Morgunblaðið - 26.09.2001, Blaðsíða 17

VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 26. SEPTEMBER 2001 17
GUÐRÚN Gísladóttir KE 15, nýtt
fjölveiðiskip Festar hf., er komið til
heimahafnar í Keflavík. Skipið var
smíðað í Kína og fer fljótlega á veiðar
á síld, loðnu og kolmunna. Aflinn
verður frystur um borð. Skipstjórar á
nýja skipinu verða Halldór Jónasson
og Sturla Einarsson og vélstjóri
Hilmar Sigurðsson.
Festi á fyrir nótaskipin Örn KE og
Þórshamar GK og fiskimjölsverk-
smiðju á Djúpavogi. Skipin verða öll
gerð út áfram, en lögð verður áherzla
á veiðar á síld og vinnslu hennar um
borð í nýja skipinu. Hin munu svo
sinna loðnuveiðunum. Kvóti félagsins
er þrír og hálfur síldarkvóti af síld við
landið, 7.650 tonn af norsk-íslenzkri
síld, ríflega 6% af loðnukvótanum og
auk þess verður sótt í kolmunnann á
nýja skipinu, að sögn Sigmars
Björnssonar, eins eigenda skipsins.
Fjórar flökunarvélar
og mikil frystigeta
Vinnslubúnaður er kominn um
borð, en eftir er að setja hann end-
anlega niður. Fjórar flökunarvélar
fyrir síld verða um borð og annar
hver þeirra um 25 tonnum á sólar-
hring miðað við fulla keyrslu. Halldór
Jónasson sigldi skipinu heim frá Kína
og tók siglingin um 37 sólarhringa.
Hann segir að siglingin hafi gengið
vel og skipið reynzt vel í alla staði og
hann hlakki til að byrja að vinna með
það.
Frystitæki um borð eru gefin upp
fyrir 180 tonna frystigetu á sólar-
hring. Halldór telur raunhæft að
hugsa sér að hægt sé að frysta um 80
tonn af flökum á sólarhring. Í skipinu
er 1.500 rúmmetra frystilest og að
auki rými fyrir hráefni í tönkum sem
taka 700 til 800 tonn. Heildarburðar-
geta gæti verið um 2.500 tonn af fiski
til bræðslu.
Nú eru borgaðar um 23 krónur fyr-
ir kíló af síld upp úr sjó til manneld-
isvinnslu og um 10 krónur fyrir síld til
bræðslu. Á sama tíma í fyrra voru
greiddar 8 til 9 krónur fyrir síld til
vinnslu og 6 í bræðslu. Verðið hefur
því hækkað mikið og sama á við síld
frysta um borð. Ásbjörn Helgi Árna-
son, framkvæmdastjóri Festar, segir
að fyrir kíló af frystum síldarflökum
fáist nú um 120 krónur en það svari til
um 60 króna upp úr sjó þannig að af-
koman ætti að geta orðið bærileg.
Hann vill ekki gefa upp kaupverð
skipsins.
Erfiðleikarnir til að yfirstíga þá
Örn Erlingsson útgerðarmaður er
upphafsmaðurinn að smíði skipins og
er að vonum ánægður með að það
skuli vera komið heim. „Það er bæði
gott og ánægjulegt eftir allt þetta
stríð. Erfiðleikarnir eru til að yfir-
stíga þá.“
Hann segir að endursmíða þurfi
sumt af því sem átti að fara á vinnslu-
dekkið og því þurfi skipið fyrst að fara
upp á Akranes til að láta ganga end-
anlega frá þessum búnaði, áður en
veiðar hefjist, eftir allt að þrjá vikur.
Örn segir að margt hafi breytzt frá
því farið var af stað. Meðal annars sé
rekstrargrundvöllur nú að minnsta
kosti tvöfalt betri en þá vegna hás
verðs á síld og öðrum uppsjávarfiski.
Þá hafi skipinu seinkað og gengi
krónunnar lækkað. Verulegar upp-
hæðir hafi hins vegar fengizt á móti í
dagsektum þannig að skipið sé mun
lægra í verði í dollurum talið en upp-
haflega hafi verið samið um. Ofan á
það hafi á hinn bóginn bætzt mikill
kostnaður vegna tafanna og gengis-
breytinganna. „Það er mikil orka og
afkastageta í þessu skipi og það ætti
að geta skilað miklum afla,“ segir Örn
Erlingsson.
„Mikil orka í þessu skipi“
Guðrún Gísla-
dóttir KE komin
til heimahafnar
í Keflavík
Ljósmynd/Hilmar Bragi Bárðarson
Guðrún Gísladóttir GK 15 er sérbúin til veiða á uppsjávarfiski, síld, loðnu og kolmunna, og frystir aflann um borð.
Miðað við verð á síld til bræðslu er aflaverðmæti tífaldað með flökun og frystingu um borð.
ÍSLENSKI hugbúnaðarsjóðurinn
hefur fjárfest í fyrirtækinu Mask-
inu, sem sérhæfir sig í gerð þróun-
ar- og umsýslulausna fyrir enda-
notendur farsíma.
Búnaðarbanki Íslands hf. og
Bunadarbankinn International
S.A. tóku einnig þátt í fjármögn-
uninni ásamt öðrum áhættufjár-
festum, stofnendum og stjórnend-
um fyrirtækisins.
Íslenski hugbúnaðarsjóðurinn
mun eiga um 20,3% hlut í Maskinu
og taka virkan þátt í uppbyggingu
fyrirtækisins með stjórnarþátt-
töku, almennri ráðgjöf við upp-
byggingu erlends sölunets og að-
komu erlendra fjárfesta að
fyrirtækinu, að því er fram kemur í
tilkynningu til Verðbréfaþings.
Maskina hefur þróað vöru sem
gerir farsímanotendum kleift að
hanna, dreifa og nota gagnaþjón-
ustu án nokkurrar sérstakrar
þekkingar á forritun eða hugbún-
aði. Notendur greiða fyrir dreif-
ingu og notkun. Tekjur af notkun
vörunnar eru í samræmi við aðsókn
notenda í að dreifa og nota þær
virðisaukandi þjónustur sem gerð-
ar eru í umhverfinu.
Stærstu hluthafar í Maskinu eft-
ir hlutafjáraukninguna, auk stofn-
enda og stjórnenda fyrirtækisins,
eru Íslenski hugbúnaðarsjóðurinn
ásamt Búnaðarbanka Íslands hf.
og Bunadarbankinn International
S.A.
Íshug
kaupir
20,3% í
Maskinu