Morgunblaðið - 25.07.2001, Page 18

VIÐSKIPTI
18 MIÐVIKUDAGUR 25. JÚLÍ 2001 MORGUNBLAÐIÐ
þúsund fermetrar. Fyrirtækin voru
í upphafi um 90 en eru nú 170 tals-
ins. Kringlan hefur því stækkað og
þróast mikið á þessum 14 árum. Ár-
ið 1996 tókum við yfir Borgarkringl-
una og höfum rekið hana síðan sem
hluta af Kringlunni. Tengibyggingin
milli húsanna, sem er 12.500 fer-
metrar, var byggð 1999. Í tengslum
við stækkunina voru Borgarleikhús-
ið og Kringlan tengd saman auk
þess sem byggður var nýr leiksalur
og húsnæði fyrir Borgarbókasafn,
sem hvort tveggja verður tekið í
notkun í vetur. Undanfarin þrjú ár
hafa einnig verið gerðar miklar
breytingar á eldri hlutum Kringl-
unnar. Ennfremur hefur nýlega ver-
ið gert mikið átak í að breyta versl-
unum í húsinu og framhliðum er
snúa að göngugötum.
Allar þessar breytingar miða að
því að viðskiptavinunum líði sem
best í Kringlunni. Kringlan lítur allt
öðruvísi út í dag en hún gerði fyrir
fimm árum. Breytingarnar hafa
vakið mikla athygli erlendis og í vor
fengum við Evrópuverðlaun fyrir
tengibygginguna í samkeppni al-
þjóðasamtaka verslanamiðstöðva.
Við erum mjög stolt af þessum verð-
launum og þau eru staðfesting fag-
manna á að Kringlan sé á réttri
leið.“
Er alltaf jafnmikil aðsókn að
Kringlunni?
„Aðsókn að Kringlunni hefur ver-
ið að aukast allt frá upphafi. Í fyrra
var metár í aðsókn en þá komu
hérna 5,5 milljónir viðskiptavina.
Það samsvarar því að hver íbúi höf-
uðborgarsvæðisins komi hér 2,5
sinnum í mánuði. Þetta er hlutfall
sem kollegar erlendis öfunda okkur
af. Í könnunum okkar segjast um
10% viðskiptavina koma fjórum
sinnum eða oftar í Kringluna á viku.
Kringlan er því dagvöruverslun fyr-
ir mjög stóran hóp fólks.“
Nú er talað um að Kringlan sé að
verða stórt hátískuhús. Á hvað legg-
ið þið áherslu við verslanasamsetn-
ingu?
„Frá upphafi höfum við haft það
sem okkar markmið að allt landið sé
markaðssvæði Kringlunnar. Við
höfum þjónað þörfum sem flestra og
haft það að leiðarljósi að hér sé sem
mest breidd í vöruúrvali, tegundum
fyrirtækja og verðlagi. Kringlan er
langt frá því að vera dýrt tískuhús,
heldur þvert á móti. Hér eru nokkr-
ar búðir sem selja alþjóðlegar
merkjavörur á verði sem er mjög
gott miðað við það sem gerist er-
lendis. Hér eru einnig góðar versl-
anir sem leggja áherslu á lágt vöru-
verð eins og t.d. Dressmann,
ÖkonomiSko, BT, Tiger og fleiri.
Stærsti hluti allra verslana í Kringl-
unni býður upp á vandað vöruval á
verði sem stenst hvaða samanburð
sem er. Með þessari breidd reynum
við að höfða til sem flestra.“
Nú eykst samkeppni mikið í kjöl-
far opnunar Smáralindar. Hvaða
áhrif hefur það á Kringluna?
„Það er auðvitað ljóst að það verð-
ur mikil „traffík“ hjá þeim fyrstu
dagana sem mun vitaskuld hafa
tímabundin áhrif í Kringlunni. Fólk
er jú forvitið. Ég reikna hinsvegar
með að áhrifin verði skammvinn og
að Kringlan muni halda núverandi
sessi að mestu og að jólatíð okkar
verði hvað aðsókn varðar svipuð og
fyrir undanfarin jól.
Það er vitaskuld nokkur uggur
meðal verslunarmanna því miðað
við markaðsaðstæður er ljóst að nú
um stundir er ekki þörf á öllu því
verslunarhúsnæði sem verður í boði
sem sést m.a. best á því að enn eru
mörg þúsund fermetrar óleigðir í
Smáralind, þótt einungis séu nokkr-
ar vikur í opnun. Einhver samþjöpp-
un og umbrot hljóta að verða á
markaðnum. Kringlan hefur hins
vegar alltaf átt í samkeppni en
styrkur hennar felst í góðri stað-
setningu, greiðri aðkomu, fjöl-
breyttu verslunarúrvali, þjónustu
og aðlaðandi umhverfi. Með þessi
spil á hendi hefur Kringlan öll tök á
að standa sig í samkeppni við
Smáralind. Ég tel að við munum
halda okkar hlut á markaðnum.“
Hvað er á döfinni núna hjá Kringl-
unni? Er eitthvað nýtt að gerast?
„Við erum alltaf að sækja fram.
Nú í haust áformum við að opna
barnaland, glæsilega aðstöðu sem
auka mun ánægju fjölskyldunnar af
heimsókn í Kringluna. Hjá borgar-
yfirvöldum er jafnframt til meðferð-
ar tillaga um að byggja hæð ofan á
og viðbyggingu við suðurhluta
Kringlunnar. Hún mun verða rúm-
lega 3.000 fermetrar og er ætlunin
að þar verði líkamsræktarstöð. Slík
starfsemi fer vel saman við versl-
unarstarfsemina. Í bestu verslunar-
miðstöðvum erlendis er reynt að
blanda saman verslun, menningu,
afþreyingu og fleiru. Einnig er á
teikniborðinu frekari uppbygging á
Kringlusvæðinu sem fyrirtækin í
hverfinu vinna saman að. Þá verða
nú í haust miklar breytingar á suð-
urhluta hússins, en ekki er hægt að
greina frá þeim að svo stöddu. Þó
má nefna að BT-tölvur eru að færa
sig upp á þriðju hæð og ætla að opna
þar verslun sem verður margfalt
stærri en sú sem BT-tölvur hafa
núna á fyrstu hæð.“
Nú er Kringlan komin á ferming-
araldur. Hefur hún breyst mikið frá
byggingu eða er hún barn síns tíma?
„Kringlan er síung og hefur
þróast í takt við tíðarandann. Þegar
húsið var opnað 1987 var það tæpir
30 þúsund fermetrar en er nú 54
Líkams-
ræktarstöð í
Kringlunni
Margir velta því fyrir sér hvað verður um
Kringluna þegar enn stærri verslanamið-
stöð verður opnuð í haust. Eyrún
Magnúsdóttir ræddi málin við Einar I.
Halldórsson, framkvæmdastjóra Rekstr-
arfélags Kringlunnar.
Morgunblaðið/Ásdís
Einar I. Halldórsson segir ljóst að það verður mikið um að vera í Smáralind
fyrstu dagana sem muni hafa tímabundin áhrif í Kringlunni.
Íhuga mál-
sókn á hendur
SAS vegna
ólöglegs verð-
samráðs
DÖNSKU neytendasamtökin og
nokkur dönsk fyrirtæki íhuga nú að
höfða mál á hendur SAS flugfélaginu
vegna taps sem þau telja sig hafa
orðið fyrir vegna verðsamráðs SAS
og Maersk flugfélagsins. Evrópu-
sambandið dæmdi félögin í síðustu
viku til að greiða um 4,6 milljarða ísl.
króna í sekt vegna ólöglegs verðsam-
ráðs á flugleiðinni milli Kaupmanna-
hafnar og Stokkhólms en upphæð
sektarinnar miðast við áætlaðan
ágóða félaganna af samningnum.
Nokkur stærstu fyrirtæki Dan-
merkur, þeirra á meðal stórversl-
anakeðjan FDB, Garli Gry, Schul-
stad og Alm. Brand reka saman
fyrirtækið Danish Travel Pool og
hyggjast beita því fyrir sig í fyrir-
hugaðri málsókn. Þá hefur fjöldi ein-
staklinga og minni fyrirtækja snúið
sér til dönsku neytendasamtakanna
og lýst sig reiðubúinn að hefja mál-
sókn á hendur SAS. Samstarf SAS
og Maersk leiddi m.a. til þess að það
síðarnefnda dró sig út úr samkeppn-
inni á flugleiðinni milli Kaupmanna-
hafnar og Stokkhólms, sem varð til
þess að verðið rauk upp.
Fyrirtækin hafa viðurkennt að um
ólöglegt samráð hafi verið að ræða
en ekki hefur verið gripið til neinna
aðgerða gagnvart þeim starfsmönn-
um sem gerðu samninginn. Hefur
það vakið mikla reiði í Danmörku,
þar sem SAS er í ríkiseign og því
telja þingmenn að stjórn SAS og
samgönguráðherrann verði að svara
fyrir þetta.
Dómur ESB kveður ennfremur á
um að SAS má ekki gefa bónus-
punkta fyrir flug á leiðinni. Hefur
það orðið til þess að nýtt flugfélag,
Sun-Air, hyggst hefja flug milli
borganna tveggja og telur aðaleig-
andi þess, Niels Sundberg, sig geta
boðið 40% lægra verð en SAS.
Kaupmannahöfn. Morgunblaðið.
Reuters
segir upp
1.100
manns
London, AFP
BRESKA frétta- og upplýsingafyr-
irtækið Reuters undirbýr nú upp-
sagnir 1.100 starfsmanna í sparnað-
arskyni. Fyrirtækið birti
milliuppgjör sitt í gær og tilkynnti
um leið um uppsagnirnar. Hagnaður
Reuters fyrir skatta á fyrstu sex
mánuðum ársins er mun minni en á
sama tímabili á síðasta ári, nam 385
milljónum dala á fyrri helmingi síð-
asta árs en 320 milljónum dala á
fyrstu sex mánuðum þessa árs.
Hagnaður hefur því dregist saman
um 17% á þessum tíma.
Uppsagnirnar koma í kjölfar
kostnaðarniðurskurðar fyrirtækis-
ins en Reuters áformar að skera nið-
ur um 215 milljónir dala, eða sem
nemur tæpum 22 milljörðum ís-
lenskra króna. Talið er að starfsfólki
um allan heim verði sagt upp en alls
starfa um 18.000 manns hjá Reuters.
Ætlunin er að flytja starfsemi fyr-
irtækisins í auknum mæli inn á Netið
og eru uppsagnirnar hluti af því ferli.
Nýr forstjóri tók við í gær
Tom Glocer, nýr forstjóri Reuters,
tók við starfinu af Peter Job í gær.
Glocer er fyrsti Bandaríkjamaðurinn
til að stýra Reuters en hann hefur
starfað við hlið núverandi forstjóra
síðan í desember á síðasta ári og tek-
ið virkan þátt í stjórn fyrirtækisins
síðan þá. Uppsagnir rúmlega 5 pró-
sent starfsliðs verða því með fyrstu
verkum Glocers sem forstjóra en að
hans sögn eru þær óhjákvæmilegar.
FIRST UNION, sem er næststærsti
eigandi Landsbankans á eftir ríkis-
sjóði, með 4,25% hlut, á nú í harðri
baráttu við SunTrust um yfirtöku á
Wachovia, en allt eru þetta banda-
rískir bankar. Forsagan er sú að
stjórnendur First Union og Wach-
ovia höfðu náð samkomulagi um yf-
irtökuna, en þá ákvað SunTrust að
koma í veg fyrir hana og reyna sjálft
að taka Wachovia yfir. Átök bank-
anna hafa bæði farið fram með mál-
flutningi í dómsölum og auglýsing-
um á síðum dagblaða og í sjónvarpi.
Talið er að þau muni samanlagt hafa
kostað bankana þrjá um 100 millj-
ónir Bandaríkjadala áður en yfir lýk-
ur. Auglýsingunum er beint að hlut-
höfum Wachovia bankans, sem
greiða munu atkvæði 3. ágúst næst-
komandi, en hluthafahópurinn er
blandaður, bæði stofnanafjárfestar
og smærri fjárfestar.
Líklegt talið að
First Union hafi betur
Í maí þegar SunTrust gerði tilboð
sitt í Wachovia var það 17% hærra
en tilboð First Union. Síðan hefur
gengi SunTrust lækkað og þar með
dregið saman með tilboðum fyrir-
tækjanna. Í upphafi vikunnar var til-
boð SunTrust þó enn um 6% hærra
en tilboð First Union, en þrátt fyrir
það segir dagblaðið The Wall Street
Journal ólíklegt að SunTrust takist
að sannfæra hluthafa Wachovia um
ágæti tilboðsins. Ein af ástæðum
þessa mun vera sú að fyrirtæki sem
sérhæfir sig í að veita hluthöfum ráð-
gjöf í slíkum efnum, Institutional
Shareholder Services, hefur mælt
með tilboði First Union. Ráðgjafa-
fyrirtækið telur að 6% hærri upphæð
í hlutabréfum, sem séu háð sveiflum,
vegi ekki upp þá hagkvæmni sem fel-
ist í samruna Wachovia og First
Union.
First Union er stærstur þessara
þriggja banka, með rúmlega 34 millj-
arða dala markaðsvirði miðað við
gengi hlutabréfa hans í gær. Næstur
kemur SunTrust með um 20 millj-
arða dala markaðsvirði og loks
Wachovia, sem er rúmlega 14 millj-
arða dala virði.
Næststærsti eigandi
Landsbanka Íslands í átökum
First Union
reynir að kaupa
Wachovia
♦ ♦ ♦