Morgunblaðið - 03.05.2002, Page 68
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 3. MAÍ 2002 VERÐ Í LAUSASÖLU 190 KR. MEÐ VSK.
STJÓRN Eddu – miðlunar og út-
gáfu og Björgólfur Guðmundsson
hafa náð samkomulagi um sameig-
inlega markmiðsyfirlýsingu þar
sem stefnt er að verulegri eign-
araðild Björgólfs að félaginu.
Í fréttatilkynningu frá Eddu –
miðlun og útgáfu í gær segir að
aðilar séu ásáttir um að þegar í
stað verði ráðist í vinnu við end-
urskipulagningu á rekstri og fjár-
mögnun félagsins, að gefnum til-
teknum forsendum og innan
ákveðins tímaramma, með það að
markmiði að efla félagið til fram-
tíðar. Þegar þeirri vinnu verði lok-
ið verði haldinn hluthafafundur og
skýrt nánar frá niðurstöðum í kjöl-
far hans.
Halldór Guðmundsson, forstjóri
Eddu – miðlunar og útgáfu, segir
að honum lítist vel á aðkomu
Björgólfs Guðmundssonar að fé-
laginu ef af því verður. Stefnt sé
markvisst að því að ljúka þeirri
vinnu sem enn er ólokið. Hann
segist að öðru leyti ekki vilja tjá
sig um þetta mál frekar á þessu
stigi.
Björgólfur Guðmundsson vildi í
samtali við Morgunblaðið ekki
ræða um samkomulag hans og
Eddu – miðlunar og útgáfu að svo
stöddu.
Unnið að fjárhagslegri endurskipu-
lagningu Eddu – miðlunar og útgáfu
Stefnt að veru-
legri eignar-
aðild Björgólfs
TVEIR hektarar af grónu landi í
Eilífsdal norðan Esjunnar urðu eldi
að bráð í gær en ekkert tjón varð á
sumarbústöðum sem eru á svæðinu.
Eldurinn kviknaði þegar verið var
að brenna spýtnabraki í gömlu bað-
kari. Hitinn frá því varð svo mikill
að eldur kviknaði í sinu við hliðina
á karinu. Sá sem kveikti eldinn
varð ekki var við sinueldinn fyrr en
of seint. Varð þá ekki við neitt ráð-
ið en mikill vindur magnaði upp
eldinn. Slökkvilið höfuðborgar-
svæðisins fékk tilkynningu um eld-
inn klukkan rúmlega 13 og voru
þrír slökkviliðsbílar sendir á vett-
vang. Mannskapur var einnig ræst-
ur út frá Kjósarsveit og Kjalarnesi.
Sinubruninn var þá mikill og nálg-
aðist ískyggilega þrjá sumar-
bústaði sem voru í umtalsverðri
hættu en þeim tókst að bjarga.
Kjarrgróður virðist hafa sloppið að
mestu en ung grenitré brunnu.
Morgunblaðið/RAX
Bjarga tókst
sumarbústöðum
í sinubruna
SJÚKRAHÚSLÆKNAR og fulltrú-
ar ríkisins undirrituðu nýjan kjara-
samning í gærmorgun. Að sögn Ing-
unnar Vilhjálmsdóttur, formanns
Sambands sjúkrahúslækna, verður
innihald samningsins ekki gert opin-
bert fyrr en samningurinn hefur verið
kynntur félagsmönnum. Samningur-
inn gildir út árið 2005 og tekur til 450
sjúkrahúslækna.
Gunnar Björnsson, formaður
samninganefndar ríkisins, vildi ekki
gefa upp hvað samningurinn kostaði
ríkið. Kjarasamningar sjúkrahús-
lækna voru lausir á síðasta ári, en þeir
gerðu bráðabirgðasamning við ríkið
sem rann út 1. mars sl. Launakerfi
lækna, sem Læknafélagið fer með
samningsumboð fyrir, er nú tvenns
konar, annars vegar kerfi sem nær til
lækna sem starfa eingöngu á sjúkra-
húsum og hins vegar kerfi sem nær til
lækna sem starfa bæði á sjúkrahús-
unum og eru með eigin atvinnurekst-
ur, innan eða utan sjúkrahúsanna.
Sjúkra-
húslæknar
semja
við ríkið
ÁRSREIKNINGUR Reykjavíkur-
borgar 2001 var lagður fram í borg-
arstjórn í gær og fór þá fram fyrri
umræða. Samþykkt var samhljóða að
vísa honum til síðari umræðu að hálf-
um mánuði liðnum. Hreinar skuldir
eða neikvæð peningaleg staða í sam-
stæðureikningi borgarinnar og fyrir-
tækja eru 9,5 milljörðum króna meiri
en gert var ráð fyrir í áætlun ársins.
Inga Jóna Þórðardóttir, oddviti
sjálfstæðismanna, gagnrýndi þetta
atriði í ræðu sinni við umræðu um
ársreikninginn. Sagði hún að við af-
greiðslu fjárhagsáætlunarinnar hefðu
skuldir verið áætlaðar 22 milljarðar
króna sem með framreikingi væru
24,4 milljarðar. Samkvæmt ársreikn-
ingi hefðu skuldir hins vegar verið
orðnar 33,9 milljarðar í árslok.
Ingibjörg Sólrún Gísladóttir borg-
arstjóri sagði skýringuna að nokkru
leyti þær miklu breytingar sem orðið
hefðu á gengi á liðnu ári og hefði
gengistap hjá borginni numið um 3,3
milljörðum króna. Útistandandi
skatttekjur hefðu einnig hækkað um
milljarð milli ára. Hún sagði einnig að
fjárfesting hefði farið framúr áætlun-
um þar sem tækifæri til fjárfestinga
hefðu verið gripin og ekki hefði tekist
að selja Heilsuverndarstöðina.
Ingibjörg Sólrún sagði fjármála-
stjórn R-listans sýna að mikill árang-
ur hefði náðst í áætlanagerð, eftirliti,
skulda- og eignastýringu. Borgar-
stjóri sagði að útgjöld til reksturs
málaflokka að frádregnum sértekjum
hefðu verið 20,7 milljarðar króna.
Með lífeyrisskuldbindingum hefðu
rekstrarútgjöld borgarsjóðs hækkað
um 2% umfram áætlun. Hún sagði
veltufé frá rekstri vera 5,1 milljarð og
að viðbættum 2,7 milljörðum sem
rekja mætti til sölu eigna hefði borg-
arsjóður haft 7,8 milljarða til ráðstöf-
unar. Hefðu 6,5 milljarðar farið í fjár-
festingar, 830 milljónir í niðurgreiðslu
langtímalána og 551 milljón í fjár-
bindingu í langtímakröfum.
Inga Jóna sagði ljóst að ekkert
hefði verið ofsagt í gagnrýni sjálf-
stæðismanna á síðustu árum á fjár-
mál borgarinnar undir stjórn R-list-
ans. Hún sagði ársreikninginn mikinn
áfellisdóm yfir fjármálastjórn borgar-
stjóra, það blasti við á hverri síðu.
Fjárhagsstaðan versnaði sífellt og R-
listinn væri búinn að missa tökin á
fjármálastjórninni.
Ársreikningur Reykjavíkurborgar 2001
Skuldir 9,5 millj-
arða yfir áætlun
Rekstur / 34
Stefnt að þing-
frestun í dag
STEFNT er að þingfrestun á Al-
þingi klukkan 15 í dag. Samkomu-
lag um þingfrestun náðist á milli
stjórnar og stjórnarandstöðu í
gær. Boðað verður til þingfundar
kl. 14 í dag þar sem atkvæða-
greiðsla fer fram um þau mál sem
miðað er við að verði að lögum í
dag. Þar á meðal er frumvarp um
ábyrgð skuldabréfa vegna nýrrar
starfsemi Íslenskrar erfðagrein-
ingar en þriðju og síðustu um-
ræðu um frumvarpið lauk í gær-
kvöld eftir að henni hafði verið
frestað fyrr um morguninn að
kröfu stjórnarandstæðinga.
Þá er stefnt að því að frum-
varpið um auðlindagjald á hand-
hafa aflaheimilda verði að lögum í
dag sem og frumvarp um Um-
hverfisstofnun og frumvarp um
álbræðslu á Grundartanga. Enn-
fremur er stefnt að því að af-
greiða tillögu til þingsályktunar
um byggðaáætlun frá 2002 til
2005.
Umræður um þingmál stóðu
fram eftir nóttu á Alþingi í gær.
♦ ♦ ♦
RÍKISSAKSÓKNARI hefur ákært
rúmlega tvítugan mann fyrir að
senda sprengjuhótun í bandaríska
sendiráðið í Reykjavík 15. janúar sl.
Skv. ákæru sendi hann hótunina með
tölvupósti úr tölvupóstfanginu
bombtheembassy@hotmail.com sem
hann hafði stofnað sama dag.
Í hótunarbréfinu stóð að sprengja
myndi springa samdægurs í banda-
ríska sendiráðinu og hann myndi
drepa alla Bandaríkjamenn á Íslandi
en hótunin var send í nafni hryðju-
verkamannsins Osama bin Laden.
Hótanir um að fremja refsiverðan
verknað varða sektum eða fangelsi í
allt að tvö ár. Beinist hún gegn þjóð-
höfðingja eða sendimönnum erlends
ríkis má herða refsinguna um allt að
helming.
Ákærður fyrir
sprengjuhótun