Morgunblaðið - 06.09.2001, Síða 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 6. SEPTEMBER 2001 VERÐ Í LAUSASÖLU 190 KR. MEÐ VSK.
TÖLUVERT hefur borið á því að
undanförnu að nýtt brunabótamat
valdi fólki áhyggjum um að eignir
þess séu ekki nógu vel tryggðar fyrir
tjóni.
Skv. upplýsingum forsvarsmanna
tryggingafélaga getur matið, sem
félögin leggja til grundvallar við
tryggingar, leitt til þess að fólk fái
minni bætur en sem nemur virði við-
komandi eignar.
„Við höfum heyrt þessar áhyggjur
enda er eðlilegt að fólk skoði vel
tryggingavernd sína á þessu sviði
sem öðrum,“ segir Haukur Ingi-
bergsson, forstjóri Fasteignamats
ríkisins. ,,Megintilgangur endur-
matsins var að samræma brunabóta-
mat og þetta er í fyrsta sinn sem
brunabótamat er framkvæmt með
samræmdum hætti á landsvísu. Í ljós
hefur komið að mörg dæmi eru um
hvort tveggja, að eignir hafi hækkað
í mati og lækkað. Meðaltalslækkun á
landinu öllu var 4%,“ segir Haukur.
Ásgeir Baldurs hjá Vátrygginga-
félagi Íslands segir ráðgjafa VÍS
hvetja fólk sem er ósátt við bruna-
bótamatið til að fá nýtt mat. ,,Ef fast-
eignamatið er ekki tilbúið að breyta
því mati sjáum við ekki hvernig við
eigum að geta greitt hærri bætur.
Fólk væri þá að kaupa tryggingu
umfram verðmæti og það stangast á
við grundvallaratriði tryggingastarf-
semi. Við viljum tryggja og erum til-
búnir að tryggja upp að þeirri upp-
hæð sem virði hlutarins er. En við
treystum okkur ekki til þess að
leggja annað mat á fasteignir en
fasteignamatið,“ segir Ásgeir.
Ráðleggja fólki að kæra
Elísabet Kolbeinsdóttir, sem ann-
ast brunatryggingar hjá Sjóvá-Al-
mennum, segir að skv. nýju lögunum
geti félagið ekki boðið upp á sérstaka
viðbótartryggingu til að hækka
brunabótamatið, það ákvarðist af
Fasteignamati ríkisins og engum
öðrum.
,,Þeir einir geta breytt brunabóta-
matinu. Fólk getur kært breyt-
inguna til 15. september og ráðleggj-
um við fólki eindregið að gera það.
Það er líka hægt að biðja um end-
urmat en fólk þarf að greiða fyrir
það,“ segir hún.
Um seinustu mánaðamót höfðu
Fasteignamati ríkisins borist 1.535
athugasemdir frá einstaklingum
vegna matsins.
Áhyggjur vegna
ónógrar trygg-
ingaverndar

Öryggi/D2
FRANSKA verktakafyrirtækið
E.I. vinnur nú að uppsetningu
upptakastoðvirkja í Drangagili
fyrir ofan Neskaupstað. Þyrla er
notuð við verkið en átta Frakkar,
tveir Ítalir og átta Íslendingar
vinna við það.
Upptakastoðvirki eru sett upp
þar sem hætta er á að snjóflóð
eigi upptök sín og er ætlað að
hindra að flóð fari af stað. Stoð-
virkin verða alls 1.500 metrar að
lengd og samanstanda af þriggja
og hálfs til fjögurra metra háum
stoðum sem net eru strengd á
milli. Neðar í gilinu er búið að
setja upp þvergarða og keilur til
að hefta för flóða.
Næst settar
varnir í Tröllagili
Að sögn Guðmundar Sigfússon-
ar, forstöðumanns umhverfissviðs
Fjarðabyggðar, er vitað um eitt
snjóflóð úr Drangagili, sem náði
alveg inn í bæinn. Það féll
skömmu fyrir aldamótin 1900.
Guðmundur segir ekki víst að tak-
ist að ljúka verkinu í Drangagili
fyrir veturinn, þrátt fyrir að áætl-
anir hafi gert ráð fyrir því. Vegna
þess hve snjóa leysti seint sé verk-
ið á eftir áætlun og snemmkoma
vetrar gæti sett strik í reikning-
inn en ljóst er að verkinu verður
haldið áfram fram á haustið, eins
lengi og veður leyfir. Hann segir
að giljunum upp af Neskaupstað
hafi verið forgangsraðað og næst
verði settar upp snjóflóðavarnir í
Tröllagili.
Á myndinni má sjá hina ítölsku
flugmenn þyrlunnar taka sér
kaffihlé ásamt öðrum starfs-
mönnum. Í hlíðinni fyrir ofan þá
sjást upptakastoðvirki.
Morgunblaðið/Helgi Garðarsson
Snjóflóðavarnir
settar upp
úrverndarsamtökum Íslands, ein
frá NAUST og tvær frá einstakling-
um.
Óvíst hvenær lokið verður við
að fara yfir kærurnar
Magnús Jóhannesson, ráðuneyt-
isstjóri í umhverfisráðuneytinu,
segir að fjöldi og efnismagn kær-
anna geri að verkum að þetta sé
allra umsvifamesta stjórnsýslukæra
sem ráðuneytið hafi fengið til með-
ferðar. Í lögum er gert ráð fyrir að
KÆRUFRESTUR vegna úrskurð-
ar Skipulagsstofnunar um mat á
umhverfisáhrifum Kárahnjúkavirkj-
unar rann út á miðnætti í gærkvöld
og höfðu ráðuneytinu borist 34 kær-
ur þegar ráðuneytinu var lokað síð-
degis. Ennþá geta fleiri kærur bor-
ist, m.a. kærur sem póstlagðar voru
í gær og verður heildarfjöldi kæra
ekki ljós fyrr en á morgun.
Af þeim 34 stjórnsýslukærum
sem þegar hafa borist ráðuneytinu
eru 27 frá einstaklingum, 5 kærur
frá félögum og samtökum, ein frá
Landsvirkjun og ein kæra frá sveit-
arfélaginu Fjarðabyggð.
Félagasamtökin sem sendu kær-
ur eru Náttúruverndarsamtök Ís-
lands, Náttúruverndarsamtök Aust-
urlands (NAUST), Samtök
sveitarfélaga á Austurlandi, Austur-
land til framtíðar og AFL – Starfs-
greinafélag Austurlands.
Af 34 kærum voru 4 kærur til
staðfestingar úrskurði Skipulags-
stofnunar og þar af ein frá Nátt-
ráðherra úrskurði innan átta vikna
en Magnús segir að á þessari
stundu sé ekki hægt að segja til um
hvenær þeirri vinnu ljúki að fara yf-
ir kærurnar.
„Það er mjög erfitt að segja til
um á þessu stigi málsins hvað þetta
mun taka langan tíma því það er
ljóst að þetta er langsamlega um-
svifamesta stjórnsýslukæra sem
ráðuneytið hefur fengið og efnislega
mikið mál. Það eru heldur ekki
komin fram öll gögn þar sem gerður
er fyrirvari í kæru Landsvirkunar
um afhendingu frekari gagna.“
Samkvæmt lögum er sú leið
möguleg að umhverfisráðherra vísi
málinu aftur til Skipulagsstofnunar
og fari fram á nýjan úrskurð í ljósi
þess að fram séu komnar upplýs-
ingar sem stofnunin taldi vanta í
matsskýrslu framkvæmdaaðila. Að
sögn Magnúsar er sú leið fær í mál-
inu en hins vegar sé ótímabært að
vera með vangaveltur um það hver
niðurstaða málsins geti orðið.
Umhverfisráðherra þarf, auk
þess að yfirfara kærunar, að leita
frekara álits framkvæmdaaðila,
leyfisveitenda, Skipulagsstofnunar
og Náttúruverndar ríkisins. Þegar
þær umsagnir liggja fyrir er kær-
endum gefinn kostur á að tjá sig um
þær umsagnir áður en ráðherra
kveður upp endanlegan úrskurð.
„Það er talsvert mikið samráð
sem þarf að fara fram áður en úr-
skurður er kveðinn upp,“ segir
Magnús.
Aldrei borist
umfangsmeiri
stjórnsýslukæra
Fékk þung-
an járnbita
á bifreiðina
LITLU mátti muna að slys yrði á
ökumanni fólksbifreiðar í gær þegar
500 kg járnbiti féll af vörubílspalli á
bifreiðina við Ölfusárbrú. Að sögn
lögreglunnar á Selfossi rakst vöru-
bifreiðin í handrið brúarinnar með
þeim afleiðingum að festingar utan
um bitann losnuðu svo hann féll af
pallinum. Lenti bitinn á nálægri
fólksbifreið á ferð og skemmdist hún
töluvert á vélarhlíf og hlið. Ein kona
var í bifreiðinni á leið til vinnu og var
henni mjög brugðið en slapp ómeidd.
Loka varð Ölfusárbrúnni í um
tuttugu mínútur meðan lögregla at-
hafnaði sig á vettvangi óhappsins og
myndaðist fljótlega löng röð kyrr-
stæðra bifreiða á Suðurlandsvegi.
Talið er að um hálfs annars km sam-
felld bílaröð hafi verið á veginum
þegar opnað var aftur yfir brúna.
LANDHELGISGÆSLUNNI barst í
gær beiðni frá Noregi um að sækja
sjúkling, sem fengið hafði hjarta-
áfall, til Jan Mayen. TF-LÍF, þyrla
Landhelgisgæslunnar, er í við-
haldsskoðun þessa dagana en
ákveðið var að flýta skoðuninni og
var hafinn undirbúningur að
lengsta sjúkraflugi sem þyrla Gæsl-
unnar hefur verið send í eða um
360–370 sjómílna leið til Jan
Mayen.
Síðdegis bárust hins vegar upp-
lýsingar um að líðan sjúklingsins
væri betri og var fluginu þá frestað.
Skv. upplýsingum Halldórs Nell-
et, yfirmanns gæsluframkvæmda
hjá Landhelgisgæslunni, varð flug-
vél sem Norðmenn sendu að snúa
frá vegna veðurs á Jan Mayen og
var þá leitað aðstoðar Landhelg-
isgæslunnar. TF-LÍF er í þriggja
daga viðhaldsskoðun og var því
ekki tiltæk á þeirri stundu. Varn-
arliðið hafði ekki þyrlu með næga
flugdrægni til að fljúga til Jan
Mayen og eldsneytisvél var ekki til
staðar til að fylgja þyrlu í svo langt
flug.
Við undirbúning flugs TF-LÍF í
gær var ákveðið að þyrlunni yrði
fyrst flogið til Húsavíkur, þar sem
bæta átti á hana eldsneyti, og þaðan
átti svo að fljúga beina leið til Jan
Mayen. Ganga þurfti úr skugga um
að eldsneyti yrði til á Jan Mayen
þar sem þyrlan kæmist ekki til baka
úr svo langri ferð nema taka elds-
neyti á eynni. Við bestu aðstæður
er flugdrægni hennar mest um 600
sjómílur. Þurftu óyggjandi veð-
urupplýsingar því að liggja fyrir
um að hægt væri að lenda á eynni.
,,Ef veðurskilyrði hefðu verið þann-
ig að ekki væri hægt að lenda hefði
hún orðið að snúa við 30 mílur frá
ströndinni,“ sagði Halldór.
Morgunblaðið/Árni Sæberg
Sigurður Ásgeirsson mælir
vegalengdina til Jan Mayen.
Undirbjuggu lengsta
sjúkraflug á haf út
34 kærur komnar fram vegna úrskurðar Skipulagsstofnunar