Morgunblaðið - 21.02.2002, Síða 16

AKUREYRI
16 FIMMTUDAGUR 21. FEBRÚAR 2002 MORGUNBLAÐIÐ
LANDIÐ
BÖRN hafa alltaf gaman af að
taka þátt í því sem er að gerast
því þau eru athafnasöm og vilja
fást við eitthvað í alvörunni. Al-
mennt geta foreldrar ekki tekið
þau með sér í vinnuna, en þó kem-
ur það fyrir þegar vel stendur á.
Þegar fréttaritari Morgunblaðs-
ins átti leið um Reykjadal nýlega
voru þau Unnsteinn Ingason og
Rósa Ösp Ásgeirsdóttir, sem reka
ferðaþjónustuna á Narfastöðum, í
óða önn að undirbúa veitingar. Í
þetta skipti fengu börnin að vera
með og kunnu þau vel að meta það
að fá að taka þátt í bakstrinum en
þar á bæ bjóða menn nær ein-
göngu upp á heimabakað brauð.
Morgunblaðið/Atli Vigfússon
Anna Karen Unnsteinsdóttir og Ásgeir Ingi Unnsteinsson njóta þess að
vera með og hafa hönd á deiginu sem pabbi þeirra steikti síðan og úr
varð fínasta soðið brauð.
Heimabak-
að brauð
er best
Laxamýri
KAUPMENN á Akranesi bera sig
nokkuð vel nú í lok þorra þegar
uppgjöri jólavertíðarinnar er að
mestu lokið. Sævar Haukdal, kaup-
maður í raftækjaversluninni
Hljómsýn, segir að vissulega hefðu
svartsýnisraddir hljómað á haust-
dögum og marg-
ir áttu von á því
að verslun á
Akranesi yrði
undir í aukinni
samkeppni við
höfuðborgar-
svæðið. Glöggir
gestir á Akra-
nesi sem og
heimamenn hafa
veitt því athygli
að mikið af húsnæði sem hýst hefur
rótgrónar verslanir í fjöldamörg ár
stendur nú autt og ekkert bendir til
þess að nýir aðilar taki við þar sem
frá var horfið.
„Eftir því sem ég best veit eru
kaupmenn á Akranesi almennt
sáttir við stöðu mála eftir jólaösina.
Því er ekki að leyna að menn voru
frekar svartsýnir á haustdögum
þar sem almennur samdráttur er í
þjóðfélaginu og með tilkomu nýrrar
verslunarmiðstöðvar í Smáralind
var talið að Akurnesingar færu enn
frekar í gegnum Hvalfjarðargöngin
og versluðu meira á Reykjavíkur-
svæðinu,“ sagði Sævar og bætti því
við að það væru gömul sannindi og
ný að sviptingar væru í verslunar-
rekstri.
„Það er ekki alltaf þannig að
menn hætti verslunarrekstri af því
það gangi svo illa. Stundum er
starfsorka þeirra sem að slíku
standa þrotin og menn snúa sér því
að öðru. Það sem hefur hins vegar
breyst er að það hafa ekki nýir að-
ilar tekið sig til og stofnað aðrar
verslanir í því húsnæði sem til stað-
ar er. Ég er sannfærður um að það
eru ýmsir möguleikar fyrir hendi í
dag og bjartir tímar framundan
fyrir þá sem vilja stunda verslun og
þjónustu á Akranesi. Það sem þarf
að gerast í ríkari mæli er að menn
vinni betur saman á þessu sviði og í
framtíðinni verði til stærri versl-
unareiningar í stærra og nútíma-
legra húsnæði en nú þekkist,“ sagði
Sævar, en hann hefur verið viðloð-
andi samtökin Átak Akranes sem
höfðu hagsmuni verslunar og þjón-
ustu á Akranesi í fyrirrúmi, en ný
samtök hafa nú verið stofnuð í sam-
vinnu við Akranesbæ.
„Við vitum að það skortir
ákveðna þjónustu hér á Akranesi
en við vonum að með tilkomu
Markaðsráðs Akraness, MRA, sem
stofnað var um miðjan janúar á
þessu ári, verði hægt að kortleggja
þessa hluti betur. Að ráðinu stend-
ur mun breiðari hópur en sá sem
stóð að Átaki Akranesi en öll fyr-
irtæki, félög, stofnanir og einstak-
lingar (einyrkjar) sem stunda at-
vinnurekstur á Akranesi geta gerst
aðilar að MRA. Að auki verður
markaðsfulltrúi bæjarins meira
með í ráðum en áður og slíkt sam-
starf þarf til þess að koma hlutum í
framkvæmd.
„Við ætlum ekki að leggjast flatir
og gefast upp þó að leiðin til
Reykjavíkur sé styttri en áður,
enda finnum við að fólk kann að
meta þá þjónustu sem boðið er upp
á, en það má alltaf gera betur,“
sagði Sævar.
Kaupmenn bjart-
sýnir þrátt fyrir
aukna samkeppni
Akranes
Sævar Haukdal
BOÐAÐ er til stofnunar nýs fram-
farafélags í Borgarbyggð fimmtudag-
inn 21. febrúar kl. 20 á Hótel Borg-
arnesi.
Markmið félagsins er að vera um-
ræðuvettvangur fyrir allt það er horfa
má til framfara í sveitarfélaginu, stórt
og smátt, til gamans og gagns. Félag-
ið verður byggt á bjartsýni og þeirri
vissu að byggðin hafi öll heimsins
tækifæri í hendi sér.
Félagið verður öllum opið, bæði
fulltrúum fyrirtækja, forsvarsmönn-
um félaga og venjulegu fólki eins og
mér og þér. Félagið verður ópólitískt
og hafið yfir alla flokkadrætti.
Óskað er eftir hugmyndum að
nafni á félagið. Tillögum má skila inn
á fundinum, segir í fréttatilkynningu.
Byggt á
bjartsýni í
Borgarbyggð
Borgarnes
TÍMAMÓT urðu í starfsemi Olíudreifingar ehf. í gær
þegar dælt var sjö milljónum lítra af gasolíu úr skipi í
geyma nýrrar birgðastöðvar fyrirtækisins í Krossanesi
á Akureyri. Þetta er fyrsti olíufarmurinn sem Olíu-
dreifing tekur á móti í Krossanesi. Undanfarin tvö ár
hefur fyrirtækið unnið að uppbyggingu birgðastöðvar
og uppsetningu búnaðar, sem tilheyrir þessari nýju
innflutningshöfn fyrir fljótandi eldsneyti. Geymarými í
Krossanesi er alls um 22 milljónir lítra en stöðin býður
upp á töluverða stækkunarmöguleika, segir í frétta-
tilkynningu frá fyrirtækinu.
Fyrsti olíufarmurinn kom frá Eistlandi en hluta
farmsins var dælt á land í Reykjavík. Olíudreifing er í
eigu Olíufélagsins hf. og Olíuverslunar Íslands hf.
Morgunblaðið/Kristján
Olíuskipið Jo Elm við bryggju í Krossanesi. Skipið siglir undir norskum fána og er engin smásmíði.
Beinn innflutningur
fljótandi eldsneytis hafinn
FRAMKVÆMDAÁÆTLUN fyrir
árið 2002 hefur verið samþykkt, en
samkvæmt henni mun Akureyrar-
bær verja 283,2 milljónum króna til
framkvæmda á sviði gatnagerðar, op-
inna svæða og fráveitu á þessu ári.
Um 140 milljónir króna fara í gatna-
gerð, nýbyggingu þeirra, malbikun
og gangstéttar og stíga svo dæmi séu
tekin og þá verður 103 milljónum
króna varið í fráveituframkvæmdir á
árinu, en 30 milljónir króna fara í
framkvæmdir við opin og græn
svæði.
Í fráveitumálum eru ýmis verk
framundan, en þar vegur mest
þrýstilögn sem lögð verður frá Glerá
að Sandgerðisbót en kostnaður við
þetta verkefni nemur 60 milljónum
króna. Þá verða fráveituframkvæmd-
ir í Naustahverfi sem kosta 24 millj-
ónir króna. Önnur verkefni eru um-
fangsminni, en nefna má skólplagnir
norðan við Útgerðarfélag Akureyr-
inga, hönnun eftirlits- og stjórnkerfis
og hönnun útrásar og hreinsistöðvar.
Þær 140 milljónir króna sem varið
verður til gatnagerðar í ár skiptast
þannig að 46,5 milljónir fara í end-
urbyggingu gatna, 62 milljónir í ný-
byggingu gatna og holræsa, 25,3
milljónir í malbikun gatna, um 23
milljónir í gerð gangstétta og stíga,
nýjar götur í hesthúsahverfi kosta 10
milljónir og til umferðaröryggismála
fara 15 milljónir króna.
Meðal verkefna má nefna að unnið
verður við endurgerð göngugötu,
langþráður draumur margra rætist
þegar Hafnarstræti við Samkomuhús
verður endurgert og þá verða einnig
lagfæringar við Aðalstræti við Minja-
safn. Nýbygging gatna er að mestu í
nýju Naustahverfi. Malbikað verður í
Nesjahverfi, m.a. við Baldursnes og
Freyjunes, sem og einnig í Lækjar-
götu og Dalsbraut, frá Borgarbraut
að Klettaborg. Sérstakt átak verður
gert í sumar hvað varðar stíga og til
þess varið 10 milljónum króna auk
þess sem lagðir verða stígar meðfram
umferðargötum, s.s. Hlíðarbraut frá
Baldursnesi, sunnan Skessugils og
við Urðargil.
Framkvæmdir á sviði gatnagerðar og fráveitu
Tæpar 300 milljónir
í framkvæmdir í ár
SINFÓNÍUHLJÓMSVEIT Norður-
lands undir stjórn Guðmundar Óla
Gunnarssonar mun á næstu vikum
og mánuðum heimsækja grunn-
skóla á Akureyri og í nágranna-
byggðum, en skólatónleikar hljóm-
sveitarinnar eru nú árviss
viðburður og með stærstu verk-
efnum hljómsveitarinnar. For-
svarsmenn sveitarinnar vænta þess
að svo verði áfram og er stefnt að
því að stækka svæðið, sem heimsótt
verður, jafnt og þétt á næstu árum.
Hljómsveitin hóf skólatónleika
sína á mánudag og verða alls 17
tónleikar í febrúar í skólum á Ak-
ureyri, Dalvík, Árskógsströnd,
Hrísey, Hafralæk, Stórutjörnum,
Litlu Laugum og í Barnaskóla
Bárðdæla. Alla miðvikudaga í
mars, apríl og maí verða síðan
heimsóttir skólar lengra til, m.a. í
Ólafsfirði og á Húsavík, sem og
grunnskólar í Skagafirði og í Eyja-
firði. Þannig heimsækir Sinfóníu-
hljómsveit Norðurlands alls 21
skóla og mun leika fyrir um 3.500
grunnskólanemendur í 1. til 7.
bekk. Tónleikarnir verða í allt 30
talsins.
Frá því Sinfóníuhljómsveit Norð-
urlands var stofnuð hefur það verið
eitt af markmiðum hennar að sinna
yngstu hlustendunum og víkka þar
með sjóndeildarhring barna og
ungmenna í hlustun á tónlist.
Lykillinn saminn fyrir
skólatónleikana
Á efnisskrá að þessu sinni er tón-
verkið „Lykillinn“ eftir Tryggva M.
Baldvinsson, en það samdi hann
eftir sögu Sveinbjörns I. Baldvins-
sonar að beiðni Sinfóníuhljóm-
sveitar Norðurlands í tilefni af
skólatónleikunum í ár. Menningar-
borgarsjóður veitti hljómsveitinni
styrk til kaupa á verkinu. Alls taka
15 hljóðfæraleikarar þátt í flutn-
ingi auk sögumanns sem er Skúli
Gautason, leikari. Á síðasta ári
flutti Sinfóníuhljómsveit Norður-
lands tónverkið Pétur og úlfurinn á
skólatónleikum við góðar undir-
tektir nemenda.
Skólatónleikar Sinfóníuhljómsveitar Norðurlands
Morgunblaðið/Kristján
Hljóðfæraleikarar í Sinfóníuhljómsveit Norðurlands
á sviði í Brekkuskóla.
Nemendur Brekkuskóla hlýða á leik félaga í Sin-
fóníuhljómsveit Norðurlands.
Leika fyrir
3.500 börn á
30 tónleikum