Morgunblaðið - 17.09.2002, Side 41

MORGUNBLAÐIÐ ÞRIÐJUDAGUR 17. SEPTEMBER 2002 41
MEISTARINN.IS
Haustið í
Prag
frá kr. 25.450
með Heimsferðum
Verð kr. 29.950
Flug og hótel í 3 nætur.
M.v. 2 í herbergi á Quality Hotel, 11.
nóvember, með 8.000 kr. afslætti.
Skattar innifaldir.
Gildir frá mánudegi til fimmtudags.
Verð kr. 25.450
Flugsæti til Prag, 14. október, með 8.000
kr. afslætti. Flug og skattar.
Gildir frá mánudegi til fimmtudags.
Prag er nú orðinn einn vinsælasti áfangastaður Íslendinga til að
sækja heim enda ein fegursta borg heimsins sem geymir mörg-
hundruðára sögu á hverju horni og mannlíf og andrúmsloft sem
á ekki sinn líka í Evrópu. Gullna borgin, borg hinna þúsund
turna, gimsteinn Evrópu, borg töfranna, það er ekki að undra að
þessari stórkostlegu borg hafi verið gefin öll þessi nöfn. Heims-
ferðir bjóða nú einstakt tækifæri til að kynnast þessari ótrúlegu
borg. Í boði eru góð 3 og 4 stjörnu hótel og spennandi kynnis-
ferðir um kastalahverfið og gamla bæinn, eða til hins einstak-
lega fagra heilsubæjar Karlovy Vary, með íslenskum farar-
stjórum Heimsferða.
Flug fimmtud. og mánud. í okt. og nóv.
Bókaðu meðan enn er laust
11 flug uppseld.
Tryggðu þér sæti meðan enn er
laust.
8.000 kr. afsláttur
Ef þú bókar í ferð frá mánudegi
til fimmtudags fyrir 23. sept,
getur þú tryggt þér 8.000 kr.
afslátt.
Skógarhlíð 18, sími 595 1000. www.heimsferdir.is
Kringlunni, sími 588 1680,
v. Nesveg, Seltjarnarnesi,
sími 561 1680.
iðunn
tískuverslun
Nýtt Nýtt
MAC
gallabuxur
Gallabuxur frá MAC
fást í 5 litum
og 4 lengdum.
HREYFILSEINVÍGIÐ 2002 milli
tékkneska stórmeistarans Tomas
Oral og Stefáns Kristjánssonar hófst í
Þjóðarbókhlöðunni á laugardaginn.
Oral hafði hvítt í fyrstu skákinni og að
venju svaraði Stefán með frönsku
vörninni. Það er skemmst frá því að
segja, að Stefán sá aldrei til sólar í
skákinni, fékk fljótlega verra tafl og
eftir 20 leiki var staða hans gjörtöpuð.
Hann gaf síðan skákina eftir 26 leiki
þegar stutt var í mátið.
Önnur skákin var aftur á móti mjög
spennandi. Upp kom Sikileyjarvörn,
en fljótlega fór spekingunum á skák-
stað að lítast illa á hvítu stöðuna og
óttuðust að allt færi á sama veg og í
fyrstu skákinni. Þeim tókst að kokka
upp hverja stórsóknina á fætur ann-
arri fyrir Oral, en Stefán hafði séð
lengra og fljótlega varð ljóst að hann
yrði ekki mátaður svo auðveldlega.
Engu að síður voru áberandi skiptar
skoðanir á stöðunni, bæði á ICC,
skákstað og víðar þar sem fylgst var
með skákinni. Eftir 27 leiki var Oral
greinilega kominn á þá skoðun að
Stefán stæði síst verr og bauð jafn-
tefli. Stefán sá ekki ástæðu til að taka
því, enda ekki yfir neinu að kvarta í
stöðunni og Oral var með verri tíma.
Hann hefði þó betur tekið jafnteflinu,
því framhaldið tefldi hann ekki ná-
kvæmt og nokkrum leikjum eftir
tímamörkin við 30. leik fór að halla
töluvert á hann. Hann gafst síðan upp
í 41. leik. Eftir skákina kom í ljós að
Oral taldi sig hafa verið með mun
betri stöðu í miðtaflinu, en ekki voru
allir áhorfendur sammála því mati.
Fjórða skák einvígisins verður
tefld í dag og hefst viðureignin klukk-
an 16. Tefldar verða sex skákir.
Hellir fékk silfrið
á NM taflfélaga
Norðurlandamót taflfélaga var hald-
ið í þriðja sinn á laugardaginn. Eins og
áður var Netið nýtt til hins ýtrasta og
teflt á ICC. Sænski klúbburinn Sol-
lentuna sigraði og hlýtur því titilinn
Norðurlandameistari taflfélaga. Tafl-
félagið Hellir tók þátt í mótinu fyrir Ís-
lands hönd og hafnaði í öðru sæti líkt
og í fyrra, en félagið sigraði í fyrstu
keppninni sem fram fór árið 2000. Það
var slæm útreið Hellis gegn Svíum í
þriðju umferð sem réð úrslitum á
mótinu, en Svíarnir sigruðu, 5-1. Í
þriðja sæti varð Asker skákklúbburinn
frá Noregi sem sigraði á mótinu í fyrra.
Lokastaðan á mótinu:
1. Svíþjóð 20½ v.
2. Hellir 18½ v.
3. Noregur 18 v.
4. Danmörk 15 v.
5. Finnland 12½ v.
6. Færeyjar 5½ v.
Lið Hellis var þannig skipað:
1. SM Hannes H. Stefánss.
2. SM Helgi Ólafsson
3. FM Sigurbjörn Björnss.
4. FM Ágúst S. Karlss.
5. FM Ingvar Ásmundss.
6. FM Andri Á. Grétarss.
1. vm. FM Davíð Ólafsson
2. vm. FM Snorri G. Bergss.
Tefldar voru atskákir með 20 mín-
útna umhugsunartíma, en 5 sekúndur
bættust við eftir hvern leik. Hvert
land tefldi í sínu landi undir eftirliti
skákdómara. Haraldur Baldursson
gætti þess að allt færi eftir settum
reglum hér á landi. Íslandsmeisturum
Hróksins var boðið að taka þátt í
keppninni, en þeir sáu sér ekki fært
að vera með. Það var Taflfélagið Hell-
ir sem átti hugmyndina að Norður-
landamóti taflfélaga og hefur jafn-
framt séð um skipulagningu og
framkvæmd hennar frá upphafi.
Haustmót Taflfélags
Reykjavíkur
Fjórða umferð á Haustmóti Tafl-
félags Reykjavíkur var tefld sunnu-
daginn 15. september. Staða efstu
manna í A-riðli er þessi:
1.–2. Torfi Leósson, Sigurður Daði
Sigfússon 3½ v.
3.–5. Magnús Örn Úlfarsson, Krist-
ján Eðvarðsson, Guðmundur Hall-
dórsson 2½ v.
Í B-flokki er Stefán Bergsson efst-
ur með 4 v. og í C-flokki eru þeir Árni
Þorvaldsson og Sturla Þórðarson
efstir með 3 v. og frestaða skák.
Tomas Oral – Stefán 2:0
SKÁK
Þjóðarbókhlaðan
HREYFILSEINVÍGIÐ 2002
14.–19. ágúst 2002
Daði Örn Jónsson
Teppi á stigaganga
Ármúla 23, sími 533 5060
Skógrækt rædd
í opnu húsi
FYRSTA „Opna hús“ vetrarins verð-
ur 17. september í Mörkinni 6 – húsi
Ferðafélags Íslands – og hefst kl. 20.
Húsið er öllum opið og er ókeypis að-
gangur. Skógræktarfélag Kópavogs
hefur umsjón.
Fram koma Helgi Þórsson um-
hverfisfræðingur og Aðalsteinn Svan-
ur Sigfússon myndlistarmaður. Þeir
eru búsettir í Eyjafirði og hafa komið
að skógrækt með ýmsum hætti um
árabil. Þeir verða með myndasýningu
og óformlegar umræður um allt sem
nöfnum tjáir að nefna í ræktun trjáa,
runna, skjólbelta og skóga í stórum
eða smáum stíl.
VG vill fund með
Ríkisendurskoðun
ÞINGFLOKKUR Vinstrihreyfingar-
innar – græns framboðs hefur óskað
eftir fundi með Ríkisendurskoðun um
beiðni þingflokksins frá því í janúar
um úttekt á störfum einkavæðingar-
nefndar. Nýlega fór forsætisráðu-
neytið fram á athugun á störfum
nefndarinnar og kom fram í fjölmiðl-
um að þeirri athugun yrði hraðað.
Í ljósi þessa þykir þingflokknum
tilefni til að óska eftir fundi þar sem
gerð verði grein fyrir því hvernig
embættið hafi tekið á beiðni þing-
flokksins um rannsókn á störfum
einkavæðingarenfndar.
„Alþingi sendi Ríkisendurskoðun
beiðni þingflokks Vinstrihreyfingar-
innar – græns framboðs í byrjun árs
og var sérstaklega óskað eftir því að
hliðsjón yrði höfð af einkavæðingu
Landssímans hf. Beiðnin sneri þó
einnig að öðrum þáttum í starfi einka-
væðingarnefndar. Í erindinu sem
Ríkisendurskoðun fékk sent sagði
m.a.: „Athuguð verði vinnubrögð,
verklag og stjórnskipuleg staða
einkavæðingarnefndar, kostnaður við
störf hennar bæði vegna eigin verk-
efna og aðkeyptrar vinnu, hvort út-
gjöld nefndarinnar hafi verið í sam-
ræmi við fjárheimildir, hvernig staðið
er að ákvarðanatöku af hálfu nefnd-
arinnar og annað sem efni standa til,“
segir í frétt frá þingflokknum.