Morgunblaðið - 26.09.2001, Blaðsíða 8

FRÉTTIR
8 MIÐVIKUDAGUR 26. SEPTEMBER 2001 MORGUNBLAÐIÐ
Dagur stærðfræðinnar
Stærðfræði í
umhverfinu
Á MORGUN verðurdagur stærðfræð-innar haldinn í
skólum landsins. Það er
Flötur, samtök stærð-
fræðikennara, sem stend-
ur fyrir degi stærðfræð-
innar. Ragnheiður Gunn-
arsdóttir er formaður
Flatar, samtaka stærð-
fræðikennara. Hún var
spurð hvert væri markmið
þessa.
„Það er að vekja athygli
á stærðfræðinni og auka
áhuga á henni. En þema
dagsins er: Stærðfræðin í
umhverfinu með áherslu á
þátt foreldra í heimanámi
barna.“
– Er þáttur foreldra í
heimanámi ekki nægur?
„Það er nú sjálfsagt
mjög misjafnt en viðhorf foreldra
til námsins skiptir miklu máli
varðandi áhuga barnanna á því.“
– Eru foreldrar yfirleitt í stakk
búnir að hjálpa börnum í heima-
námi í stærðfræði?
„Allir foreldrar geta styrkt
börnin sín í náminu þó að þeir
kunni ekki allt námsefnið, en við
gefum út núna verkefni í tilefni
dagsins sem heitir Heimaverk-
efni í stærðfræði og eru hugsuð
þannig að foreldrar og nemendur
vinni þau saman. Verkefnin eru
ýmsar athuganir á umhverfinu og
úrvinnsla á því eða þá þrautir sem
foreldrar og nemendur geta glímt
við saman. Aðalhöfundur ritsins
er Jónína Vala Kristinsdóttir
kennari. En einnig hafa samið
verkefni í ritið þær Guðrún Ang-
antýsdóttir og Kolbrún Hjalta-
dóttir.“
– Hefur verið til svona rit áður?
„Ekki beint sem ætlað er ná-
kvæmlega til þessara nota, þar
sem gert er ráð fyrir að foreldrar
vinni með börnunum. Á degi
stærðfræðinnar í fyrra gáfum við
út ritið Rúmfræði, það var ekki
hugsað sem heimaverkefni heldur
til þess að vinna á svipaðan hátt í
skólanum.“
– Er stærðfræðinám að þyngj-
ast í skólum?
„Nei, ég held að stærðfræðin sé
ekki að þyngjast heldur eru skól-
arnir farnir að leggja meiri
áherslu á hana og sumir skólar
hafa fjölgað tímum í stærðfræði.
Þessi þróun hefur orðið vegna
umtalsins um hve Íslendingar
standi sig illa í stærðfræði í sam-
anburði við aðrar þjóðir.“
– Hvers vegna er dagur stærð-
fræðinnar haldinn?
„Í fyrra var ár stærðfræðinnar
og við hér á Íslandi ákváðum í til-
efni af því að halda dag stærð-
fræðinnar. Þetta gekk vel og
áhuginn var mikill – því höldum
við áfram.“
– Og hvað á að gera meira í til-
efni dagsins nú?
„Þessa viku er sýning á teikn-
ingum sem nemendur gerðu í vor
í samkeppni sem efnt var til af
hálfu Flatar, samtaka stærð-
fræðikennara. Verð-
launamyndirnar voru
notaðar á veggspjald
til þess að auglýsa
stærðfræðidaginn en á
sýningunni er úrval
þeirra mynda sem bár-
ust í keppnina.“
– Var áhugi á henni
mikill meðal nemenda?
„Já, okkur bárust 750 myndir.
Myndefnið átti að tengjast stærð-
fræði í umhverfinu eða á einhvern
annan hátt.“
– Eru samkomur fyrirhugaðar
á morgun í skólum landsins í til-
efni af degi stærðfræðinnar?
„Við vonumst til þess að sem
flestir skólar geri stærðfræðinni
hátt undir höfði á þessum degi –
geri eitthvað til að minna á hana.
Fundur verður haldinn í Odda í
stofu 101 kl. 17.15 og yfirskrift
hans er: Þurfa allir að læra
stærðfræði? Frummælendur á
fundinum eru Hreinn Pálsson
heimspekingur, Jón Torfi Jónas-
son, prófessor í uppeldis- og
menntunarfræði, Benedikt Jó-
hannesson stærðfræðingur og
Sigríður Laufey Gunnarsdóttir,
skólastjóri Baugsskólans. Al-
mennar umræður og fyrirspurnir
til frummælenda verða í lok fund-
arins. Þess ber að geta að auk
sýningarinnar í Kringlunni á
myndefni tengdu stærðfræðinni
eru einnig sýningar á teikningum
nemenda á Akranesi og á Egils-
stöðum.“
– Er stærðfræðin farin að
þykja mikilvægari en aðrar
námsgreinar?
„Nei, það held ég ekki. Það eru
mjög skiptar skoðanir á mikil-
vægi hennar vegna allrar tækn-
innar og tölvuforritanna sem geta
reiknað fyrir okkur – umræðan
hefur snúist um hvort allir þurfi
að læra svona mikla stærðfræði –
þar sýnist sitt hverjum.“
– Eru nemendur almennt
áhugasamir um stærðfræði?
„Já, flestir litlir krakkar hafa
gaman af stærðfræðinni en þegar
hún fer að þyngjast minnkar nú
áhuginn hjá mörgum. En viðhorf
flestra nemenda er að stærðfræð-
in sé mikilvæg.“
– Hvernig verður
þessum verkefnum
fyrir foreldra og nem-
endur komið á fram-
færi?
„Bókin er kennara-
handbók og kennar-
arnir senda síðan verk-
efnin heim með nemendum, en
einnig geta foreldrar keypt bók-
ina. Hún fæst í Skólavörubúðinni
og hjá Bóksölu Kennaraháskól-
ans. Það er von okkar að sem
flestir taki þátt í degi stærðfræð-
innar og hann verði að leiðarljósi í
daglegu stærðfræðinámi.
Ragnheiður Gunnarsdóttir

Ragnheiður Gunnarsdóttir
fæddist í Reykjavík 9. maí 1954.
Hún lauk stúdentsprófi frá
Verslunarskóla Íslands 1974 og
B.ed.-prófi frá Kennaraháskóla
Íslands 1977. Hún er nú í viðbót-
arnámi í stærðfræði við Endur-
menntunarstofnun HÍ með
kennslu, sem hefur verið hennar
aðalstarf í 25 ár og nú kennir
hún við Fjölbrautaskóla Suð-
urnesja. Hún hefur verið formað-
ur Flatar, samtaka stærð-
fræðikennara. Ragnheiður á
þrjú börn og eitt barnabarn.
Út komin
heimaverk-
efni í stærð-
fræði fyrir
foreldra og
nemendur
22 ÁRA gömul kona var dæmd í 30
daga skilorðsbundið fangelsi í Hér-
aðsdómi Reykjavíkur á mánudag
fyrir að hafa stolið 20 þúsund krón-
um úr afgreiðslukassa 10–11-versl-
unar þar sem hún var starfsmaður.
Atvikið átti sér stað 27. maí 2000
en konan var einnig ákærð af Lög-
reglustjóranum í Reykjavík fyrir
að hafa stolið þúsund krónum úr
afgreiðslukassa nokkrum dögum
síðar. Ekki þótti þó sannað að hún
hefði tekið meira en 500 krónur í
það skiptið.
Í eftirlitsmyndavélum í verslun-
inni sem beindust að afgreiðslu-
kössum sást þegar ákærða tók 5
þúsund króna seðla úr kassa og
stakk þeim í vasa sinn og aftur síð-
ar sama dag þegar hún í setti seðla
í peysuermi sína sem hún hafði
togað fram yfir höndina.
Ákærða viðurkenndi að hafa tek-
ið 4.500 krónur úr kassa en með
leyfi þáverandi verslunarstjóra.
Því neitaði verslunarstjórinn.
Ákærða hefur ekki sætt refsingum
áður.
Valtýr Sigurðsson héraðsdómari
kvað upp dóminn. Hjalti Pálmason
flutti málið af hálfu ákæruvalds og
verjandi ákærðu var Jón Egilsson
hdl.
Dæmd fyrir að stela
úr afgreiðslukassa
VATNSSTAÐA Kleifarvatns hefur verið óvenjulág í
sumar. Ný fjara með ýmsum litbrigðum hefur mynd-
ast í fjöruborði vatnsins, og minnir fjaran kannski
einna helst á slæðu. Gulu, bláu og hvítu litirnir
skera sig vel úr svörtum sandinum í þessu sí-
breytilega landslagi, sem ferðamaðurinn virðir fyrir
sér.
Vatnsborðið hefur ekki verið lægra í þá rúmu öld
sem ábyggilegar heimildir eru til um vatnið. Á rúmu
ári hefur yfirborðið lækkað um tæpa fjóra metra og
hefur flatarmál vatnsins minnkað um allt að fimmt-
ung. Talið er líklegt að það sé vegna þess að vatn
leki niður um sprungur í botni vatnsins sem mynd-
uðust í Suðurlandsskjálftunum á síðasta ári.
Morgunblaðið/RAX
Í fjöruborði Kleifarvatns, ný fjara sem hefur myndast með ýmsum litbrigðum við lækkandi vatnsstöðu.
Síbreytilegt landslag