Morgunblaðið - 17.09.2002, Qupperneq 4
FRÉTTIR
4 ÞRIÐJUDAGUR 17. SEPTEMBER 2002 MORGUNBLAÐIÐ
Opnunartímar:
Mánud.-föstud. frá kl. 10-18.
Laugavegi 170-174 • Sími 590 5000 • Heimasíða: www.bilathing.is
Netfang: bilathing@hekla.is
Mercedes Benz A-160s,
f.skr.d. 30.06. 1999,
ek. 22 þús., 5 dyra, sjálfskiptur.
Verð 1.650.000
Nánari upplýsingar hjá
Bílaþingi Heklu
ENGIN slys urðu á fólki um
helgina þegar ökumaður jeppa
festi ökutækið í straumharðri jök-
ulsá; Jökulsá á Fjöllum við
Dyngjujökul við norðanverðan
Vatnajökul. Einn farþegi var í
jeppanum og komust hann og
ökumaðurinn af sjálfsdáðum í
land, eftir að bíllinn festist. Það
tók björgunarsveitir Slysavarna-
félagsins Landsbjargar frá Húsa-
vík, Mývatni, Aðaldal og Jökuldal
um sólarhring að ná jeppanum
upp úr ánni.
Guðbergur Ægisson, einn
björgunarsveitarmannanna frá
Húsavík, segir að aðstæður hafi
verið mjög erfiðar. Bíllinn hafi
verið á kafi í vatni að framan og
leir og sandur hafi safnast saman
fyrir aftan hann. „Jeppinn var
orðinn mjög vel skorðaður þegar
hann loksins náðist upp, og það
mátti varla tæpara standa,“ sagði
Guðbergur í samtali við Fréttavef
Morgunblaðsins í gær.
Dreginn uppúr
með hertrukk
Að sögn Valgeirs Elíassonar,
upplýsingafulltrúa Slysavarna-
félagsins Landsbjargar, barst lög-
reglunni á Húsavík tilkynning um
að jeppafólk væri í vanda, um
níuleytið á laugardagskvöld.
Fólkið var á tveimur jeppum, en
annar þeirra fór á hliðina og fest-
ist í ánni, er það reyndi að keyra
hann yfir ána til að stytta sér leið
frá Urðarhálsi yfir í Sigurðar-
skála í Kverkfjöllum. Björgunar-
sveitir sendu þrjá björgunarsveit-
arbíla á staðinn til að freista þess
að ná jeppanum upp úr ánni. Það
tókst hins vegar ekki fyrr en um
sólarhring síðar eða eftir að her-
trukkur hafði einnig verið feng-
inn til að ná jeppanum upp.
Sumir stytta sér leið
Að sögn Valgeirs var jeppinn
talsvert skemmdur eftir veruna í
ánni, aðallega vegna þess að leir
og drulla hafði borist inn í hann.
Samkvæmt upplýsingum frá
lögreglunni á Húsavík er jeppum
stundum ekið yfir jökulsána, á
þeim stað sem jeppafólkið lenti í
vandræðum, einkum þó á haustin
þegar farið er að minnka í ánni.
Með því að fara þá leið sem
jeppafólkið valdi sér er hægt að
stytta sér leið frá Urðarhálsi að
Sigurðarskála. Er þá farið yfir
Flæður.
Að sögn lögreglunnar er um-
rædd leið, gömul leið yfir í
Kverkfjöll. Lögreglan ítrekar þó
að þessi leið sé sjaldan farin.
Ljósmynd/Ómar Jónsson
Jeppanum var bjargað upp úr Jökulsá á Fjöllum á sunnudag.
Jeppafólk í ógöngum á ferð fyrir norðan Vatnajökul
Tók sólarhring að ná jeppa
upp úr Jökulsá á Fjöllum
ÁTJÁN ára stúlka féll niður af svöl-
um þriðju hæðar fjölbýlishúss við
Þórufell í Breiðholti í Reykjavík síð-
degis á sunnudag. Hún var flutt á
slysadeild Landspítalans í Fossvogi
og var á gjörgæsludeild um nóttina.
Að sögn vakthafandi læknis á gjör-
gæsludeild var stúlkan ekki í lífs-
hættu.
Stúlkan féll niður á grasflöt fyrir
neðan svalirnar. Fallið var nokkuð
hátt og þykir mesta mildi að stúlkan
skuli hafa sloppið við alvarleg
meiðsli.
Lögreglan í Reykjavík hefur at-
vikið til rannsóknar en útilokar að
nokkurt saknæmt athæfi annarra
hafi leitt til þess að stúlkan féll niður.
Var hún að klifra milli svala á þriðju
hæð en missti takið með fyrrgreind-
um afleiðingum.
Féll niður
af 3. hæð
FRÆÐSLURÁÐ Hafnarfjarðar
samþykkti í gær að leggja til að
bæjarstjórn Hafnarfjarðar yfirtæki
nú þegar þann rekstur Áslands-
skóla sem Íslensku menntasamtök-
in hafa haft með höndum. Tillagan
var samþykkt með þremur atkvæð-
um samfylkingarmanna gegn tveim-
ur atkvæðum sjálfstæðismanna en
bæjarstjórn mun greiða atkvæði um
tillöguna í dag. Í tillögunni kemur
fram að heimild til yfirtökunnar sé
byggð á 9. kafla samningsins við Ís-
lensku menntasamtökin um kennslu
í Áslandsskóla og almennum neyð-
arréttarsjónarmiðum íslensks rétt-
ar. Með samþykktinni eigi að
tryggja órofna og ótruflaða kennslu
í grunnskólanum vegna þess upp-
náms sem starfsemi hans sé í.
Íslensku menntasamtökin mót-
mæla tillögunni harðlega og segja
hana ekki eiga við nokkur rök að
styðjast. Verði hún samþykkt sé um
að ræða freklegt samningsbrot af
hálfu Hafnarfjarðarbæjar. Í athuga-
semdum samtakanna við tillöguna
segir að í samningnum við Hafn-
arfjarðarbæ sé ekki heimild til fyr-
irvaralausrar riftunar og allt tal um
neyðarástand í skólanum sé fráleitt
og eigi sér enga lagalega stoð.
Áskilja samtökin sér rétt til að bera
slíka málsmeðferð undir æðri
stjórnvöld og til bóta vegna tjóns
sem samþykkt tillögunnar hefði í
för með sér.
Samkvæmt samningnum sé
Hafnarfjarðarbæ heimilt að segja
honum upp með sex mánaða fyr-
irvara hafi samtökin á stórfelldan
og ítrekaðan hátt vanefnt skyldur
sínar en ljóst sé að Hafnarfjarð-
arbær geti ekki byggt á því. „Er
harmað að slík tillaga sé borin upp í
fræðsluráði, án þess að hún eigi sér
nokkra stoð í samningi aðila, sem
báðum aðilum ber að virða að lög-
um,“ segir í athugasemdunum. Þá
verði ekki séð hvernig staðið verði
að yfirtöku skólans og er bent á að
núverandi skólastjórnendur hafi
alla aðstöðu sína í skólanum auk
þess sem allur búnaður skólans, þ.e.
áhöld, tæki og kennsluefni sé vist-
aður þar. Ekki verði séð að yfirtaka
skólans geti átt sér stað nema fyrir
liggi samkomulag milli aðila eða
leitað verði einhvers konar aðfara-
heimildar, innsetningar eða eftir at-
vikum útburðar hjá héraðsdómi.
Telja Íslensku menntasam-
tökin hafa brotið samning
Í bókun sem fulltrúar Samfylk-
ingarinnar lögðu fram segir m.a. að
fræðsluyfirvöld telji að Íslensku
menntasamtökin hafi í verulegum
atriðum brotið gegn fyrrnefndum
samningi þar sem m.a. sé kveðið á
um að reksturinn skuli vera í sam-
ræmi við lög um grunnskóla. Enn
hafi ekki verið gerð skólanámskrá
og fræðsluyfirvöld telji ljóst að
„samstarfsörðugleikar stjórnanda
við kennara og leiðbeinendur í skól-
anum“ stefni í tvísýnu að markmiði
laga um grunnskóla verði náð með
óbreyttum rekstri skólans og við
það verði ekki unað. Í athugasemd-
um Íslensku menntasamtakanna
komi ennfremur fram algjört skiln-
ingsleysi á þeim alvarlega vanda
sem við sé að etja og eru samtökin
gagnrýnd fyrir að mæta ekki til
fundar við bæjarstjórnina á föstu-
dag þrátt fyrir „háalvarlega“ stöðu í
málefnum skólans.
Eins og fyrr segir greiddu
fulltrúar Sjálfstæðisflokksins í
fræðsluráði atkvæði gegn tillögunni
og í bókun lýsa þeir undrun og
furðu á yfirlýsingum Lúðvíks Geirs-
sonar bæjarstjóra og vinnubrögð-
um.
Óvíst um lagalegan
grundvöll riftunar
„Nú, þegar yfirlýsingar hafa ver-
ið gefnar um að samningi um
grunnskólann í Áslandi verði rift án
nokkurs fyrirvara vakna upp fjöl-
margar spurningar. Hafnarfjarðar-
bær stendur að samningi við Ís-
lensku menntasamtökin og alls er
óvíst að lagalegur grundvöllur til
riftunar samnings með þeim hætti
sem er boðaður standist. Hafnar-
fjarðarbær er stjórnvald sem verð-
ur að viðhafa fagleg vinnubrögð þar
sem festa og sanngirni verða að
leiða aðila að skynsamlegum nið-
urstöðum. Þar á fremur að fara fyr-
ir vilji til að leita leiða til að sætta
sjónarmið fremur en að bregða
sverði á loft. Þau vinnubrögð sem
stjórnendur Hafnarfjarðarbæjar
kjósa að hafa að leiðarljósi í þessum
ferli virðast því ekki lýsa öðru en
þeim ásetningi einum sem boðaður
var fyrir síðustu sveitarstjónar-
kosningar af hálfu Samfylkingar-
innar, það er að rifta hið fyrsta
samningi við Íslensku menntasam-
tökin,“ segir í bókun sjálfstæðis-
manna.
Á fundi fræðsluráðs í gær var
jafnframt samþykkt tillaga um að
bæjarstjórn auglýsi nú þegar stöðu
skólastjóra og aðstoðarskólastjóra
við Áslandsskóla. Báðir fulltrúar
Sjálfstæðisflokksins sátu hjá við at-
kvæðagreiðslu um seinni tillöguna.
Fræðsluráð Hafnarfjarðar beinir því til bæjarstjórnar að hún
yfirtaki rekstur Íslensku menntasamtakanna á Áslandsskóla
Íslensku menntasamtökin
segja riftun samningsbrot
TVEIR ellefu ára drengir
voru skotnir á færi með loft-
byssu við Suðurbæjarlaug í
Hafnarfirði á laugardag. Þrír
14–15 ára drengir voru með
byssuna og skaut einn þeirra
viljandi á yngri drengina.
Annar þeirra var skotinn í
fótlegg en hinn í handlegg og
mörðust þeir undan skotun-
um. Vitni varð að skotárás-
inni og tilkynnti hana til lög-
reglunnar. Lögreglan náði til
byssudrengjanna og játuðu
þeir sakargiftir. Vopnið var
tekið af þeim og verða dreng-
irnir teknir fyrir hjá lögregl-
unni í framhaldinu og mál
þeirra tilkynnt til félagsmála-
yfirvalda bæjarins.
Lögreglan segir mál af
þessu tagi koma upp af og til
og beinir því til foreldra að
athuga vel hvað börn þeirra
hafi undir höndum. Segir lög-
reglan að foreldrar afhendi
bókstaflega börnum sínum
loftbyssur og sé slíkt jafnvel
að færast í aukana. „Foreldr-
um finnst þetta vera í lagi og
láta börnin hafa byssur,“ seg-
ir rannsóknarlögreglumaður
hjá Hafnarfjarðarlögreglunni
og segir foreldrana ekki gera
sér grein fyrir alvarleika
málsins.
Tveir
drengir
skotnir
með loft-
byssu
HALLDÓR Ásgrímsson utanríkis-
ráðherra flytur í dag ræðu í al-
mennri umræðu á allsherjarþingi
Sameinuðu þjóðanna í New York.
Ræðan hefst klukkan 15 að ís-
lenskum tíma og er hægt að fylgj-
ast með beinni útsendingu á Net-
inu á slóðinni: www.un.org/webcast
og velja þar tengilinn „Live Web-
cast“.
Á laugardag sat Halldór fund ut-
anríkisráðherra Norðurlandanna
sem var haldinn í New York. Í
fréttatilkynningu frá utanríkis-
ráðuneytinu segir að málefni Íraks,
alþjóðlega sakamáladómstólsins og
ástandið í Mið-Austurlöndum hafi
verið efst á baugi. Hann átti um
helgina fund með Elisabeth Jones,
aðstoðarutanríkisráðherra Banda-
ríkjanna, sem fer með málefni Evr-
ópuríkja. Þá átti hann ennfremur
með utanríkisráðherrum Króatíu,
Búlgaríu og El Salvador.
Flytur ræðu
á allsherj-
arþingi SÞ
TEKIST hefur að frjóvga hlýra-
hrogn hjá Hlýra ehf. í Neskaupstað
og er búið að kreista og frjóvga um
fjóra lítra af hrognum.
Á heimasíðu Síldarvinnslunnar,
sem á hlut í Hlýra ehf., segir að þetta
sé mikilvægur áfangi í tilraunaeldi
en eitt vandamála í hlýraeldi sé sá
hluti sem snúi að hrygningu og klaki.
Hlýri ehf. er í eigu Síldarvinnsl-
unnar, Nýsköpunarsjóðs atvinnulífs-
ins, Hönnunar og Eignarhaldsfélags
Austurlands.
Frjóvguðu
hlýrahrogn
♦ ♦ ♦