Morgunblaðið - 17.09.2002, Síða 12
HÖFUÐBORGARSVÆÐIÐ
12 ÞRIÐJUDAGUR 17. SEPTEMBER 2002 MORGUNBLAÐIÐ
UNGIR og aldnir skemmtu sér sam-
an á hausthátíð Vesturbæjar sem
var haldin á laugardag með pomp
og prakt. Var hátíðin fyrst og
fremst haldin til að kynna tóm-
stunda-, félags- og íþróttastarf í
hverfinu.
Íbúum í hverfinu var meðal ann-
ars boðið upp á sundferð í Vest-
urbæjarlaugina, grillmat við
íþróttahús Hagaskóla, leiktæki í
umsjá skátafélagsins Ægisbúa,
kynningu á starfi Neskirkju auk
innanfélagsmóts í fjölda íþrótta á
vegum KR. Þá var kynning á fé-
lagsmiðstöðinni Frostaskjóli og
vetrarstarfinu þar framundan.
Á sunnudaginn var svo hin ár-
lega KR-messa í Neskirkju.
Glaumur
og gleði á
hausthátíð
Vesturbær
Morgunblaðið/Sverrir
Það vantaði ekki kraftinn í krakkana sem ærsluðust í leiktækjum sem sett voru upp við skátaheimili Ægisbúa.
Morgunblaðið/Sverrir
Grillaðar pulsur runnu greiðlega niður kverkar hátíðargesta og ekki
var verra að hafa Svala til að skola kræsingunum niður með.
ÞAÐ er óhætt að segja að Graf-
arvogurinn hafi iðað af lífi síðast-
liðinn laugardag þegar íbúar þar
héldu sína árlegu hverfishátið í
fimmta sinn. Hefur dagskrá hátíð-
arinnar aldrei verið umfangs-
meiri.
Í ár var sérstök áhersla lögð á
sögu borgarhlutans en þótt hverf-
ið sjálft hafi risið á skömmum tíma
má rekja sögu svæðisins allt aftur
til landnámsmannsins Ketils gufu.
Dagskráin var sneisafull af við-
burðum, bæði hefðbundnum og
svo öðrum sem voru nýir af nál-
inni. Má nefna sögugöngu og
helgistund sem hafa verið árvissir
viðburðir, opið hús í Borgarholts-
skóla þar sem listamenn, félög og
fyrirtæki kynntu sig, afhendingu
hvatningarverðlaunanna Mátt-
arstólpans, upplestur Grafarvogs-
skáldanna, gleði- og glaumgöngu
þar sem eldgleypar og ýmsar
kynjaverur úr Agon brugðu á leik
og svo mætti lengi telja.
Það var Gufunesbær og Mið-
garður – fjölskylduþjónustan í
Grafarvogi sem sáu um fram-
kvæmd Grafarvogsdagsins og að
sögn Ásu Briem, verkefnisstjóra
hjá Miðgarði, kom fjöldi sjálf-
boðaliða að starfinu að auki. Hún
segir daginn hafa heppnast mjög
vel og allt bendi til þess að fleiri
Grafarvogsbúar hafi sótt sér
skemmtun og fróðleik af einhverju
tagi á þessum degi í ár en áður en
þátttaka hefur farið vaxandi ár
frá ári undanfarin ár. „Veðrið lék
við okkur, það var mjög hlýtt og
lygnt og þetta gekk í alla staði
rosalega vel,“ segir hún.
Hátíðar-
stemn-
ing á
hverfis-
hátíð
Grafarvogur
Morgunblaðið/Jón Svavarsson
Bifreiðar með gallabuxnaútliti eru ekki hversdagsleg sjón en slíkt bar
þó fyrir augu á Grafarvogshátíðinni því í bíliðnadeildinni í Borgarholts-
skóla var búið að mála frambretti af bíl í gallabuxnastíl.
Morgunblaðið/Jón Svavarsson
Skrautleg andlitsmálning þykir oft ómissandi hluti af hátíðarstemning-
unni og hér er það Sóley Ósk Óttarsdóttir sem farðar Önnu Kolbrúnu
Kristmundsdóttur í Borgarholtsskóla á laugardag.
HEILBRIGÐISEFTIRLIT Hafn-
arfjarðar- og Kópavogssvæðis hefur
mælt með því við bæjaryfirvöld í
Kópavogi að þau bregðist við fjölda
gáma á lóðum fyrirtækja. Segir
framkvæmdastjóri Heilbrigðiseftir-
litsins stóran hluta gáma á lóðum
fyrirtækja í Kópavogi vera hrörleg-
an og til lítillar prýði.
Í vor sendi iðnrekandi í bænum
erindi til bæjaryfirvalda þar sem
kvartað er undan því sem hann
kallar gámamenningu fyrirtækja í
Kópavogi. Er á það bent að við fyr-
irtæki við Skemmuveginn, þar sem
viðkomandi er með rekstur, séu
víða gámar, bílhræ og annars konar
úrgangur. Margir gámanna séu
búnir að vera í hverfinu í fjölda ára
og þetta ástand letji aðra til að
halda snyrtilegu í kring um sig.
Engin fasteignagjöld
borguð af geymslugámum
Þá er á það bent að engin fast-
eignagjöld eru borguð af gámum
sem notaðir eru sem geymslur inni
á lóðum fyrirtækjanna en hins veg-
ar þurfi að borga geymslugjöld af
þeim annars staðar.
Í umsögn framkvæmdastjóra
Heilbrigðiseftirlits Hafnarfjarðar-
og Kópavogssvæðis vegna erindis-
ins kemur fram að í sumar, þegar
gerð var könnun á fjölda gáma í
bænum, hafi þeir verið um 190 tals-
ins. Sú tala geti þó verið breytileg.
Langstærsti hluti þeirra eða 82 pró-
sent séu flokkaðir sem geymslu-
gámar, þ.e. nýttir undir starfsemi
viðkomandi fyrirtækis á staðnum.
Geta valdið slysahættu
Oft séu geymdir í þeim hlutir
sem eru nauðsynlegir fyrirtækjun-
um og hugsanlega væru til veru-
legra lýta á lóð. „Því er hins vegar
ekki að leyna að stór hluti þeirra er
hrörlegur og til lítillar prýði fyrir
umhverfið, slysahætta getur stafað
frá þeim ef þeir eru illa staðsettir
varðandi umferð og/eða þegar
lausamunum hefur verið hlaðið upp
á þá. Hluti þeirra getur einnig vald-
ið nágrönnum óþægindum vegna
hávaða frá kælikerfum, þeir teppa
oft bílastæði og í sumum tilvikum
torvelda þeir aðkomu að öðrum fyr-
irtækjum.“ Segir hann því sjónar-
mið bréfritara um að „gámavæðing“
vinni gegn markmiðum um snyrti-
legt umhverfi „eiga fyllilega rétt á
sér“.
Er því mælt með að bæjaryf-
irvöld bregðist við þessari þróun. Í
því sambandi er vísað til bygginga-
reglugerðar og bent á að hægt væri
að fylgja því eftir að gámar væru
leyfisskyldir og setja reglur um
staðsetningu og ásýnd þeirra.
Brugðist verði
við „gáma-
menningu“
Kópavogur
Heilbrigðiseftirlit Hafnarfjarðar- og
Kópavogssvæðis um lóðir fyrirtækja
SKIPULAGS- og bygginganefnd
Reykjavíkur hefur samþykkt nýtt
deiliskipulag Sigtúns 38 þar sem
gert er ráð fyrir stækkun Grand
hótels. Formaður nefndarinnar bók-
aði andstöðu sína við skipulagið á
fundi hennar í síðustu viku.
Deiliskipulaginu var vísað til af-
greiðslu borgarráðs en tillagan gerir
ráð fyrir tveimur 12 til 13 hæða
turnum sem komi ofan á hótelið. Í
bókun Steinunnar Valdísar Óskars-
dóttur, formanns skipulags- og
bygginganefndar Reykjavíkur, segir
að afstaða hennar hafi ekki breyst
frá því 22. maí síðastliðinn en þá
lýsti hún yfir andstöðu sinni við
breytingarnar. „Breytingin er í
hróplegu ósamræmi við byggða-
mynstur við Sigtún og Teigahverf-
isins í heild og stingur í stúf við sitt
nánasta umhverfi,“ sagði þá í bókun
hennar.
Hægt að þétta byggð
með öðrum hætti
Fulltrúar Sjálfstæðisflokks létu
bóka á fundinum að það vekti at-
hygli „að formaður skipulags- og
byggingarnefndar, sem t.d. hefur
verið helsti talsmaður þéttingar
byggðar í Norðlingaholti, sem alls
ekki þolir slíka þéttingu, skuli leggj-
ast gegn þéttingu á svæði sem aug-
ljóslega þolir aukna þéttingu“.
Lét þá Steinunn bóka að árið 1996
hafi hún samþykkt stækkun á Grand
hóteli sem meðal annars fól í sér
þéttingu og aukið byggingarmagn.
„Sýnt hefur verið fram á að hægt er
að þétta byggð og auka bygging-
armagn í kringum hótelið með öðr-
um hætti en byggingu tveggja 13
hæða turna. Afstaða mín helgast af
því að ég tel turnbyggingar í hróp-
legu ósamræmi við byggðarmynstur
en það lýsir á engan hátt andstöðu
við þéttingu byggðar.“
Skipulag Grand
hótels samþykkt í
skipulagsnefnd
Tún
Formaður nefndarinnar
mótfallinn breytingunum
BÆJARRÁÐ Mosfellsbæjar hefur
samþykkt að leggja til við landbún-
aðarráðuneytið að Mosfellsbær verði
á sama búfjáreftirlitssvæði og
Reykjavík.
Í erindi ráðuneytisins til sveitar-
stjórna á landinu varðandi nýja
reglugerð um búfjáreftirlitssvæði
kemur fram að Mosfellsbær og Kjós-
arhreppur verði eitt búfjáreftirlits-
svæði en Reykjavík og Seltjarnar-
neskaupstaður annað. Á fundi
bæjarráðs var óskað eftir því að
vegna landfræðilegrar stöðu bæjar-
ins væri æskilegast að tilheyra sama
búfjáreftirlitssvæði og Reykjavík.
Verði á sama
búfjáreftir-
litssvæði og
Reykjavík
Mosfellsbær