Morgunblaðið - 17.09.2002, Blaðsíða 8
FRÉTTIR
8 ÞRIÐJUDAGUR 17. SEPTEMBER 2002 MORGUNBLAÐIÐ
Sunnudagaskólinn
Kenna börn-
unum að gefa
BARNASTARFkirkjunnar er núhafið að nýju í
flestum kirkjum landsins.
Bæði er um að ræða
sunnudagaskóla eða
kirkjuskóla, sem yfirleitt
eru haldnir á sunnudags-
morgnum og opnir börnum
á öllum aldri, eða barna-
starf í miðri viku fyrir til-
tekna aldurshópa. Elín El-
ísabet Jóhannsdóttir er
ritstjóri og einn af höfund-
um kennsluefnis sem notað
er í sunnudagaskólum
þjóðkirkjunnar. Einnig
starfar hún sem æslulýðs-
fulltrúi í Fella- og Hóla-
kirkju í Breiðholti. Elín
segir að barnastarf kirkj-
unnar sé vel sótt, síðast
þegar fjöldi barnanna var
kannaður komu um 11 þúsund
börn í sunnudagaskóla þjóðkirkj-
unnar.
Hverjir sinna barnastarfi í
kirkjunni?
„Það er alls konar fólk, prestar,
kennarar, leikskólakennarar, upp-
eldismenntaðir æskulýðsfulltrúar,
djáknar og leikmenn úr öllum
stéttum. Fólkið sinnir þessu ýmist
sem sjálfboðaliðar eða í launuðu
starfi. Þessi hópur er mjög breið-
ur og fjölbreyttur. Þess vegna höf-
um við haldið helgarnámskeið í
hverjum landsfjórðungi árlega
fyrir sunnudagaskólakennara.
Námskeiðin verða æ ítarlegri og
metnaðarfyllri. Fyrst þegar ég
hóf afskifti af námskeiðshaldinu
þvældumst við séra Guðný Hall-
grímsdóttir um allt land og reynd-
um að kenna fólki það sem við
kunnum. Nú koma mun fleiri að
þessu, fólk sem er sérfrótt um ým-
is svið. Þar má nefna leikara,
kennara úr Háskóla Íslands í
framsögn og marga fleiri. Kirkjan
býður auk þess upp á fleiri nám-
skeið fyrir fólk í barna- og ung-
lingastarfi.“
Hvað um námsefnið?
„Námsefnið í vetur verður að
ýmsu leyti frábrugðið því sem not-
að hefur verið undanfarin ár. Bæði
eru fleiri höfundar en áður og eins
erum við komin í samstarf við
Hjálparstarf kirkjunnar um
tveggja ára kennsluáætlun.
Kennsluefnið heitir: Réttum
hjálparhönd og þar er börnunum
kennt að gefa. Það voru hannaðir
söfnunarbaukar sem hefur þegar
verið dreift til sunnudagaskól-
anna. Börnin verða hvött til að
gefa í söfnun til Hjálparstarfs
kirkjunnar í vetur.“
Eru börnin aflögufær?
„Það er misjafnt hve aflögufært
fólk er og það á líka við um börn.
Okkur er ljóst að íslensk börn eru
orðnir miklir neytendur og
neysluhyggjan nálæg. Þau eru
jafnvel í áskrift að sælgætispoka á
laugardögum. Í sunnudagaskól-
unum er ætlunin að kenna þeim að
við berum ábyrgð hvert á öðru,
allt mannkyn á jörð, og það hafa
ekki allir jarðarbúar það jafngott
og við hér á Íslandi.“
Og fyrir hverju á að
safna?
„Við erum að safna
til að geta hjálpað fá-
tækum börnum, hvar
sem er í heiminum.
Líka á Íslandi. Peningarnir verða
afhentir Hjálparstarfi kirkjunnar
sem ráðstafar þeim eftir þörfum.
Foreldrar eru farnir að koma í rík-
ari mæli en áður með börnunum
sínum í sunnudagsskólann. Þetta
verður því kjörið tækifæri fyrir
foreldra, sem hafa áhyggjur af
áhrifum lífsgæðakapphlaupsins
og neysluhyggjunnar á börn sín,
að beina sjónum þeirra að þörfum
annarra. Sunnudagaskólarnir um
allt land taka þátt í þessari söfnun
og í vor er stefnt að allsherjar
uppskeruhátíð þar sem tilkynnt
verður hve mikið safnaðist á
landsvísu.“
Hvernig er að ná til barna á
dögum tölvuleikja og myndbanda?
„Kirkjurnar eru fullar af börn-
um, þrátt fyrir tölvuleiki og mynd-
bönd. Þau koma bæði í sunnu-
dagaskólana og í barnastarfið í
miðri viku. Við teljum að þetta sé
eitt mikilvægasta starf kirkjunn-
ar, því börnin eru grunnurinn að
kirkju framtíðarinnar.“
Það er oft talað um að börn séu
mötuð of mikið. Tekst ykkur að
virkja þau í starfinu?
„Það er misjafnt eftir kirkjum
hve mikið þau eru virkjuð. Í 200
barna sunndagaskóla er erfitt að
virkja þau til annars en að taka
þátt í söng og leik. Svo þarf að fá
þau til að hlusta, því sunnudaga-
skólinn er öðrum þræði svolítil
sýning eða uppákoma. Í miðri viku
er reynt að fá þau til aðstoðar eða
beinnar þátttöku í starfinu.
Það hefur verið búið til sérstakt
kennsluefni fyrir 8–12 ára börn.
Þau ætla líka að safna og það
verða haldnir kökubasarar, tom-
bólur eða dótasölur. Þá eru seld
gömul leikföng sem börnin eru
hætt að nota.
Var ekki barnastarf kirkjunnar
að fá styrk frá UNESCO?
„Kirkjan og Hjálparstarf kirkj-
unnar sóttu sameigin-
lega um þennan styrk
og verður hann notaður
á næsta ári. Þar er
UNESCO í rauninni að
veita þennan styrk til
þess að fá fólk hingað
frá Afríku sem mun fara um land-
ið og heimsækja kirkjurnar. Það
mun segja frá lífi sínu og lífskjör-
um, sem eru allt öðruvísi en við
eigum að venjast. Það mun einnig
segja frá trú sinni, en lífskjörin
hafa áhrif á trúarviðhorfin. Þetta
verður því hluti af þessu hjálpar-
starfsátaki og söfnun sunnudaga-
skólanna fyrir fátæk börn.“
Elín Elísabet Jóhannsdóttir
Elín Elísabet Jóhannsdóttir
fæddist árið 1964. Hún lauk
kennaraprófi frá Kennarahá-
skólanum 1990 og bætti síðan við
sig námi í hagnýtri fjölmiðlun.
Elín ritstýrði unglingablaðinu
Smelli og barnablaðinu Æskunni
um skeið, en hefur auk þess unn-
ið að gerð námsefnis fyrir barna-
starf kirkjunnar í mörg ár. Elín
starfar sem æskulýðsfulltrúi í
Fella- og Hólakirkju. Sambýlis-
maður hennar er Kristmundur
Kristmundsson vélfræðingur og
eiga þau samtals fjögur börn.
Réttum
fátækum
börnum
hjálparhönd
AFHJÚPAÐ hefur verið í Vík í
Mýrdal minnismerki til að heiðra
minningu þýskra togarasjómanna
sem létu lífið á íslandsmiðum og
að votta þeim Íslendingum þakkir
sem lögðu líf sitt í hættu við að
bjarga Þjóðverjum úr sjávarháska.
Minnismerkið er úr stórum gran-
ítsteini, 6,5 tonn að þyngd, sem
var fluttur frá Þýskalandi og 10 ís-
lenskum stuðlabergssteinum sem
standa í hálfhring umhverfis hann.
Stóri innflutti steinninn á að
tákna aðkomusjómennina og stuðl-
arnir Íslendingana sem reyndu að
bjarga og hjálpa aðkomumönn-
unum. Hópur þýskra áhugamanna
í tengslum við fiskveiðisögudeild
þýska sjóminjasafnsins og Menn-
ingarfélagið um Brydebúð í Vík
höfðu veg og vanda af uppsetn-
ingu og staðsetningu steinanna.
Standa þeir á sjávarkambinum
vestast í Víkurþorpi með Reyn-
isdranga í baksýn. Fjárframlög frá
einstaklingum og fyrirtækjum og
stuðningur frá stofnun Roberts
Bosch gerðu gerð minnisvarðans
mögulegan.
Við afhjúpun minnisvarðans var
mættur fjöldi gesta bæði erlendra
og innlendra, 24 Þjóðverjar komu
sérstaklega til að vera við athöfn-
ina. Einnig var fjöldi heimamanna
mættur. Haldnar voru nokkrar
ræður. Halldór Blöndal, forseti al-
þingis, dr. Hendrik, Dane sendi-
herra Þýskalands á Íslandi, Hilda
Peters sem kom frá áhugahópnum
þýska og Sveinn Pálsson, sveit-
arstjóri í Vík, röktu sögu málsins
Einnig blessaði sr. Haraldur M.
Kristjánsson prófastur minn-
isvarðann. Nokkrar stúlkur sungu
undir stjórn Önnu Björnsdóttur.
Eftir athöfnina var öllum við-
stöddum boðið til kaffidrykkju í
Halldórskaffi í Vík.
Minnisvarði um þýska
sjómenn afhjúpaður í Vík
Morgunblaðið/Jónas Erlendsson
Fagradal. Morgunblaðið.
„ÞAÐ ÆTTI ekki að vera heimilt og
er allsendis óviðeigandi, að samtök,
sem eru ekki hluti af Alþingi, skuli
nýta sér nafn þess með þessum hætti
til að koma fram áróðri sem fáir
mundu veita athygli nema vegna þess
að nafn Alþingis er notað sem skálka-
skjól,“ sagði Árni Ragnar Árnason,
alþingismaður, um opnun vefsins
www.althing.org. Á vefnum er starf-
semi Friðar 2000 kynnt og árásir á
Írak m.a. fordæmdar. Þar stendur
m.a. að fundur, líkur Alþingi Íslend-
inga fyrir þúsund árum, gæti átt sér
stað í Jerúsalem, þar sem kæmu sam-
an fulltrúar bæði Palestínu og Ísraels.
„Nafn Alþingis er notað til framdrátt-
ar málstað sem Alþingi hefur enga af-
stöðu tekið til,“ segir Árni. Hann seg-
ir í raun aukatriði hver málstaðurinn
er. „Það er öllum frjálst að setja fram
sjónarmið sín, en ekki að nýta sér til
þess stofnanir sem þjóðin telur þjóð-
arstofnanir eins og Alþingi.“ Árni tel-
ur að nafn síðunnar sé vísvitandi valið
til að gefa í skyn að þar sem þar
stendur komi frá Alþingi Íslendinga.
– Hvernig má koma í veg fyrir að
nafn Alþingis sé notað á þennan hátt?
„Ég tel að það gæti verið hægt að
setja reglur af hálfu Alþingis, líkar því
sem gilda um þjóðfánann og notkun
hans,“ sagði Árni. „En raunar tel ég
þetta varða siðferði þeirra sem gera
svona lagað. Það er ekki siðlegt að
draga nafn stofnana með þessum
hætti að einhverjum málstað, eins og
klárlega er verið að gera í þessu til-
viki.“
Telur óviðeigandi að nota
nafn Alþingis í áróðursskyni