Morgunblaðið - 27.07.2002, Blaðsíða 20

SUÐURNES
20 LAUGARDAGUR 27. JÚLÍ 2002 MORGUNBLAÐIÐ
meistar inn. is
GULL ER GJÖFIN
Njótið fegurðar
Þingvallasvæðisins
Upplýsingar og pantanir
í síma 894 7664
www.himbriminn.is
info@himbriminn.is
ÚTSÝNIS-, FRÆÐSLU-
OG GÖNGUFERÐIR
ÆVINTÝRA-, KVÖLD-
OG VEIÐIFERÐIR
JARÐVATNSBARKAR
Stærðir 50—100 mm
Lengd rúllu 50 m
Tilvalið þar sem ræsa
þarf fram land. Vara
sem vinnur með þér,
auðveld í meðhöndlun.
Ármúla 21, sími 533 2020
Stærðir 50—80
og 100 mm.
Lengd rúllu 50 mtr.
Tilvalið þar sem ræsa
þarf fram land. Vara
sem vinnur með þér,
auðveld í meðhöndlun.
ÁRNI Sigfússon, bæjarstjóri
Reykjanesbæjar, átti fund með for-
svarsmönnum Keflavíkurverktaka á
fimmtudagskvöld þar sem ræddar
voru uppsagnir fyrirtækisins.
„Mér sýnist að um helmingur
þeirra 65-70 manna sem uppsagnirn-
ar snúa að tengist ákveðnum samn-
ingi við varnarliðið,“ sagði Árni. „Má
ætla að sá verktaki sem fær þann
samning þurfi á mannskap að halda
til að vinna eftir honum.“ Segir Árni
að um útboðsverkefni sé að ræða og
að um helmingur þeirra starfsmanna
sem sagt verði upp hljóti að eiga
sterka möguleika á störfum hjá þeim
verktaka sem fær samninginn vegna
sérþekkingar sinnar. „Þetta er auð-
vitað einkenni samkeppni og útboða,
það er ekki ljóst hver fær verkefnið,“
segir Árni. „Að auki kemur í ljós að
verkefnastaða verktakafyrirtækja er
mjög mismunandi. Mér virðist sem
fyrirtækin séu að búa sig undir
ákveðna lægð næstu mánuði, en svo
búast menn við öðrum verkefnum,
bæði á landsvísu og í eða við Reykja-
nesbæ.“
Árni segir ýmis verkefni sem snúi
að byggingageiranum framundan í
Reykjanesbæ, t.d. bygging stálpípu-
verksmiðju í Helguvík svo og sorp-
brennslustöðvar á svæðinu.
„Við stálpípuverksmiðjuna má ætla
að skapist rúmlega 200 störf. Við höf-
um lagt áherslu á það við erlenda fyr-
irtækið að það leggi fram tryggingar.
Fyrr er málið ekki tryggt. Sam-
kvæmt samningnum gáfu þeir sér eitt
ár, en þeir telja sig geta lokið málinu á
hálfu ári. Það þýðir að um áramót
gæti tekið við 11 mánaða verkefni við
að undirbúa byggingarsvæðið í
Helguvík.“
Sjávarútvegur
á Suðurnesjum
hefur dregist
saman eins og
víða um land, en
að sögn Árna er
nokkuð um liðið
að sá samdráttur
hófst. Hann segir
síaukna kvóta-
skerðingu á
þorski koma illa
við vertíðarsvæðin. Hann segir hins
vegar landvinnsluna í nokkuð góðri
stöðu í Reykjanesbæ, en mikið sé
keypt inn af fiski. Nefndi hann öfluga
loðnuverksmiðju í Helguvík sem hef-
ur brætt um 8.000 tonn af loðnu nú í
sumar, svo og stórfyrirtækið Bakka-
vör sem er með starfsemi í Reykja-
nesbæ.
Samdráttur í flugi tengist ekki síð-
ur starfsfólki sem býr á höfuðborg-
arsvæðinu, að sögn Árna, en sveitar-
félögum á Suðurnesjum. Hann segir
þó margt benda til þess að bjartara sé
framundan í þessum málum og minn-
ir á áætlanir um aukið flug og aukna
nýtingu flugvallarins sem sýni veru-
lega fjölgun atvinnutækifæra. Hann
segir innanlandsflugvöll geta styrkt
stöðuna verulega.
Sóknarfæri í ferðaþjónustu
Árni segir að nú sé Reykjanesbær
að tryggja sér sterkari stöðu innan
ferðaþjónustunnar. „Eitt þeirra verk-
efna sem við settum okkur var að
Reykjanesbær yrði fyrsti og síðasti
viðkomustaður ferðamanna á land-
inu. Það er varla hægt að hugsa sér
sterkari leið til að draga ferðamenn
að bænum en víkingaskipið Íslending
og víkingaþorpið sem reist verður í
tengslum við það og mun skapa nýja
möguleika. Með þessu höfum við líka
tækifæri til að benda á aðra þætti í
Reykjanesbæ sem eru áhugaverðir.“
Árni segist því ekki sjá nokkra
ástæðu til að vera svartsýnn varðandi
atvinnulífið í Reykjanesbæ.
„Ég er bjartsýnn til lengri tíma lit-
ið og mér sýnist mörg áhugaverð
verkefni vera framundan. Auðvitað
þurfum við að leita leiða til að styðja
þá sem eru núna, vonandi tímabund-
ið, án atvinnu. Það tel ég vera okkar
skyldu.“
Árni Sigfússon átti fund með Keflavíkurverktökum
„Engin ástæða
til svartsýni“
Reykjanesbær
Árni
Sigfússon
Breytingar hafa verið gerðar á verktöku á varnarsvæðinu á Keflavík-
urflugvelli en það hefur orðið til þess að Keflavíkurverktakar hafa
neyðst til að fækka starfsfólki.
VÍÐA í Reykjanesbæ eru gróð-
ursælir og vel hirtir garðar. Dóm-
nefnd á vegum bæjarins var þó
sammála um, að í ár skyldu þrír að-
ilar fá sérstaka viðurkenningu fyr-
ir vandaðan og fallegan frágang á
húsi og lóð. Um tvö íbúðarhús var
að ræða og að auki fékk fyrirtækið
Fiskval ehf. viðurkenningu fyrir
snyrtilegt athafnasvæði og góðan
frágang á iðnaðarhúsnæði á Iða-
völlum 13.
Unnið í sameiningu
Guðveig Sigurðardóttir og Guð-
mundur B. Guðbjörnsson hafa búið
á Freyjuvöllum 3 síðan í lok árs
1995. Guðveig segist ekki hafa tölu
á fjölda tegunda í garðinum, en að
þar sé m.a. að finna fjölda trjáteg-
unda. „Garðurinn er um 4-5 ára,“
segir Guðveig. „Hann hefur dafnað
mjög vel og t.d. er mikill munur á
honum frá því fyrir tveimur árum.“
Skipulag garðsins er að sögn Guð-
veigar ekki fyrirfram ákveðið held-
ur þróast hann smám saman.
Þau hjónin sjá jöfnum höndum
um garðinn og börnin taka til hend-
inni annað slagið, að sögn Guð-
veigar. Hún segir garðrækt ekki
aðaláhugamálið, en að þeim hjón-
um þyki gaman að hafa fallegt í
kringum sig.
Viðurkenningin hvatning
Húsið og lóðin í Lyngmóa 15 átti
einnig skilið að mati dómnefndar
að fá viðurkenningu. Þar búa hjón-
in Bjarnlaug Dagný Vilbergsdóttir
og Ómar Björnsson, en í garðinum
þeirra er að finna um 60 plöntuteg-
undir, þar á meðal 11 tegundir af
rósarunnum. „Ég hef einbeitt mér
að því að hafa tegundirnar marg-
ar,“ segir Bjarnlaug. „Nú hef ég
lagt áherslu á að mynda skjól, en ég
er ekki ennþá byrjuð að prófa mig
áfram með sjaldgæfar plöntur.“
Bjarnlaug og Ómar hjálpast að í
garðinum og skipta með sér verk-
um. Ómar hefur alfarið séð um
smíðavinnuna í garðinum, engin
vinna hefur verið aðkeypt.
„Það fer mikill tími í garðinn,
það líður eiginlega ekki sá dagur
að ég fari ekki út að huga að hon-
um,“ játar Bjarnlaug. „Garðræktin
er líka áhugamál mitt númer eitt,
tvö og þrjú, svo að þetta er engin
kvöð.“
Bjarnlaug segir að viðurkenn-
ingin sé mikil hvatning. „Hún er
ábending um að við séum á réttri
leið svo hún er mjög spennandi fyr-
ir okkur.“
Viðurkenningar veittar fyrir fallegan frágang húsa og garða
Nýir en fjölbreytilegir garðar
Hjónin Guðlaug og Guðmundur stunda garðræktina í sameiningu og
stundum hjálpa börnin til. Hús þeirra stendur á Freyjuvöllum 3.
Hjónin Bjarnlaug og Ómar hafa unnið af alúð við garðinn sinn í
Lyngmóum 15 og þar er að finna fjölda trjátegunda, m.a. rósarunna.
Reykjanesbær
BÆJARRÁÐ Reykjanesbæjar sam-
þykkti á fundi sínum á fimmtudag að
fram skyldi fara athugun á þörf fyrir
byggingu eða kaup á leiguíbúðum í
Reykjanesbæ fyrir utanbæjarstarfs-
menn, s.s. kennara í skólum bæjarins
og starfsfólk Heilbrigðisstofnunar
Suðurnesja.
Árni Sigfússon bæjarstjóri segir
töluverðan fjölda starfsmanna Heil-
brigðisstofnunarinnar búa utan svæð-
isins og að margir hafi sýnt áhuga á
að leigja eða kaupa íbúðir í Reykja-
nesbæ. Sömu sögu er að segja um
kennara sem hafa áhuga á að kenna í
bænum.
„Spurn eftir húsnæði í Reykja-
nesbæ hefur verið mun meiri en fram-
boðið,“ segir Árni. „Ég tel að við þurf-
um því að kanna ítarlega hvort þörf sé
á að ganga sérstaklega fram og
tryggja að kennarar fái húsnæði. Við
leggjum áherslu á að gera skólana
okkar betri og forsenda þess er að
góðir kennarar hafi þá aðstöðu sem
þeir þurfa.“
Árni segir ekki ákveðið hvort hús-
næði fyrir starfsfólk stofnananna yrði
í eigu bæjarins. „Fyrsta skrefið er að
gera könnun á þörf fyrir húsnæði.
Niðurstaða hennar mun leiða í ljós
hvernig við munum bregðast við.“
Enn fremur var samþykkt á fundi
bæjarráðs að könnuð yrði húsnæðis-
þörf fyrir námsmenn í Reykjanesbæ
sem stunda nám á háskólastigi.
Þörf á íbúðum
fyrir starfsfólk
könnuð
Reykjanesbær
DRENGURINN sem ekið var á í
Garði á miðvikudag er nú á batavegi.
Hann hefur verið tekinn úr öndunar-
vél en er enn á gjörgæslu Landspít-
ala – háskólasjúkrahúss í Fossvogi.
Drengurinn, sem er átta ára, var á
reiðhjóli þegar hann varð fyrir bíln-
um.
Drengurinn
á batavegi
Garður
♦ ♦ ♦
Moggabúðin
Músarmotta, aðeins 450 kr.