Morgunblaðið - 03.05.2002, Síða 8
FRÉTTIR
8 FÖSTUDAGUR 3. MAÍ 2002 MORGUNBLAÐIÐ
Fjölskyldan hornsteinn eða hornreka
Framtíðin virð-
ist ekki björt
RÁÐSTEFNA meðyfirskriftina Fjöl-skyldan – horn-
steinn eða hornreka? er
nú á dagskrá. Helga Guð-
mundsdóttir, forseti
Kvenfélagasambands Ís-
lands, segir fjölskylduna
eiga undir högg að sækja
í hinu svokallaða velferð-
arþjóðfélagi, víða sé sótt
að fjölskyldueiningunni
og ekki úr vegi að því sé
velt upp hvort fjölskyldan
sé hornsteinninn í þjóð-
félaginu eða beinlínis
hornreka eins og velt er
upp í yfirskrift ráðstefn-
unnar. Einnig hver fram-
tíð fjölskyldunnar sé með
hliðsjón af þeim hremm-
ingum sem hún hefur
mátt þola í seinni tíð.
Helga er í forsvari fyrir
ráðstefnuna.
– Hver heldur ráð-
stefnuna, hvar fer hún fram og
hvenær?
„Kvenfélagasamband Íslands
og Kvenréttindafélag Íslands
ásamt ásamt Bandalagi kvenna í
Reykjavík og Sambandi sunn-
lenskra kvenna halda ráðstefn-
una. Hún er haldin í Fjölbrauta-
skóla Suðurlands á Selfossi
laugardaginn 4. maí og hefst
klukkan 10.“
– Hvert er tilefnið og hver er
tilgangurinn með ráðstefnunni?
„Bæði í markmiðum KÍ og að-
ildarsambanda þess svo og í
stefnuskrá KRFÍ eru málefni
fjölskyldunnar ofarlega á baugi.
Vegna sofandaháttar opinberra
aðila í málefnum fjölskyldunnar
þótti samtökunum því löngu
tímabært að efna til ráðstefnu
sem þessarar.
Tilgangur ráðstefnunnar er að
taka fyrir nokkur af þeim málum
sem heyra undir fjölskylduna og
vekja ráðamenn til dáða. Þó er
aðeins hægt að stikla þar á
stóru. Í hátíðlegum yfirlýsingum
er alltaf talað um fjölskylduna
sem hornstein þjóðfélagsins.
Samt er eins og hún gleymist
oftast og hún á sér fáa ef nokkra
baráttumenn á þingi. Þó eru tvö
eða þrjú sveitarfélög búin að
móta sér fjölskyldustefnu og
vonandi er að fleiri sveitarfélög
taki þau sér til fyrirmyndar.
Fjölskyldan á undir högg að
sækja á svo margan hátt. Miklar
þjóðfélagslegar breytingar hafa
orðið á undanförnum árum í
sambandi við samsetningu fjöl-
skyldunnar. Hún er orðin svo
margbreytileg. Neyslumynstur
hennar hefur breyst gífurlega.
Útivinna mæðra er hvergi eins
mikil og á Íslandi. Vímuefni
flæða yfir landið og unglingarnir
eru auðveld bráð hjá sölumönn-
um dauðans. Heilbrigðisþjónust-
an er alltaf að verða dýrari.
Þannig er af mörgu að taka.“
– Hverjar verða helstu áhersl-
urnar á ráðstefnunni?
„Dagskráin er mjög fjölbreytt
og víða komið við. Dr.
Sigrún Júlíusdóttir
ræðir um samfélags-
breytingar og nútíma-
líf. Tveir unglingar frá
Selfossi, Aldís Arnar-
dóttir og Þorsteinn
Rúnar Ásgeirsson ræða um
vandann að vera unglingur. Sr.
Þórhallur Heimisson ræðir um
hamingjuleitina. Eva María
Jónsdóttir dagskrárgerðarmað-
ur ræðir um samspil barnaupp-
eldis og útivinnu. Breytt neyslu-
mynstur fjölskyldunnar mun
Anna Sigríður Ólafsdóttir frá
Manneldisráði ræða og fjármála-
umhverfi heimilanna verður í
höndum Bjargar Sigurðardótt-
ur. Og að lokum mun Bjarni
Harðarson ritstjóri velta fyrir
sér fjölskyldumynstri bersynd-
ugra Íslendinga fyrr og nú.“
– Hverjum er ráðstefnan helst
ætluð?
„Ráðstefnan er að sjálfsögðu
ætluð öllum. Ungum sem öldn-
um, því allir eru í fjölskyldum.
Mismunandi að stærð og gerð.
Allir þeir sem áhuga hafa á því
að fjölskyldan sé virt sem horn-
steinn en ekki hornreka eru sér-
staklega velkomnir.
Við vonum að barnafjölskyld-
ur sjái sér fært að koma með
börnin til ráðstefnunnar og verð-
um við með barnahorn og gæslu
fyrir þau.“
– Verður komið að málefnun
frá sjónarhóli ungra jafnt sem
hinna eldri?
„Eins og dagskráin ber með
sér eru málefnin tekin fyrir frá
sem flestum sjónarhólum.“
– Hver er framtíð fjölskyld-
unnar?
„Nú er svo komið, að kjarna-
fjölskyldan, hjón með 2 börn er
orðin í minnihluta í fjölskyldu-
mynstri Íslendinga. Skattaálög-
ur á þennan hóp eru alltaf að
aukast og er nú svo komið að
munur á skattaálögum þeirra og
fólks sem ekki er í
hjónabandi skiptir
mörg hundruð þús-
undum á ári og ungt
barnafólk hefur jafn-
vel tekið það ráð að
skilja, beinlínis til að
komast af.
Slíkar álögur splundra fjöl-
skyldum en sameinar þær ekki.
Þetta þarf að breytast. Framtíð
fjölskyldunnar í dag virðist ekki
björt þegar aðbúnaður og kjör
fjölda barnafólks er þannig að
það á hvorki í sig né á í þessu
velferðarþjóðfélagi sem við stát-
um okkur svo oft af.“
Helga Guðmundsdóttir
Helga Guðmundsdóttir er
fædd í Reykjavík 24. júní 1939.
Hún lauk Kvennaskólaprófi
1955 og var heimavinnandi hús-
móðir í 22 ár. Hún rak prent-
smiðju ásamt eiginmanni sínum
í 15 ár. Síðustu árin hefur hún
verið framkvæmdastjóri Sam-
taka psoriasis- og exemsjúk-
linga, SPOEX. Var áður for-
maður Safnaðarfélags Ás-
prestakalls og síðustu árin
hefur hún verið forseti Kven-
félagasambands Íslands. Helga
er ekkja eftir Finnbjörn Hjart-
arson prentara, hún á fimm
börn og þrjú barnabörn.
Skattar á
kjarnafjöl-
skylduna allt-
af að aukast
Okkar stefna er ábyrg, við notum gamla góða trixið áfram,
bætum þessu bara á orkumerina.