Morgunblaðið - 25.07.2001, Side 16

LANDIÐ
16 MIÐVIKUDAGUR 25. JÚLÍ 2001 MORGUNBLAÐIÐ
SAMBAND sunnlenskra kvenna
afhenti 20. júlí sl. í hófi á Selfossi
viðurkenningar fyrir snyrtilegustu
garðyrkjustöðvarnar í Árnessýslu.
Voru afhent nú í 19. skipti verðlaun
sem kennd eru við minningarsjóð
Rögnu Sigurðardóttur frá Kjarri í
Ölfusi. Svæði SSK nær yfir Árnes-
og Rangárvallasýslur og er afhent
annað hvert ár í hverri sýslu. Skipt
er í flokka heimilisgarða, matjurta-
garða, opinberra stofnana og nú
var röðin komin að garðyrkjustöðv-
um.
Ólafía Ingólfsdóttir, formaður
SSK, afhenti viðurkenningar og
hrepptu fjórar garðyrkjustöðvar
heiðurinn nú.
Áslaug Sverrisdóttir og Sveinn
Sæland reka garðyrkjustöðina
Espiflöt í Biskupstungum og
stunda blómarækt. Mest er um af-
skorin blóm og er um 70% af sölu
blandaðir blómvendir. Framleiðsla
er undir ljósum allt árið og eru um
10 starfsmenn. Ragnar Kristinn
Kristjánsson og kona hans Mildrid
Irene Steinberg tóku á móti við-
urkenningu fyrir fyrirtækið Flúða-
sveppi. Þar er sem kunnugt er
svepparækt í stórum stíl og eru um
5000 m² undir þaki. Framleiðslan
er um 9 til 10 tonn af sveppum á
viku. Nýjung eru svokallaðir kast-
alíusveppir sem eru brúnir á lit.
Einnig er seld gróðurmold í pokum.
Á Kjarri í Ölfusi reka Helga
Ragna Pálsdóttir og Helgi Egg-
ertsson garðplöntustöð ásamt
kunnu hrossaræktarbúi. Er þar að-
allega trjárækt, tré og runnar á
þremur hekturum lands. Selt er
birki, ösp, greni og reyniviður upp í
þriggja metra háar plöntur. Loks
voru verðlaunuð Helga Karlsdóttir
og Guðjón Birgisson, garðyrkju-
stöðinni Melum á Flúðum. Voru
þau einna fyrst hérlendis til að
rækta tómata undir lýsingu. Einnig
eru um 8 ha. úti, þar sem blómkál
og kínakál er undirstaðan í ræktun.
Að lokinni afhendingu verðlauna
var kaffisamsæti í Selinu, húsa-
kynnum SSK á Selfossi.
Samband sunnlenskra kvenna veitir viðurkenningar
Snyrtilegar garðyrkjustöðvar
Morgunblaðið/Valdimar Guðjónsson
Verðlaunahafar fyrir snyrtilegustu garðyrkjubýlin í Árnessýslu ásamt
forystukonum í Sambandi sunnlenskra kvenna.
Gaulverjabær
SKÓGRÆKTARFÉLAG Vestur-
Húnvetninga festi í sumar kaup á
plastlagningarvél, en slíkur búnað-
ur flýtir mjög fyrir ræktun skjól-
belta.
Vélin er íslensk smíð, frá Mar-
teini Gunnarssyni á Hálsi í Köldu-
kinn og kostar um 400.000 krónur.
Samið var við bónda um að ann-
ast rekstur vélarinnar. Vélin nýtist
best þannig, að það land sem planta
skal í er forunnið, herfað eða tætt
með jarðtætara og áburði blandað í
beðið. Vélin leggur plastdúk yfir
beðið og veltir með hjólabúnaði
jarðvegi upp á jaðra dúksins. Síðan
er plöntunum stungið í gegn um
dúkinn og beðið eftir árangrinum.
Dúkurinn hefur tvíþættan tilgang,
að halda niðri öðrum gróðri í beð-
inu og einnig að raki verður jafnari
undir honum. Dúkurinn eyðist á
nokkrum árum.
Nú þegar er búið að leggja yfir
talsvert af skjólbeltabeðum í hér-
aðinu, m.a. fyrir hestamannafélagið
Þyt og einnig bændur í Miðfirði og
í Vatnsdal. Þykir þetta framtak
skógræktarfélagsins ágætt og mun
auðvelda skógræktarfólki að koma
upp skjólbeltum, sem oft er for-
senda fyrir góðum árangri í ræktun
trjáa.
Þá hefur Skógrææktarfélag V-
Húnavatnssýslu á liðnum árum lát-
ið tjáplöntur ókeypis til áhuga-
samra aðila, bæði félaga og ein-
staklinga, að uppfylltum ákveðnum
skilyrðum um gróðurlönd og að-
gengi almennings. Formaður skóg-
ræktarfélagsins er Þorvaldur Böðv-
arsson.
Flýtt fyrir skóg-
rækt með vél
Morgunblaðið/Karl Sigurgeirsson
Fyrsta verkefni vélarinnar var lagning dúks fyrir Hestamannafélagið Þyt
í Kirkjuhvammi. Frá v. Ólöf Sigurbjartsdóttir og Þorvaldur Böðvarsson
frá Skógræktarfélaginu, Ingólfur Sveinsson, rekstraraðili vélarinnar og
Guðmundur Sigurðsson frá Þyt. Plastlagningarvélin í baksýn.
Hvammstangi
ÖKULEIKNIN var haldin á Húsa-
vík fyrir skömmu. Góð þátttaka var
að venju hjá börnum og unglingum
en þeir fullorðnu voru eitthvað
feimnir við þetta. Dagskráin byrj-
aði á því að Einar Guðmundsson,
forvarnarfulltrúi Sjóvár-Almennra,
hélt námskeið fyrir um 70 nem-
endur vinnuskólans á Húsavík.
Um kvöldið hófst ökuleiknin á
planinu við sundlaugina og tóku
alls 63 þátt í keppni. Byrjað var á
reiðhjólakeppninni og þar tóku
þátt 27 keppendur. Keppnin var
hörð að venju en að lokum stóð
uppi sem sigurvegari í eldri flokkn-
um Jón Hafsteinn Jóhannsson með
48 stig. Í yngri flokknum sigraði
Daníel Þór Sveinsson með 54 stig.
Í gokart-keppninni voru 28 kepp-
endur, 21 í karlariðlinum en 7 í
kvennariðlinum. Hart var barist
um efstu sætin og fór svo að lokum
að í karlariðlinum stóðu þeir uppi
sem sigurvegarar, Björgvin Frið-
bjarnarson og Leifur Þór Her-
mannsson, jafnir með 35 stig.
Keppnin í kvennariðlinum var
einnig jöfn og þar voru þær Anita
Rut Guðjónsdóttir og Jóna Dag-
mar Hólmfríðardóttir jafnar og
sigruðu með 43 stig.
Ökuleikninni var einnig skipt í
karla- og kvennariðla og voru karl-
arnir 6 en konurnar 2. Í kvenna-
riðlinum voru það þær frænkur
Unnur Mjöll Hafliðadóttir og Jó-
hanna Svava Sigurðardóttir sem
kepptu og hafði Unnur Mjöll sigur
með 189 stig en Jóhanna Svava var
með 204 stig. Í karlariðlinum börð-
ust um sigur flutningabílstjórarnir
hjá Alla Geira, þeir Vilhjálmur Sig-
mundsson og Ástþór Stefánsson.
Vilhjálmur hafði betur og sigraði í
keppninni með 89 stig, Ástþór varð
annar með 110 stig og þriðji varð
Sigtryggur Brynjarsson með 128
stig. Keppendur kepptu á WW
Bora bifreið sem Hekla hf. lánar til
keppninnar, Sjóvá-Almennar og
Bindindisfélag ökumanna halda
keppnina í samstarfi við Umferð-
arráð, Rás 2, Flytjanda, Skeljung
og Heklu.
Ökuleikni BFÖ og Sjóvá-Almennra á Húsavík
Vilhjálmur sigraði örugglega
Húsavík
NÝIR eigendur hafa tekið við
rekstri kaffihússins Narfeyrarstofu í
Stykkishólmi. Það eru hjónin Stein-
unn Helgadóttir og Sæþór Þor-
bergsson sem eru fædd og uppalin í
Hólminum. Kaffihúsið var opnað
fyrir um ári síðan og er til húsa í
Narfeyrarhúsi við hlið gömlu kirkj-
unnar.
Miklar endurbætur voru þá gerð-
ar á húsinu þegar veitingarekstur
var hafinn. Á efri hæð hússins er
íbúð, en nýir eigendur ætla sér að
opna þangað upp og stækka veit-
ingasalinn. Lögð verður áfram
áhersla á rekstur kaffihúss, en auk
þess verður boðið upp á einfalda
rétti þar sem sjávarafurðir úr
Breiðafirði verða mikið notaðar í
matargerðina. Sæþór er hagvanur í
eldhúsinu því hann er kokkur að
mennt og hefur starfað mikið á hót-
elinu í Stykkishólmi.
Þau líta björtum augum til fram-
tíðar og ætla sér að bjóða upp á góða
þjónustu í vinalegu umhverfi á Narf-
eyrarstofu. Narfeyrarstofa verður
opin daglega í sumar frá kl. 11 til 24
og um helgar til kl. 3 að nóttu.
Í miðbænum í Stykkishólmi eru
starfræktir 3 veitingastaðir svo það
ætti ekki vera vandkvæðum bundið
fyrir bæjarbúa sem ferðamenn að
fara út að borða eða fá sér kaffi.
Nýir eigendur
að Narfeyrarstofu
Morgunblaðið/Gunnlaugur Árnason
Sæþór Þorbergsson og Steinunn
Helgadóttir hafa tekið við
rekstri Narfeyrarstofu, sem er
til húsa í gömlu húsi í miðbæ
Stykkishólms.
Stykkishólmur
HÉRAÐSBÓKASAFN Rangæinga
hefur nú verið opnað aftur eftir við-
gerðir vegna skemmda sem urðu í
jarðskjálftunum sl. sumar. Safnið,
sem hefur nú verið lokað í einn og
hálfan mánuð, hefur allt verið
málað, skipt um hillur, ljósabún-
aður endurnýjaður, loftræstikerfi
hreinsað, gert við sprungur og m.fl.
Að sögn Gunnhildar Eddu Krist-
jánsdóttur bókavarðar urðu miklar
skemmdir á safninu í jarðskjálft-
unum. Límtrésbitar í lofti safnsins
skemmdust og ljósabúnaður lask-
aðist. Einnig komu talsverðar
sprungur í veggi safnsins. Bókahill-
ur lögðust á hliðina og bækur
hrundu þúsundum saman úr hill-
um, m.a. vegna þess að ekki var um
að ræða hillur sem eru hannaðar
fyrir bókasöfn. Gunnhildur segir
það mikið lán að enginn var á safn-
inu þegar ósköpin dundu yfir, þar
hefði getað orðið stórslys. Hún seg-
ir að það skipti miklu máli að vera
með hillur sem eru sérstaklega
hannaðar fyrir bókasöfn því að úr
þeim hrynji bækur miklu síður auk
þess sem það sé þægilegra í alla
staði.
Að sögn Gunnhildar er starfsemi
safnsins í stöðugum vexti. Tölvur
safnsins eru mikið notaðar, sér-
staklega af útlendingum sem búa á
svæðinu. Nú stendur til að taka
þátt í sameiginlegu landskerfi
bókasafna og verður vonandi af því
mikil hagræðing því þá verða bæk-
ur flokkaðar og skráðar á einum
stað þannig að fullt samræmi verð-
ur í skráningum en auk þess er af
þessu mikill vinnusparnaður.
Safnið er opið alla virka daga á
vetrum en í sumar er safnið opið
mánudaga, þriðjudaga og miðviku-
daga.
Héraðsbókasafn
Rangæinga opnað
eftir viðgerðir
Hvolsvöllur
SÖGUBÓK landmótunar Íslands er
óvíða svo læsileg sem í Mývatns-
sveit. Á þessari mynd eru næst
gjóskulög nær því 3000 ára frá þeim
tíma er Hverfell (Hverfjall) mynd-
aðist í miklu öskugosi. Fjær á mynd-
inni ber Krummaskarðsmisgengið
við loft en þar er einna stystur þjóð-
vegur frá Evrópuflekanum til vinstri
yfir á Ameríkuflekann til hægri á
myndinni, samkvæmt landrekskenn-
ingunni sem kennd er við Þjóðverja,
Alfred Wegener að nafni, og almennt
er nú viðurkennd af jarðvísinda-
mönnum. Fyrstu landreksmælingar
á Íslandi voru framkvæmdar af
landsmönnum Wegeners 1938 ein-
mitt á þessu slóðum.
Morgunblaðið/BFH
Gósenland
jarðsögunnar
Mývatnssveit