Morgunblaðið - 04.09.2001, Qupperneq 4

FRÉTTIR
4 ÞRIÐJUDAGUR 4. SEPTEMBER 2001 MORGUNBLAÐIÐ

 

 
   
 
 
   


VW Passat Turbo 1.8 besín
f.skrd. 19.04.2000, ekinn 15 þ.
km., silfur, 4 dyra, bsk 17" álfelg-
ur, leður sóllúga, tölvukubbur,
abt, ca 193 hö. Verð 2.480.000.
HAFIN er vinna við undirbúning
að hreinsun olíunnar úr El Grillo
sem liggur á botni Seyðisfjarðar.
Norska fyrirtækið RUE annast
verkið.
Köfunarskip fyrirtækisins,
Risöy, liggur við festar við flak El
Grillo umgirt flotgirðingu.
Sautján kafarar vinna á vöktum
við verkefnið, tíu Norðmenn, fjór-
ir Svíar og þrír Íslendingar. Kaf-
ararnir hafa undanfarið verið að
bora göt á tanka skipsins til að
kanna hvar olíu sé helst að finna í
flakinu. Þegar lokið verður við að
staðsetja olíuna verða leiðslur
tengdar og olíunni dælt úr tönk-
unum.
Morgunblaðið/Pétur Kristjánsson
Dæling úr El Grillo
undirbúin á Seyðisfirði
HÁSKÓLI Íslands auglýsti um
helgina laust til umsóknar starf pró-
fessors í arkitektúr við skólann.
Auglýst er að verkefni prófessors í
arkitektúr verði meðal annars fólgin
í undirbúningi og umsjón með
kennslu og rannsóknum í arkitekt-
úr.
Magnús Diðrik Baldursson, að-
stoðarmaður háskólarektors, segir
að saga þessa máls nái langt aftur.
„Innan háskólans hefur það lengi
verið til umræðu að taka upp
kennslu í arkitektúr. Árið 1998 setti
háskólarektor á laggirnar starfshóp,
sem hafði það hlutverk með höndum
að gera úttekt á möguleikum þess
að koma þessu í framkvæmd. Í febr-
úar 1999 skilaði hópurinn af sér
skýrslu, þar sem farið var yfir mál-
ið, þörfin fyrir kennslu í arkitektúr
var metin, og rök með og á móti
skoðuð, auk þess var metin fjárþörf,
húsnæðisþörf, gerð voru drög að
námskrá og fleira. Niðurstaða
starfshópsins var eindregið með því
að háskólinn tæki upp kennslu í
arkitektúr.“ Magnús Diðrik segir að
í framhaldi af þessari niðurstöðu
hafi háskólaráð ályktað, og ritað er-
indi til menntamálaráðuneytisins,
þar sem óskað var eftir heimild til
þess að háskólinn gæti hafið
kennslu í arkitektúr, en um hverja
nýja námsgrein við skólann er sam-
ið sérstaklega við ráðuneytið.
Magnús Diðrik segir að erindi há-
skólaráðs hafi verið ítrekað nokkr-
um sinnum, án niðurstöðu.
Skilyrði um samvinnu
Um svipað leyti og skýrsla starfs-
hópsins leit dagsins ljós var
Listaháskólinn kominn af stað, og
var þá líka með áætlanir um að
hefja nám í arkitektúr. „Það var svo
ekki fyrr en í vor að ráðuneytið skar
úr um málið. Báðum skólunum var
tilkynnt að ráðuneytið myndi heim-
ila og greiða fyrir þetta nám, en
skilyrði væri að skólarnir kæmu sér
saman um þetta. Þetta er dýrt nám,
og skiljanlegt að ráðuneytið væri
ekki tilbúið til að greiða fyrir það á
tveimur stöðum – og í rauninni ekk-
ert vit í því.“ Magnús Diðrik segir
að viðræður séu hafnar um það
hvernig að samvinnu skólanna verði
staðið. Báðir skólarnir hafa tilnefnt
fulltrúa í viðræðunefnd eða sam-
ráðshóp sem hefur þegar hist einu
sinni. Magnús Diðrik segir að sam-
ráðshópurinn muni skila tillögum
um hvernig að verkaskiptingu og
samvinnu skólanna verður staðið og
málið sé statt hjá þeim hópi núna.
Gert er ráð fyrir að kennsla í arki-
tektúr hefjist á vegum Háskóla Ís-
lands og Listaháskóla Íslands
haustið 2002.
Háskólanám í arkitektúr hefst á Íslandi
Samstarf Há-
skóla Íslands og
Listaháskóla
ÚRSKURÐUR Héraðsdóms
Reykjaness, sem kveðinn var upp sl.
föstudag um að faðir 9 ára gamals
drengs skuli afhenda hann móður-
inni sem býr í Frakklandi, var í gær
kærður til Hæstaréttar. Drengurinn
hefur búið hjá móður sinni í Frakk-
landi en dvalið hjá föður sínum í leyf-
um, nú síðast í sumar, og hefur hann
óskað eftir því að fá að vera hjá föður
sínum á Íslandi. Skv. úrskurði hér-
aðsdóms ber föðurnum að afhenda
drenginn innan sjö daga, að öðrum
kosti getur móðirin farið fram á að-
fararaðgerð með aðstoð lögreglu.
Foreldrar drengsins skildu og
kvað franskur dómstóll á um að
drengurinn skyldi búa hjá móður
sinni og hafa fastan umgengnisrétt
við föður sinn. Drengurinn kom til
föður síns í byrjun júlí en átti að fara
aftur til móður sinnar 31. júlí. Við því
var ekki orðið og var mál þá höfðað
fyrir Héraðsdómi Reykjaness. Ósk-
aði drengurinn eindregið eftir því við
dómara að fá að vera áfram hjá föður
sínum.
Dómurinn kvað hins vegar upp
þann úrskurð, með vísan til alþjóð-
legra sáttmála sem Ísland er aðili að,
að föðurnum bæri að afhenda dreng-
inn innan sjö daga, þ.e. í síðasta lagi
næstkomandi föstudag.
,,Niðurstaða héraðsdóms er á því
byggð að Haag-samningurinn og
Evrópusamningurinn eru í gildi og
dæmt er á grundvelli Evrópusamn-
ingsins. Samkvæmt honum ber Ís-
landi að leggja niðurstöðu franska
dómstólsins til grundvallar og fram-
fylgja dómnum hér á landi. Það eru
hins vegar heimildir í þeim samn-
ingi, rétt eins og í Haag-samningn-
um, fyrir íslenska ríkið til þess að
synja um afhendingu ef sérstök
sjónarmið mæla með því,“ sagði
Hörður Felix Harðarson, lögmaður
drengsins.
,,Við höldum því fram að þar komi
meðal annars til skoðunar svona
sterkur og einbeittur vilji barns sem
hefur þroska til þess að segja til um
það sjálft hvar það vill búa og eins ef
rökstudd hætta er á því að hagsmun-
um barnsins sé jafnvel stefnt í voða
með afhendingu.“
Hörður segir ekki fara á milli
mála að það sé eindreginn vilji
drengsins að vera áfram hjá föður
sínum.
Úrskurður héraðsdóms í deilu foreldra
vegna 9 ára drengs kærður til Hæstaréttar
Vill vera áfram hjá
föður sínum á Íslandi
ALLS seldust 112 bifreiðir, tengi-
vagnar og fellihýsi á laugardag
þegar nauðungarsala á bifreiðum
fór fram á vegum Sýslumannsins í
Reykjavík. Þetta eru jafnmargar
bifreiðir og seldust á uppboði í lok
júní en heildarsöluverðmæti var þó
meira á laugardag eða 60 milljónir
og 125 þúsund krónur. Í júní var
verðmætið 51 milljón 980 þúsund
krónur. Viku fyrir uppboðið voru
ríflega 1.500 bifreiðir og tæki aug-
lýst til nauðungarsölu í fjölmiðlum.
Úlfar Lúðvíksson, deildarstjóri
fullnustudeildar sýslumannsemb-
ættisins í Reykjavík, segist telja að
aldrei hafi verið selt fyrir jafnháa
fjárhæð á nauðungarsölu á lausa-
fjármunum. Þá segir hann að skýr-
ingar sé líklega að leita í því að bíl-
arnir á uppboðinu á laugardag hafi
almennt verið nýrri og dýrari en á
uppboðinu í júní.
Nauðungarsölum á bifreiðum
fjölgaði úr 514 í 669 milli áranna
1999 og 2000 hjá sýslumanninum í
Reykjavík, eða um 30%. Áfram-
haldandi fjölgun hefur verið á bíla-
uppboðum hjá embættinu á þessu
ári og nemur hún 21%. Frá janúar
til júní í fyrra voru seldir 355 bílar
og tæki en 430 á sama tímabili á
þessu ári. Árið 2000 var selt fyrir
rúmar 299 milljónir króna á lausa-
fjáruppboðum, þ.e. bifreiðir, tæki,
reiðhjól o.fl.
112 bílar seldir á nauðungarsölu
Heildarsöluverðmæti
aldrei verið meira
RÖSKLEGA 48% landsmanna
voru á faraldsfæti um verslunar-
mannahelgina samkvæmt könnun
Þjóðarpúls Gallup. Tæplega 52%
nutu helgarinnar heima við.
Hæst hlutfall yngri aldurshóp-
anna var í þeim hlutanum sem
ferðaðist um helgina. Þeir sem búa
á höfuðborgarsvæðinu fóru frekar í
ferðalög en þeir sem búa á lands-
byggðinni og þeir tekjulægstu fóru
síður í ferð en aðrir hópar.
Tæplega 11% þeirra sem lögðu
land undir fót héldu á kántríhátíð á
Skagaströnd. Aðrir sóttu Eldborg-
arhátíðina, fóru til Eyja, Akureyr-
ar eða ferðuðust um hálendið og
var hlutfall þessara hópa á bilinu
5–9%.
Verslunarmannahelgin
Rúmlega
48% voru á
faraldsfæti
JARÐSKJÁLFTA varð vart í vest-
anverðum Mýrdalsjökli í svonefndri
Goðabungu síðdegis á sunnudag.
Samkvæmt upplýsingum jarð-
skjálftadeildar Veðurstofunnar var
skjálftinn 2,6 stig á Richterkvarða að
stærð. Ekki hefur orðið vart frekari
jarðhræringa svo heitið geti, en
brennisteinsfýla verið af ám að und-
anförnu, sem mun ekki óalgengt á
þessu svæði.
Jarðskjálfti í
vestanverðum
Mýrdalsjökli
♦ ♦ ♦
RANNSÓKNARSTOFNUN Land-
spítala – háskólasjúkrahúss tók
formlega til starfa nú 1. september.
Fimm rannsóknarstofur falla undir
skipulag hennar. Þær eru blóð-
meinafræðideild, meinefnafræði-
deild, ónæmisfræðideild, sýklafræði-
deild og veirufræðideild.
Ólafur Steingrímsson dósent, sér-
fræðingur á sýklafræðideild og fyrr-
verandi yfirlæknir hennar, hefur
verið valinn til að gegna næstu þrjú
ár starfi sviðsstjóra á Rannsóknar-
stofnun Landspítala – háskóla-
sjúkrahúss. Ólafur hefur verið for-
stöðumaður Rannsóknarstofnunar
Landspítalans en henni tilheyrðu
blóð-, meinefna-, ónæmis-, sýkla- og
veirufræðideildir. Stjórnskipulag
Rannsóknarstofnunar LSH verður
með svipuðum hætti og sviðsstjórnir
klínískra sviða. Það sem skilur rekst-
ur Rannsóknarstofnunar LSH frá
rekstri annarra klínískra sviða er
helst það, að tekjur hennar ákvarð-
ast að verulegu leyti af gjaldskrá
sem gildir frá 1. september um þjón-
ustuna.
Forstjóri ræður yfirlækna í sam-
ráði við framkvæmdastjóra lækn-
inga og sviðsstjóra til þess að stýra
einstökum deildum. Yfirlæknar bera
ábyrgð á rekstri deilda sinna gagn-
vart sviðsstjóra. Við stofnunina
starfar einnig rekstrarstjóri sem
stýrir meðal annars skrifstofu Rann-
sóknarstofnunar LSH. Gert er ráð
fyrir rekstrarstjórn sem í sitja, auk
sviðsstjóra, yfirlæknar deilda og
rekstrarstjóri. Hlutverk hennar er
að skipuleggja heildarstarfsemi
Rannsóknarstofnunar LSH.
Rannsóknarstofnun
LSH tekur til starfa