Morgunblaðið - 27.07.2002, Blaðsíða 16

FRÉTTIR
16 LAUGARDAGUR 27. JÚLÍ 2002 MORGUNBLAÐIÐ
ORRI Vigfússon yfirmaður NASF,
laxasjóðsins, upplifði óvænta veiði
á dögunum. Hann var á mikilli yf-
irreið, renndi fyrir lax í Fljótaá og
Laxá í Aðaldal og hugðist reyna
fyrir sér í sjóbleikju í Eyjafjarðará
og í Héðinsfjarðarvatni. En það
kom nokkuð annað á fluguna en
sjóbleikja.
„Sjóbleikjuveiðin er ný fyrir
mér. Hef verið mest verið í laxin-
um en langaði að prófa bleikjuna.
Það var samt ekki mikið í gangi, lít-
ið af bleikju gengið í þessa staði
sem ég reyndi. En í Héðinsfirði var
hins vegar heldur betur óvænt
veiði. Þarna úr fjörunni og af
klöppum sem þarna voru, veiddi ég
hvern rígaþorskinn, allt að 5 kílóa
fiska, af öðrum á flugu!“ sagði Orri
í samtali við Morgunblaðið.
Einhenda og svört túpa
Orri notaði einhendu, flotlínu
með sökkvandi enda og svarta
túpu, en sagðist þó reikna með því
að þorskurinn hefði ekki verið
vandfýsinn á flugur. „Þetta var
gríðarlega gaman, þorskurinn tek-
ur allt öðru vísi í á flugustöng held-
ur en sjóstöng. Hann er sterkur og
kafar kröftuglega og takan er þung
og skemmtileg. Mér dettur í hug
hversu frábær ónýtt auðlind er hér
á ferðinni fyrir bændur í ferða-
þjónustunni.
Erlendis er svona fjöruveiði á
stöng mikið stunduð og hér á landi
er aðstaðan til þess frábær, hreinn
sjór, fallegt umhverfi og fiskur um
allan sjó,“ bætti Orri við. Þess má
geta, að fjöruveiði hefur örlítið ver-
ið reynd, t.d. ræddi Morgunblaðið
eitt sinn við Gunnlaug Óskarsson
fyrrverandi formann Stangaveiði-
félags Keflavíkur sem hafði veitt
bæði þorsk og sjóbleikju í sjó
beggja vegna Eyjafjarðar. Gunn-
laugur beitti spinner og veiddi vel,
allt að 3 punda bleikjur og þorsk
allt að 8 pundum.
Ufsi og koli gætu einnig komið á
agnið og er ekki vafi á að ufsinn er
mikill sportveiðifiskur, spretthrað-
ur og ærslafullur.
ERU
ÞEIR AÐ
FÁ’ANN?
Morgunblaðið/Golli
Mikið sjónarspil er oft við Árbæjarstíflu á kyrrum dögum. Ljós-
myndari kom auga á þessa laxatorfu í Elliðaánum á dögunum.
Rígaþorskar
á í hverju
kasti
GREIÐSLUAFKOMA ríkissjóðs fyrstu sex mán-
uði þessa árs er tæplega 4 milljörðum króna lak-
ari en gert var ráð fyrir í fjárlögum. Afkoman var
neikvæð um 3,4 milljarða króna eftir fyrstu sex
mánuðina en var neikvæð um 1,8 milljarða á sama
tíma í fyrra.
Í tilkynningu frá fjármálaráðuneytinu segir að
lakari afkoma ríkissjóðs en ráð var fyrir gert stafi
alfarið af viðbótarútgjöldum. Segir í tilkynning-
unni að helstu skýringarnar á auknum útgjöldum
séu auknar vaxtagreiðslur vegna forinnlausnar
spariskírteina og áhrif aðgerða stjórnvalda til að
halda aftur af verðbólgu í tengslum við framleng-
ingu kjarasamninga á almenna markaðnum. Því
til viðbótar stafi aukin útgjöld ríkissjóðs af aukn-
um greiðslum til sjúkrahúsa og hjúkrunarheimila,
greiðslum til Lífeyrissjóðs starfsmanna ríkisins
vegna uppbóta á lífeyri og aukinna framlaga til
Atvinnuleysistryggingasjóðs vegna aukins at-
vinnuleysis og sömuleiðis til Ábyrgðarsjóðs launa
til greiðslu launa vegna gjaldþrota. Í tilkynning-
unni er sérstök athygli vakin á því að verulegur
hluti af viðbótarútgjöldunum komi einungis fram
á greiðslugrunni en hafi ekki áhrif á fjárlög sem
séu á rekstrargrunni.
Samdrátturinn í rénun
Handbært fé ríkissjóðs frá rekstri fyrstu sex
mánuði þessa árs var neikvætt um 7,7 milljarða
en var neikvætt um 1,7 milljarða á sama tíma í
fyrra og hreinn lánsfjárjöfnuður var neikvæður
um 4,3 milljarða en var neikvæður um 3,7 millj-
arða á síðasta ári.
Útgjöld ríkissjóðs námu 121 milljarði og hækka
um tæpa 10,4 milljarða milli ára eða um 10,4%.
Útgjöld til heilbrigðismála aukast um 13,8% milli
ára, útgjöld til almannatryggingamála aukast um
8,6% og útgjöld til fræðslu- og menningarmála
aukast um 11,8%.
Heildartekjur ríkissjóðs námu 113 milljörðum
króna og hækka um 5,3 milljarða frá fyrra ári, eða
um tæplega 5%. Skatttekjur ríkissjóðs hækka
heldur minna, eða um 4½%. Almennar verðlags-
breytingar á þessu tímabili námu hins vegar um
7% og segir í tilkynningu fjármálaráðuneytisins
að því gæti áfram nokkurs samdráttar í efnahags-
lífinu á fyrri hluta ársins. Segir jafnframt í til-
kynningunni að tölur um greiðsluafkomu ríkis-
sjóðs staðfesti áframhald þróunar undanfarinna
mánaða um að samdrátturinn sé í rénun. Til
marks um þetta megi nefna að tekjur af virð-
isaukaskatti á fyrri hluta þessa árs aukist um ½%
að raungildi en hafi aukist um 7% að raungildi á
sama tíma í fyrra.
Greiðsluafkoma ríkissjóðs versnaði á fyrstu sex mánuðum þessa árs
Tæplega 4 milljörðum
króna lakari en áætlað var SLÖKKVILIÐ höfuðborgarsvæðis-
ins var kallað út laust eftir klukkan
fjögur í fyrrinótt að verslunarmið-
stöðinni Kringlunni vegna gasleka.
Þar hafði 50 kg gaskútur farið að
leka í gasgeymslu fyrir veitingastað-
inn Hard Rock en gasið er notað til
matseldar.
Lekans varð vart kl. 3.58 þegar ör-
yggisverðir í eftirlitsferð fundu gas-
lykt austan við byggingu Kringlunn-
ar. Þeir áttuðu sig strax á hvað um
var að vera og gerðu slökkviliði við-
vart. Ein slökkvibifreið var send á
staðinn og sprautuðu slökkviliðs-
menn með háþrýstislöngu á gasský
sem var þar fyrir utan. Að því loknu
voru tveir reykkafarar sendir inn í
gaskompu utan við Kringluna til
þess að skrúfa fyrir gasið og síðan
var svæðið loftræst. Gas fór aldrei
inn í sjálfa verslunarbygginguna.
Magnús Pálsson, öryggisgæslu-
stjóri Kringlunnar, sagði að slitin
pakkning í kútnum hefði orsakað
lekann og að skipt hefði verið um
hana í gærmorgun og farið yfir alla
öryggisþætti vegna hugsanlegs leka.
Auk þess var bætt við gasskynjara
umfram það sem nauðsynlegt er. Í
fréttatilkynningu frá ÍSAGA ehf.
vegna málsins segir að fyrirtækið
eigi og reki gasdreifikerfi í Kringl-
unni og Smáralind og sjái um viðhald
og eftirlit á báðum stöðum. ÍSAGA
tekur fram að veitingastaðurinn þar
sem umrætt atvik varð sé hins vegar
eini veitingastaðurinn í Kringlunni
sem ekki er tengdur við gasdreifi-
kerfi ÍSAGA.
Gas lak
úr 50 kg
gaskúti
Hard Rock
SIGRÚN Eldjárn, myndlistarmaður
og rithöfundur, hefur endurheimt
tölvu sem stolið var frá henni um
miðjan júlí og innihélt nýjustu
barnasögu hennar. Lögreglan fann
tölvuna sem og myndavél sem stolið
var um leið og tölvunni. Þjófnaður-
inn átti sér stað í innbroti á vinnu-
stofu Sigrúnar og var ýmsum fleiri
munum stolið sem ekki hafa komið í
leitirnar.
Tölva Sigrúnar
Eldjárn fundin
♦ ♦ ♦
MOKVEIÐI hefur verið á kol-
munna í Hvalbakshallinu út af
Norðfjarðarhorni að undanförnu
og er á annan tug skipa þar við
veiðar, bæði íslensk og færeysk.
Börkur NK-122 kom með 1.800
tonn af kolmunna til Neskaup-
staðar á fimmtudag eftir 55 tíma
túr og aflaverðmæti upp á 14,4
milljónir króna. Að sögn Sturlu
Þórðarsonar, skipstjóra á Berki,
hefur kolmunnaveiðin verið góð í
allt sumar. „Fiskurinn er stór og
góður núna og skipin voru að fá
yfir 300 tonn á klukkustund,“ seg-
ir Sturla og bætir við að veiði sem
þessi eigi sér varla neinar hlið-
stæður. Fimmtán manns eru í
áhöfn á Berki.
Stemmningunni um borð í
svona veiði er ekki erfitt að lýsa.
„Hún er mjög góð, að sjálf-
sögðu,“ segir Sturla.
Búist var við að Börkur héldi
upp í næsta túr í dag, laugardag,
en skipið hefur veitt 20 þúsund
tonn af kolmunna að undanförnu
og fer aflinn í bræðslu. Í fyrra
fiskaði Börkur fyrir 522 milljónir
króna og er kominn nálægt 500
milljónum það sem af er árinu.
Börkur er gerður út af Síld-
arvinnslunni á Neskaupstað sem á
eftir 16 þúsund tonn af kolmunna-
kvóta sínum. Síldarvinnslan er
með tvo togara og þrjú nótaflot-
veiðiskip og hefur fyrirtækið tek-
ið á móti 14 þúsund tonnum af
síld úr norsk-íslenska síldarstofn-
inum og 9.400 tonnum af loðnu á
sumarvertíð í Neskaupsstað og
5.300 tonnum í Sandgerði.
Morgunblaðið/Kristinn
Sturla Þórðarson, skipstjóri á Berki Neskaupstað, og Óskar Sverrisson vélstjóri eftir eina aflahrotuna í vikunni.
Kolmunna
mokað upp
í Hval-
bakshalli
ÞORFINNUR Ómarsson, sem var
vikið tímabundið úr embætti fram-
kvæmdastjóra Kvikmyndasjóðs
fyrr í vikunni, mun áfram sitja í
úthlutunarnefnd Kvikmyndasjóðs.
Vilhjálmur Egilsson, formaður
stjórnar sjóðsins, segir að málið
hafi verið rætt á stjórnarfundi í
gær, en enginn hafi lagt til að
hann ætti að víkja úr nefndinni.
Aðspurður segir Vilhjálmur að
brottvikning Þorfinns hafi verið
rædd á fundinum, en menntamála-
ráðherra hefur gert stjórninni að
leggja til hver skuli gegna starfi
framkvæmdastjóra meðan á tíma-
bundinni brottvikningu Þorfinns
stendur. Hann segir að engin nöfn
hafi verið rædd. Stjórnin þurfi að
átta sig á því á hvaða forsendum
hún geri tillögur til ráðherra, t.d.
sé óljóst hversu langan ráðning-
artíma stjórnin geti boðið. Stjórnin
vilji átta sig á allri stöðunni, hvað
sé að gerast og hver ferillinn varð-
andi Þorfinn verði. Vilhjálmur seg-
ist ekki eiga von á því að staðan
verði auglýst. Stjórnin muni fara í
málið þegar hlutirnir fara að róast.
Á mánudag mun úthlutunar-
nefndin leggja fram fyrir stjórn
Kvikmyndasjóðs tillögur um
hvernig 35 milljónum, sem til
stendur að endurúthluta, verði
skipt.
Vilyrði um styrk til
Kaldaljóss endurnýjað
Vilhjálmur segir að stjórn Kvik-
myndasjóðs hafi ákveðið að end-
urnýja vilyrði fyrir 40 milljóna
króna styrk til kvikmyndarinnar
Kaldaljóss þar sem ný gögn um
fjármögnun myndarinnar hafi
komið fram. Áður hafði verið
ákveðið að afturkalla vilyrðið.
Hilmar Oddsson mun leikstýra
myndinni en handrit hennar er
gert eftir samnefndri skáldsögu
Vigdísar Grímsdóttur.
Þorfinnur
áfram í úthlut-
unarnefnd
Stjórn Kvikmyndasjóðs fundaði í gær