAXLIR Reykjanesbrautar
voru breikkaðar á síðasta ári í þeim
tilgangi að ökumenn gætu greitt fyr-
ir umferð með því að víkja út á axl-
irnar og hleypt bílum sem hraðar
fara fram úr. Einnig til þess að koma
biluðum bílum út af veginum.
Fram kom hjá lögreglunni í Kefla-
vík í blaðinu í gær að nokkuð vantaði
upp á að ástand vegaxlanna væri
nægilega gott til að hægt væri að
nota þær eins og gert væri ráð fyrir.
Sérstaklega var tekið fram að hættu-
legt gæti verið fyrir þunga bíla að
víkja út á þær því þeir spændu grjóti
upp úr bundna laginu og yfir bíla
sem á eftir kæmu.
Hilmar Finnsson, deildarstjóri í
Reykjanesumdæmi Vegagerðarinn-
ar, kannaðist ekki við slæmt ástand
slitlagsins. Sagði þó hugsanlegt að
einstaka kaflar gætu verið lausir í
sér fyrst eftir að búið væri að gera
við þá. Hann sagði að vegaxlirnar
ættu að þola akstur flutningabíla og
fólksflutningabíla. Hilmar sagði að
vegaxlirnar væru með svokallaðri
klæðningu. Stefnt væri að notkun
malbiks við svona miklar umferðar-
æðar en það væri miklu dýrara.
Hilmar sagði að vegaxlirnar væru
öryggissvæði, til þess gerðar að öku-
menn gætu vikið og hleypt bílum
sem hraðar fara fram úr sér og til
þess að koma biluðum bílum út úr
umferðinni. En því miður væru veg-
axlirnar ekki mikið notaðar. Menn
kynnu ekki að nota þær og væru
kannski hræddir við að aka út á þær.
Undir þetta tók Sigurður Helga-
son, upplýsingafulltrúi Umferðar-
ráðs. Hann sagði mikilvægt að öku-
menn sem færu hægar en
meginstraumur umferðarinnar ættu
kost á að víkja til að greiða fyrir um-
ferðinni. Ef menn gerðu það almennt
myndi streitan sem oft fylgdi
löngum bílalestum hugsanlega
minnka. Hann sagðist hvetja öku-
menn til að nota vegaxlirnar skyn-
samlega og alls ekki til þess að reyna
framúrakstur öfugu megin eins og
dæmi eru um.
Vegagerðin telur að vegaxlirnar þoli alla bíla
Hægfara ökumenn geta
greitt fyrir umferð
Reykjanesbraut
Nýr kjarasamningur Starfs-
mannafélags Suðurnesja við
Hitaveitu Suðurnesja hf. var
samþykktur á kynningarfundi
með félagsmönnum á mánudag.
Að sögn Ragnars Arnar Pét-
urssonar, formanns Starfs-
mannafélags Suðurnesja,
greiddu 62 prósent þeirra sem
samningurinn nær til atkvæði
um hann. 90,2 prósent fundar-
gesta samþykktu samninginn,
4,9 prósent sögðu nei og 4,9
prósent skiluðu auðu.
Eins og Morgunblaðið hefur
greint frá felur samningurinn
meðal annars í sér að stór hluti
af eftirvinnu færist í grunn-
laun. Samningurinn gildir til 1.
nóvember 2004.
9 af 10 sam-
þykkja nýj-
an samning
Suðurnes